২ রাজাবলী 3:4 - Chakma Bible

⁴ মোয়াবর রাজা মেশারর্ ভালোক্কুন্‌ ভেড়া ছাগল এলাক্‌। তে ইস্রায়েলর রাজারে কর্‌ ইজেবে এক লাখ্‌ ভেড়া ছাগলর ছঅ আর এক লাখ্‌ ভেড়া ছাগল কেশ্‌ দিদো।

২ রাজাবলী 3:4 ပူးပေါင်းရင်းမြစ်များ

পত্থম 13:2

অব্রামে জদবদে মাজন্‌ এলঅ। তার ভালোক্কুন য়েমান আর সনা রূবো এলঅ। পরেদি তে নেগেভত্তুন্‌ সুরি যাদে যাদে বৈথল সং গেলঅ। এধোক্ক্যেনগুরি তে বৈথেল আর অয়র সংমোধ্যে সে জাগানত্‌ যেইনে লুমিলো যিয়েনত্‌ তে আগেদি তাম্বুল তাঙেইয়্যে আর পত্তম ডালিপূজো বানেইয়্যে। সিয়েনত্‌ তে লগেপ্রভুরে তার যগাজ্যে সর্মান দিলো।

২ শমূয়েল 8:2

দায়ূদে মোয়াবীয়গুনোরেয়ো ওদেই দিলো। তে মোয়াবীয়গুনোরে মাদিত্‌ কায়-কুই গুরি পোড়েইনে এক ডাগেত্তুন ধুরি অন্য ডাগর্ থুম্ সং দুড়িলোই মাবিলো। পত্তমে দ্বিয়েন দুড়িলোই মাপ্যে মানুচ্চুনোরে মারে ফেলা অলঅ আর সে পরেন্দি এক্কান দুড়িলোই মাপ্যে মানুচ্চুনোরে বাঁজেই রাগা অলঅ। ইয়েনর্ পরেন্দি মোয়াবীয়গুনে দায়ূদো অধীন ওইনে তারে হাজানা দিয়্যে ধুরিলাক্।

২ শমূয়েল 8:6

দায়ূদে অরাম রেজ্যর্‌ দম্মেশকত্‌ তার সৈন্যদলুন্‌ রাগেল। সেক্কে অরামীয়গুনে তা অধীনোত্‌ তারে খাজানা দিয়্যে ধুরিলাক্। এধোক্ক্যেনগুরি দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

১ বংশধর 18:2

দায়ূদে মোয়াবীয়গুনোরেয়ো ওদেই দিলো। তারা দায়ূদো অধীন ওইনে তারে খাজানা দিয়া ধুরিলাক্।

২ বংশধর 26:10

তলেন্দি মুড়ো চাগালাত্‌ আর সংজাগাত্‌ তার্‌ ভালোক্কুন্‌ এ্যামানপাল এলাক্‌; সেনত্তে তে ধূল্যেচর-চাগালাত্‌ অজল্‌ অজল চুগিদার-ঘর বানেল আর ভালোক্কুন্‌ কূয়ো খুড়িলো। তা মানুচ্চুনে বোল্‌বোল্যে ভূইয়োত্‌ চাজ্‌ গুরিদাক্‌ আর মুড়োমুড়ি ইদু আংগুর ক্ষেত্‌ গুরিদাক্‌, কিত্তে তে চাজ্‌বাজ কাম্‌ কোচ্‌পেদঅ।

ইয়োব 1:3

তার্‌ সাত আজার্ ভেড়া ছাগল, তিন আজার্ উট, পাচশত্ জড়া বলদ গোরু আর পাচশত্ পাড়ি গাধা এলঅ আর চাগর্‌-চাগরানিয়ো এলাক্‌ ভালোক্কুন্‌। পূগ দেজর বেক্‌ মানুচ্চুনোত্তুন্‌ তে অলদে বেগত্তুন্‌ তাগোয়্যে।

ইয়োব 42:12

লগেপ্রভু ইয়োব জিংকানির পত্তম অবস্থাত্তুন পরেদি অবস্থাগান আরঅ দোল্ গুরি দিলো। তার চৌদ্দো আজার ভেড়া, ছঅ আজার উট, এক আজার জোড়া দামারা গোরু আর এক আজার গাধা অলাক্।

গীতসংহিতা 60:8

মোয়াবপান মর্ টেং ধবার পিলে; মুই ইদোম উগুরে মর্ ঠেঙর্ জদানি ফেলেম; আর পলেষ্টীয়া, মত্তেই তুই রঅ ছাড়ি উঠ্।”