২ রাজাবলী 4:1 - Chakma Bible

¹ শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

২ রাজাবলী 4:1 ပူးပေါင်းရင်းမြစ်များ

পত্থম 22:12

দূত্তো কলঅ, “পুয়োবোরে মারে ফেলেবাত্তে আত্‌ ন-তুলিচ্‌ বা তা উগুরে আর কিচ্ছু ন-গুরিচ্‌। তুই যে ‌গোজেন ভক্ত সিয়েন্‌ ইক্কিনে বুঝো গেলঅ, কিত্তে মঅ নাঙে তুই তঅ পুয়োবোরে, বানা এক্কো পুয়োরে উৎসর্ব গর্‌তে পিজেন্দি ন-আলাচ্‌।”

১ রাজাবলী 18:3

আহাবে ওবদিয়রে ডাগিনে পাদেল। রাজঘরর্‌ দেগাশুনোর্‌ ভারান্‌ ওবদিয়োর্‌ উগুরে এলঅ। লগেপ্রভুর উগুরে ওবদিয়োর্‌ ভোক্তিবলা বিশ্বেজ্ অমকদ এলঅ।

১ রাজাবলী 20:35

লগেপ্রভুর উগুমে শিচ্চ্য-ভাববাদীগুনো ভিদিরে একজনে তা সমাজ্যেবোরে কলঅ, “দোয়্যে গুরিনে মরে আঘাত্‌ গর্‌।” মানুচ্চো সেক্কে রাজী ন-অলঅ।

২ রাজাবলী 2:15

যিরীহোর যে ভাববাদী সমাজ্যেগুনে সিয়েনত্‌ থিয়্যেই এলাক্‌ তারা ইলীশায়রে দেগিনে কলাক্‌, “এলিয়োর আত্মাগানে ইলীশায় উগুরে বিশ্বেজ্ গোজ্যে।” তারা ইলীশায়র লগে দেগা গুরিবাত্তে গেলাক্‌ আর তা মুজুঙোত্‌ মাদিত্‌ মাধাবো লোঙেইনে সালাম গুরিনে কলাক্,

২ রাজাবলী 2:3

বৈথেলর ভাববাদী সমাজ্যেগুনে ইলীশায়র ইদু যেইনে কলাক্‌, “তুই কি হবর্‌ পাজ্‌, লগেপ্রভু তঅ গিরোজ্‌সোরে এচ্ছ্যে তর্‌ কায়-কুরেত্তুন্‌ নেযেব?” জোবত্‌ ইলীশায় কলঅ, “অয়, আমি হবর্‌ পেই। তুমি এ পৌইদ্যেনে আর্‌ কনঅ কিজু ন-কবা।”

২ রাজাবলী 2:5

যিরীহোর ভাববাদী সমাজ্যেগুনে ইলীশায় ইদু যেইনে কলাক্, “তুই কি হবর্‌ পাজ্‌, লগেপ্রভু তঅ গিরোজ্‌সোরে এচ্ছ্যে তত্তুন্‌ নেযেব?” জোবত্‌ ইলীশায় কলঅ, “অয়, মুই হবর্‌ পাং। তুমি এ পৌইদ্যেনে আর কনঅ কিজু ন-কবা।”

২ রাজাবলী 2:7

এলিয় আর ইলীশায় যর্দন গাঙ পারত্‌ যেইনে থামেলাক্ আর তারাত্তুন্‌ কিজু দূরোত্‌ পঞ্চাশজন ভাববাদী সমাজ্যে এইনে থিয়েলাক্।

২ রাজাবলী 4:38

ইলীশায় গিল্‌গলত্‌ ফিরি গেলঅ। সেক্কে সে চাগালাত্‌ ভাদঅ রাত্‌ চলের্‌। একদিন্যে একদল শিচ্চ্য-ভাববাদীয়্যে তা লগে বুয়োই এলাক্‌। সেক্কে তে তা চাগর্‌বোরে কলঅ, “দাঙর্‌ পিলেবো ধোইনে ইগুনোত্তে কিজু তোন্‌ রানঅ।”

২ রাজাবলী 6:9

সেক্কে গোজেনর্‌ মানুচ্চো ইস্রায়েল রাজারে কোই পাদেল, “উজিয়ার্‌, অমুক জাগাত্‌ ন-যেবা, কিত্তে অরামীয়গুনে সিদু যাদন্‌।”

নহিমিয় 10:31

জিরেবার্‌ দিনোত্‌ বা অন্য কনঅ পবিত্র দিনোত্‌ যুনি কায়-কুরে জাদর্‌ মানুচ্চুনে কনঅ পযাপিরা বা শোজ্য বিজিবাত্তে লোই এজন্‌ সালে তারাত্তুন্‌ আমি সিয়েনি ন-কিনিবোং। পত্তি সাত্‌ মাজত্‌ আমি ভূইয়ো চাষ্‌ ন-গুরিবোং আর বেক্‌ কজ্জগুন্‌ মাপ্‌ গুরি দিবোং।

নহিমিয় 7:2

মর্‌ ভেই হনানি আর তাম্বুলোর্‌ সেনাপতি হনানিয়রে মুই যিরূশালেমর কাম ভারান্‌ দিলুঙ্‌, কিত্যে হনানিয় গম্‌ মানুচ্‌ এলঅ আর গোজেনরে বেক্কুনোত্তুন্‌ বেশ্‌ ভোক্তিগুরিনে দোরেদ।

