২ রাজাবলী 24:2 - Chakma Bible

² লগেপ্রভু যিহোয়াকীমোর বিরুদ্ধে বাবিলোনীয়, অরামীয়, মোয়াবীয় আর অম্মোনীয় লুট্‌ গুরিয়্যে মানুচ্চুনোরে পাধেই দিলো। লগেপ্রভু তা চাগরুনোরে, অত্তাৎ ভাববাদীগুনোরে দিইনে যে কধাগান ফগদাঙ্‌ গোজ্যে সেই মজিম্ যিহূদা দেজ্‌ছানরে ভস্ত গুরিবাত্তে তে তারারে পাধেই দিলো।

২ রাজাবলী 24:2 ပူးပေါင်းရင်းမြစ်များ

২ রাজাবলী 20:17

লগেপ্রভু কত্তে, এন্‌ দিন এবঅ যেক্কে তঅ রাজঘরর্‌ বেক্কানি আর তঅ পূরোণি মানুচ্চুনোর্‌ জোমেয়্যে যেদক্কানি এচ্ছে সং আঘে বেক্কানি বাবিলোত্‌ নেযা অবঅ, কিচ্ছু পুরি ন-থেবঅ।

২ রাজাবলী 23:27

সেনত্তে লগেপ্রভু কলঅ, “মঅ মুজুঙেত্তুন্‌ যেধোক্ক্যেন গুরি মুই ইস্রায়েলরে দূর্‌ গোজ্যং সেধোক্ক্যেন গুরি যিহূদারেয়ো দূর্‌ গুরিম্‌, আর যে শঅরানরে মুই বেঈ লোইয়োং সে যিরূশালেমানরে আর যিবে পৌইদ্যেনে মুই কোইয়োং, ‘ইয়েন্‌ মর্‌ থেবার্‌ জাগা অবঅ’ সে তবনা- ঘরানরে মুই অগ্রাজ্য গুরিম।”

২ রাজাবলী 6:23

সেনত্তে রাজা তারাত্তে এক্কো দাঙর্‌ মেইট্‌বানর্‌ আয়োজন গুরিলো। তারা হানা-দানা শেজ্‌ গরানার্‌ পরেন্দি তে তারারে বিদেয় দিলো আর তারা তারার্‌ গিরোজ ইদু ফিরি গেলাক্‌। সেক্কে অরামর সৈন্যদলুনে ইস্রায়েলর রেজ্যগান ভিদিরে লুদোনা থামেলাক্‌।

২ বংশধর 33:11

সেনত্তে লগেপ্রভু তারা বিরুদ্ধে আসিরিয়ার রাজার সেনাপতিগুনো ইদু আনিলো। তারা মনঃশিরে বন্দী গুরিনে তা কিয়্যেত্‌ হেবা লাগেইনে পিদোল শিগোললোই বানিনে বাবিলোত্‌ নেযেলাক্‌।

ইয়োব 1:17

দ্বিলম্বর মানুচ্চো সেক্কেয়ো কধা কর্‌ এন্‌ সময়োত্‌ আর এক্কো মানুচ্‌ এইনে হবর্‌ দিলো, “কল্‌দীয়গুনে তিন্নো দলত্‌ ভাগ ওইনে হানা দিইনে তঅ উট্‌তুন নেযেয়োন। তরে হবর্‌ দিবাত্তে বানা মুই রোক্ষ্যে পেইয়োং।”

যিশাইয় 13:5

তারা দূরোত্তুন্ এত্তন্, তারা পিত্‌‌থিমীর শেজ্ দুযিত্তুন্ এত্তন্; লগেপ্রভু তার রাগর্ আত্যের্‌লোই পুরো পিত্‌থিমীগানরে ভস্ত গুরিবাত্তে এজের্।

যিশাইয় 28:19

সিয়েন্ যেদকবার্ লামি এবঅ সেদকবার্ তমারে মারা অবঅ; বেন্যের্ পরেদি বেন্যে, দিনোত্ আর রেদোত্ সিয়েন জোরে লামি এবঅ। এ কধাগান বুঝি পারিলে তুমি অমকদ দোরেবা।”

যিশাইয় 7:17

যিহূদা আর ইফ্রয়িমর ফারগ্ অবার দিনুনোর্ পরেত্তুন্ ধুরি যিয়েনি কনদিন্অ ন-অয়, লগেপ্রভু তরে আর তঅ মানুচ্চুনো উগুরে আর তঅ বাবঅ বংশ মানুচ্চুনো উগুরে সেবাবোত্যে এক্কো সময় আনিবো। সে অক্তত্ তে আসিরিয়ার রাজারে আনিবো।”

