২ রাজাবলী 24:16 - Chakma Bible

¹⁶ তে যুদ্ধোত্তে যোগাজ্যে আর বোলী সাত আজার যোদ্ধার্‌ পুরো সৈন্যদলুন্‌ আর এক আজার কালিগর আর কামারুনোরে বন্দী গুরিনে বাবিলোত্‌ নেযেল।

২ রাজাবলী 24:16 ပူးပေါင်းရင်းမြစ်များ

২ রাজাবলী 24:14

ইয়েনিবাদে যিরূশালেমর বেক্কুনোরে, অত্তাৎ বেক্‌ কাম্‌গুরিয়্যেগুনোরে আর যুদ্ধোগুরিয়্যেগুনোরে, বেক্‌ কালিগর আর কামারুনোরে-বেক্কুনে মিলিনে দশ আজার মান্‌জ্যরে তে বন্দী গুরি নেযেল। দেজত্‌ নাদা মানুচ্চুন্‌ বাদে আর কনজন ন-রলাক্‌।

২ রাজাবলী 25:12

মাত্তর্‌ আংগুর ক্ষেত চেবাত্তে আর ভূইয়ো চাষ গুরিবাত্তে কিজু নাদা মান্‌জ্যরে তে দেজত্‌ থোই গেলঅ।

১ বংশধর 9:1

“ইস্রায়েলীয় রাজাগুনোর্ বোই”-বোত্‌ বেক্‌ ইস্রায়েলীয়গুনো বংশর্-নাঙানি লেগা আঘে।

যিরমিয় 22:25

যিগুনে তঅ পরাণান নিবাত্তে চান, যিগুনোরে তুই দরাচ্ সেই বাবিলোর রাজা নবূখদ্‌নিৎসর আর বাবিলীয়গুনো আঢত্ মুই তরে তুলি দিম।

যিরমিয় 29:2

রাজা যিহোয়াখীন, তার মা, রাজকর্মচারীগুন, যিহূদা আর যিরূশালেমর নেতাগুনে, কালিগর আর কামারুনে বন্দী ওইনে যিরূশালেমত্তুন যানার পরেদি এ চিদিগান লেগা ওইয়্যে।

যিরমিয় 52:28

নবূখদ্‌নিৎসরে যে মানুচ্চুনোরে বন্দী গুরি নেযেয়্যে তারা জনেদি অলাক্, সাত বজরে তিন আজার্ তেইশজন যিহূদী,

যিহিষ্কেল 17:13

সে পরেদি তে রাজপরিবারর্ একজন সমারে চুক্তি গুরিনে তারে তার বাধ্য থেবাত্তে শমক্ হাবেল। তে দেজর্ আজল্ আজল্ মানুচ্চুনোরে ধুরি নেযেল যেনে সেই রেজ্যগানর্ অধিনে রাগা যায় আর সিয়েন খেমতাবলা ওইনে উদি ন-পারে মাত্তর্ চুক্তি রোক্ষ্যে গুরিনে টিগি টেই পারে।

যিহিষ্কেল 17:3

প্রভু লগেপ্রভু কোইয়্যেদে, নানান্ রঙর্ লাম্বা লাম্বা পোর্‌লোই ভরা দাঙর্ ডুয়োবলা এক্কো দাঙর্ ঈগল পেখ্ লেবাননত্ এলঅ। সিবে সিদুগোর্ এক্কো এরস গাজর্ বেগত্তুন অজল্ ডেলা ভাঙিনে বণিক্‌‌কুনোর দেজত্ নেযেইনে বেপারিগুনো শঅরত্ লাগেই দিলো।