২ রাজাবলী 3:12 - Chakma Bible

¹² যিহোশাফটে কলঅ, “লগেপ্রভুর কধানি তাইদু আঘে।” সেনত্তে ইস্রায়েল রাজা, ইদোমর রাজা আর যিহোশাফটে ইলীশায় ইদু গেলাক্‌।

২ রাজাবলী 3:12 ပူးပေါင်းရင်းမြစ်များ

২ রাজাবলী 2:21

ইলীশায় সেক্কে পানি পয়নালাবোর্‌ ইদু যেইনে সিয়েনত্‌ সে নুনান্‌ ফেলে দিইনে কলঅ, “লগেপ্রভু কোইয়্যেদে, ‘মুই এ পানিগান গম্‌ গুরি দুয়োং। এ পানিগান আর কাররে মারে ন-ফেলেব আর পুয়ো-ছাগুনো বর্‌‌বাদ্ ন-অবাক্‌।’”

২ রাজাবলী 3:11

যিহোশাফটে কলঅ, “ইয়েনত্‌ কি লগেপ্রভুর কনঅ ভাববাদী নেই যিবের্‌ মাধ্যমে আমি লগেপ্রভুর ইদু পুযোর্‌ গুরি পারিই?” ইস্রায়েলর রাজার এক্কো কাম্‌গুরিয়্যে জোবত্‌ কলঅ “শাফটর পূয়ো ইলীশায় ইদু আঘে। তে এলিয়োর সেবাগুরিয়্যে এলঅ।”

২ রাজাবলী 3:13

ইলীশায় ইস্রায়েল রাজারে কলঅ, “তঅ সমারে মর্‌ কি মিজেনা? তুই তঅ বাপ্পো বা মাবো ভাববাদীগুনোর ইদু যাহ্।” জোবত্‌ ইস্রায়েল রাজা কলঅ, “না, নঅ-যেম্‌, কিত্তে মোয়াবর আঢত্‌ তুলি দিবাত্তে গোজেনে আমারে তিন রাজারে ডাগিনে এগত্তর্‌ গোজ্যে।”

২ রাজাবলী 5:15

সেক্কে নামানে আর তা লগে যেইয়্যে বেক্‌ মানুচ্চুনে গোজেনর মানুচ্চুনোর্‌ ইদু ফিরি গেলাক্‌। নামানে তা মুজুঙোত্‌ থিয়্যেইনে কলদে, “মুই ইক্কিনে হবর্‌ পেলুং, বানা ইস্রায়েলর গোজেন বাদে গোদা দুনিয়েগানত্‌ আর কনঅ গোজেন নেই। ইক্কিনে তুই তঅ চাগের্‌বোত্তুন্‌ বক্‌শিস্‌ছান গুজি লঅ।”

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিরমিয় 37:17

সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।