যিরমিয় 12:9

মঅ সোম্বোত্তিগান মইধু অদ্ভূদ রংয়র শিগেরী পেগো ধোক্ক্যেন ওইয়্যে, যিবেরে অন্য শিগেরী পেগ্‌কুনে ঘিরিনে আক্রমণ গোজ্যন্। তুই যেইনে বেক্ ঝার্‌‌‌‌বো য়েমানুনোরে এগত্তর্ গুরিনে আন যেন তারা হেই পান। ‌

যিরমিয় 25:1

যোশিয়র পুয়ো যিহূদার রাজা যিহোয়াকীমোর রাজাগিরির চের্ বজরত্, অত্তাৎ বাবিলোর রাজা ‌‌‍‌নবূখদ্‌নিৎসরর ‌‌রাজাগিরির পত্তম বজরত্ যিহূদার বেক্ মানুচ্চুনো পৌইদ্যেনে গোজেনর কধা যিরমিয় ইধু ফগদাং অলঅ।‍‌

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 26:20

কিরিয়ৎ-যিয়ারীমর শময়িয়র পুয়ো ঊরিয় অলদে আর একজন যিবে লগেপ্রভুর নাঙে ভাববাদী ইজেবে কধা কদঅ। তেয়ো যিরমিয় ধোক্ক্যেন এ শঅরান আর এ দেজ বিরুদ্ধে এধোক্ক্যেন কধা কদঅ।

যিরমিয় 26:6

তুমি যুনি এবাবোত্যেগুরি থাগঅ সালেন্ মুই এ ঘরানরে শীলো ধোক্ক্যেন গুরিম আর এমন গুরিম যেনে পিত্‌থিমীর বেক জাদ্‌‌‌‌‌‌‌‌তুনে এ শঅর নাঙান্দোই অভিশাব্ দুয়োন‌‌‌‌‌।’ ”

যিরমিয় 32:28

সেনত্তে মুই এ শঅরানরে বাবিলীয়গুনো আর তারার রাজা নবূখদ্‌নিৎসরর আঢত্ তুলি দিবাত্তে যাঙর্। তে সিয়েন গজক্ গুরিবো।

যিরমিয় 35:11

মাত্তর্ যেক্কে বাবিলর রাজা নবূখদ্‌নিৎসরে এ দেজ্‌চান আক্রমন গুরিলো সেক্কে আমি কলং, ‘বাবিলীয় আর অরামীয় সৈন্যগুনোত্তুন ধেই যঅ, আমি যিরূশালেমত্ যেই।’ সেনত্তে আমি যিরূশালেমত্ রোইয়্যেই।”‌

যিরমিয় 52:28

নবূখদ্‌নিৎসরে যে মানুচ্চুনোরে বন্দী গুরি নেযেয়্যে তারা জনেদি অলাক্, সাত বজরে তিন আজার্ তেইশজন যিহূদী,

আবিলেচ্ 1:17

সিয়োনে তা আঢ্‌‌‌তানি বাবেই দিয়্যে, মাত্তর্ তারে বুঝেবার কনজন নেই। লগেপ্রভু যাকোবত্তে এ উগুমান দিয়্যে, তা পাড়াল্যেগুন তার শত্রু অবঅ। তারা ভিদিরে যিরূশালেমান ওইয়্যেদে এক্কান অসিজি জিনিস।

যিহিষ্কেল 19:8

সেক্কে তা চেরোকিত্তে জাদ্‌তুনে তা বিরুদ্ধে এলাক্। তারা তাত্তে তারারে জাল্ পাদিলাক্, আর তে তারা গাদত্ ধরা পড়িলো।

যিহিষ্কেল 23:23

তারা অলাক্ বাবিলীয়গুন, বেক্ কল্‌দীয়গুন, পকোদ, শোয়া আর কোয়ার মানুচ্চুন আহ্ তারা সমারে বেক্ আসিরিয়গুন। তারা বেক্কুনে দোল্ দোল্ গাবুজ্যে; তারা বেক্কুনে শাজন্‌গুরিয়্যে, সেনাপতি, রথর কামগুরিয়্যে, দাঙর্ পোজিশন মানুচ্ আর ঘোড়াচালেয়্যে।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

হবক্‌‌‌‌কূক 1:6

মুই বাবিলীয়গুনোরে যুক্কোল্ গরঙর্; তারা সেই চিৎনপুজ্যে জাদ্, যিগুনে অন্যগুনোর দেজ্‌‌চানি গজক্ গুরিবাত্তে পুরো পিত্‌‌থিমীর বেক্ জাগায়ানি ইধু যান।