গীতসংহিতা 103:11

পিত্‌থিমীত্তুন দেবাবো কুদ্দুর্ যেধোক্ক্যেন দুযি নেই, সেধোক্ক্যেন তা ভক্তগুনো উগুরে তার্ অমকদ কোচ্‌পানার্‌অ দুযি নেই।

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 115:13

তে তার্ চিগোন-দাঙর্ বেক ভক্তগুনোরে বর্ দিবো।

গীতসংহিতা 147:11

মাত্তর্ যিগুনে তারে ভোক্তিগুরি দরান্ আর তার অমকদ কোচ্‌পানা উগুরে আজা রাগান্, তারারে নিইনে লগেপ্রভুর যেত্তমান্ হুজি।

গম্ উপদেজ্ 22:7

নাঢা মান্‌জ্য উগুরে তাগোয়্যেবো সদ্দার্ অয়, আর সুদি টেঙা নিয়েবো দিয়্যেবোর চাগর্ অয়।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

উপদেশক 8:12

পাপী মান্‌জ্যে যুনিয়ো একশত্তান্ ভান্ন্যেই কাম্ গুরিনে ভালোক্ দিন বাঁজি থায় তো মুই হবর্ পাং গোজেনরে যিগুনে ভোক্তিগুরিনে দরান্ তারার্ ভালেদি অবঅ।

যিশাইয় 50:1

লগেপ্রভু কত্তে, “মুই যে ছুড়্ কাবোজ্‌চান দিইনে তমা মাবোরে দূর্ গুরি দুয়োং সিয়েন কুদু? মর্ লোনদিয়্যেগুনোর ভিদিরেত্তুন্ কাইদু মুই তমারে বিজি দুয়োং? তমা পাপত্তে তুমি বেজা যেইয়ো; তমা অন্যেয়ত্তে তমা মাবোরে দূর্ গরা ওইয়্যে।

যিরমিয় 34:14

যুনি কনঅ ইব্রীয় ভেই নিজোরে তমা ইধু বিজি দুয়োন্ সালেন্ সাত্ বজরত্ তুমি তারে উদ্ধোর্ গুরিবা। ছঅ বজর্ তে তমার্ চাগর্ কাদিলে পরেদি তমাত্তুন্ তারে ইরি দিয়্যে পড়িবো। মাত্তর্ তমা পুরোণি মানুচ্চুনে মঅ কধানি ন-শুনোন্, মঅ কধানি মনযোগ ন-দুয়োন্।

লেবীয় 25:48

মাত্তর্‌ নিজোরে ছাড়েই নিবার্‌ অধিকার্‌ তার্‌ থেবঅ। তার্‌ নিজোর্‌ কনঅ ভেই তারে ছাড়েই নেযেই পারিবো।

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মথি লেখ্যে গম্ হবর্ 18:25

তা কজ্জ শুজিবার্ খেমতা ন-এলঅ। সেক্কে সে গিরোজ্‌সো উগুম গুরিলো যেন সে মানুচ্চোরে আর তা মোক্কোরে আহ্ পুয়ো-ঝিগুনোরে আর তার্ যিয়েনি আঘে বেক্কানি বিজিনে পাওনা উজোল্ গরা অয়।

মথি লেখ্যে গম্ হবর্ 18:30

মাত্তর্ তে রাজি ন-অলঅ বরং কজ্জ ন-শুজোনা সং তারে জেলোত্ রাগেল।

মথি লেখ্যে গম্ হবর্ 18:35

“ঠিগ্ সেবাবোত্যেগুরি, তুমি পত্তিজনে যুনি তমা ভেইয়ুনোরে মনেদি খেমা ন-গরঅ সালে মর্ স্বর্গর্ বাপ্পোয়ো তমা উগুরে এবাবোত্যে গুরিবো।”

প্রেরিত্‌ 13:26

ভেইলগ্, অব্রাহাম গুট্টিগুন্ আর গোজেনভক্ত অযিহূদীগুন, পাপত্তুন্ উদ্ধোরর্ এই যে হবরান্ সিয়েন আমা ইধু দিপাদা ওইয়্যে।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

ফগদাং পেইয়্যে 19:5

সেক্কে সিংহাসনত্তুন্ একজনে কলঅ, “গোজেনর্ চাগরুন আর তুমি যিগুনে গোজেনরে ভোক্তি গুরিনে দরঅ, তুমি চিগোন-দাঙর্ বেক্কুনে আমা গোজেনর্ বাঈনী গরঅ।”

রূত 1:3

পরেন্দি নয়মীর নেক্কো ইলীমেলকে মুরি গেলঅ‌, আর সেক্কে বাঁজি রলাক্‌ বানা নয়মী আর তার দ্বিবে পূঅ।

১ শমূয়েল 22:2

যিগুনে দযাত্‌ আর কজ্জর্‌ ভারে দুখ্‌ পাদন্‌ আর যিগুনোর মনত্‌ বেজার্‌ বেজার্‌ মনভাব্‌ এলঅ তারা বেক্কুনে দায়ূদো ইদু যেইনে এগত্তর্‌ অলাক্। দায়ূদে তারার সেনাপতি অলঅ। এবাবোত্যেগুরি প্রায় চেরশত্‌ জন মরদ তার্‌ সমাজ্যে অলােক্।