২ রাজাবলী 3:9 - Chakma Bible

⁹ সেক্কে যিহূদার রাজা আর ইদোমর রাজার লগে ইস্রায়েলর রাজা নিগিলিনে যাহ্ ধুরিলাক্‌। তারা সাত দিন সং ঘুরেইয়্যে পধেন্দি গেলাক্‌। সেক্কে সৈন্যদলত্তে বা তারা সমারে য়েমানুনোত্তে কনঅ পানি ন-এলঅ।

২ রাজাবলী 3:9 ပူးပေါင်းရင်းမြစ်များ

১ রাজাবলী 22:27

তারারে কঅ রাজা কত্তে এ মানুচ্চোরে যেনে জেলোত্‌ রাগা অয় আর রাজা দোলেডালে ফিরি ন-এজানা সং তারে কিজু পানি আর কিজু রুটি বাদে যেনে আর কিচ্ছু দিয়্যে ন-অয়।”

১ রাজাবলী 22:47

সে অক্তত্‌ ইদোম দেজত্‌ কনঅ রাজা ন-এলাক্‌। ইক্কো রাজার-মানুচ সিদু রাজাগিরি গুরিদো।

১ রাজাবলী 22:48

ওফীরোত্‌ যেইনে সোনা আনিবাত্তে যিহোশাফটে কদক্কানি দাঙর্‌ দাঙর্‌ তর্শীশ-জাহাজ বানেল, মাত্তর্‌ জাহাজছানি আর যানা ন-অলঅ, কিত্তে ইৎসিয়োন-গেবরত্‌ সিয়েনি ভস্ত ওই যেইয়্যে।

২ রাজাবলী 3:1

যিহূদার রাজা যিহোশাফটর রাজাগিরির আদার বজরত্‌ ইস্রায়েলর রাজা আহাবর পুয়ো যোরামে রাজা অলঅ। তে শমরিয়াত্‌ থেইনে বার বজর্‌ রাজাগিরি গোজ্যে।

২ রাজাবলী 3:10

সিয়েন্‌ দেগিনে ইস্রায়েলর রাজা কলঅ, “হায়, হায়! লগেপ্রভু মোয়াবর আঢত্‌ তুলি দিবাত্তে কি আমারে এ তিন রাজারে একসমারে ডাক্ক্যে?”

২ রাজাবলী 3:7

ইয়েনিবাদে যিহূদার রাজা যিহোশাফটরেয়ো তে এ হবরান্‌ পাদেল, “মোয়াবর রাজা মঅ বিরুদ্ধে উল্লোমী গোজ্যে। তুই কি মঅ লগে মোয়াবর বিরুদ্ধে যুদ্ধো গুরিবাত্তে যেবে?” জোবত্‌ তে কলঅ, “মুই তঅ লগে যেম্‌। মুই যেধোক্কেন্‌ তুইয়ো সেধোক্ক্যেন, মঅ মানুচ্‌ মানে তঅ মানুচ্‌, মঅ ঘোড়া মানে তঅ ঘোড়া।”

২ রাজাবলী 3:8

যিহোশাফটে ইয়েন পুযোর্‌ গুরিলো, “আমি কন্‌ পধেন্দি আক্রমণ গুরিবোং?” জোবত্‌ যোরামে কলঅ, “ইদোমর ধূল্যেচর-চাগালার ভিদিরেন্দি গুরি।”

২ রাজাবলী 8:20

যিহোরামর সময়োত্‌ ইদোম দেজর্‌ মানুচ্চুনে যিহূদার বিরুদ্ধে উল্লোমি গুরিনে নিজোত্তে এক্কো রাজা ঠিগ্‌ গুরি নেযেয়োন্‌।

যাত্রা 11:8

তর্‌ এ কাম্‌গুরিয়্যেগুনে এইনে মঅ মুজুঙোত্‌ আদু পাদিনে কবাক্‌, ‘তুই তর্‌ বেক্‌ মানুচ্চুন নেযেইনে নিগিলি যাহ্!’ সে পরেদি মুই যেম্বোই।” এ কধাগান্‌ কোইনে মোশি রাগে আগুন্‌ ধোক্ক্যেন ওইনে ফরৌণ ইধু গেলঅ।

যাত্রা 15:22

পরেদি মোশি লোহিত সাগরত্তুন্‌ ইস্রায়েলীয়গুনোরে নেযেল। তারা পত্তমে শূর নাঙে এক্কান ধূল্যেচর চাগালাত্‌ গেলাক্। সেই ধূল্যেচর চাগালাত্‌‌ তিন দিন সং ঘুরি ঘুরি তারা কনজাগাত্‌ পানি ন-পেলাক্।

যাত্রা 17:1

পরেদি লগেপ্রভুর্‌ উগুমে ইস্রায়েলীয়গুনোর্‌ দল্লো সিন ধূল্যেচর-চাগালাত্তুন যানা আরাম্ভ গুরিনে এক জাগাত্তুন্‌ আর একজাগাত্‌ যাদে যাদে যেরেদি রফীদীমোত্‌ যেইনে তাম্বুল তাঙেলাক্। মাত্তর্‌ সিদু হেবার্‌ পানি ন-এলঅ‌।

গণাণা 20:2

সেই জাগানত্‌ পানি ন-থানায়্‌ ইস্রায়েলীয়গুনে মোশি আর হারোণর বিরুদ্ধে দল পাগেলাক্।

গণাণা 20:4

কিত্তে তুই লগেপ্রভুর মানুচ্চুনোরে এই ধূল্যেচর-চাগালাত্‌ আনিলে যেনে য়েমানপাল সুদ্দো আমি মুরি যেই?

গণাণা 33:14

আলূশ ছাড়িনে তারা রফীদীমোত্‌ যেইনে তাম্বুলান ফেলেয়োন। ইয়েনত্‌ মানুচ্চুনোত্তে কনঅ হেবার্‌ পানি ন-এলঅ।

বিচের গুরিয়্যেগুন 4:10

বারকে সিদু সবূলূন আর নপ্তালি-গুট্টির মানুচ্চুনোরে ডাগিলো। সেক্কে দশ আজার মানুচ্‌ তা সমারে গেলাক্‌। আর দবোরায়ো তা সমারে গেলঅ‌।