২ রাজাবলী 24:1 - Chakma Bible

¹ যিহোয়াকীমোর রাজাগিরির সময়োত্‌ বাবিলো রাজা নবূখদ্‌নিৎসর যিহূদা দেজ্‌ছান্‌ আক্রমণ গুরিলো। যিহোয়াকীমে তিন বজর সং তা অধীনোত্‌ এলঅ। মাত্তর্‌ পরেন্দি তে নবূখদ্‌নিৎসরর বিরুদ্ধে উল্লোমি গুরিলো।

২ রাজাবলী 24:1 ပူးပေါင်းရင်းမြစ်များ

২ রাজাবলী 17:5

আসিরিয়ার রাজা পুরো দেজ্‌ছান আক্রমণ গুরিনে শমরিয়াত্‌ গেলঅ আর তিন বজর্‌ সং সিয়েন্‌ ঘিরি রাগেল।

২ রাজাবলী 24:20

যিরূশালেম আর যিহূদার মানুচ্চুনোর কারনে লগেপ্রভু রাগে জুলি উদিলো আর যেরেন্দি তে তা মুজুঙোত্তুন্‌ তারারে দূর্‌ গুরি দিলো। পরেন্দি সিদিকিয় বাবিলোর রাজার বিরুদ্ধে উল্লোমী গুরিলো।

২ বংশধর 36:1

যেরেন্দি দেজর্‌ মানুচ্চুনে যোশিয়োর্‌ পুয়ো যিহোয়াহসরে নেযেইনে যিরূশালেমত্‌ তা বাবর্‌ জাগানত্‌ রাজা বানেলাক্‌।

ইষ্রা 4:12

মহারাজর্ জানা দরকার যে, তত্তুন্ যে যিহূদীগুনে আমা ইদু এচ্চ্যন্ তারা যিরূশালেমত্ যেয়োন্ আর উল্লোমী আহ্ বজং শঅরান্ আরঅ বানাদন্; তারা ইয়েনর্ দেবালান্ আর গড়াগান্ ঠিগ্ গরদন্।

যিশাইয় 36:5

মুই কঙত্তে তর্ যুদ্ধো গুরিবার বুদ্ধি আর খেমতার কধানি বানা মুয়ো কধা। কদে চাং, তুই কা উগুরে বিশ্বেজ্ গুরিনে মঅ বিরুদ্ধে উল্লোমি গরর্?

যিরমিয় 25:1

যোশিয়র পুয়ো যিহূদার রাজা যিহোয়াকীমোর রাজাগিরির চের্ বজরত্, অত্তাৎ বাবিলোর রাজা ‌‌‍‌নবূখদ্‌নিৎসরর ‌‌রাজাগিরির পত্তম বজরত্ যিহূদার বেক্ মানুচ্চুনো পৌইদ্যেনে গোজেনর কধা যিরমিয় ইধু ফগদাং অলঅ।‍‌

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 35:1

যোশিয়র পুয়ো যিহূদার রাজা যিহোয়াকীমর রাজাগিরির সময়োত্ লগেপ্রভু যিরমিয়রে কলঅ,

যিরমিয় 35:11

মাত্তর্ যেক্কে বাবিলর রাজা নবূখদ্‌নিৎসরে এ দেজ্‌চান আক্রমন গুরিলো সেক্কে আমি কলং, ‘বাবিলীয় আর অরামীয় সৈন্যগুনোত্তুন ধেই যঅ, আমি যিরূশালেমত্ যেই।’ সেনত্তে আমি যিরূশালেমত্ রোইয়্যেই।”‌

যিরমিয় 36:1

যোশিয়র পুয়ো যিহূদার রাজা যিহোয়াকীমোর রাজাগিরির চের্ বজরত্ লগেপ্রভুর এ কধাগান যিরমিয় ইধু ফগদাং অলঅ,

যিরমিয় 45:1

যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ যিরমিয় ইধু শুনিনে সিয়েনি নেরিয়র পুয়ো বারূকে গুচ্চ্যেই রাগেয়্যে বোইবোত্ লেখ্যে।

যিরমিয় 46:2

যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ বাবিলর রাজা নবূখদ্‌নিৎসরে ইউফ্রেটিস গাঙর্ ইধু কর্কমীশত্ মিসরর রাজা ফরৌণ নখোরে যে সৈন্যদলুনোরে ওদেই দিয়্যে লগেপ্রভু তারা পৌইদ্যেনে কোইয়্যে,

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

যিহিষ্কেল 19:8

সেক্কে তা চেরোকিত্তে জাদ্‌তুনে তা বিরুদ্ধে এলাক্। তারা তাত্তে তারারে জাল্ পাদিলাক্, আর তে তারা গাদত্ ধরা পড়িলো।

যিহিষ্কেল 21:14

“সেনত্তে ও মান্‌‌‌‌‌‌‌‌‌‌জ্যর পুয়োবো, তুই আগাম্ কধা কঅ আর আঢত্ আঢ্‌‌‌‌‌‌‌‌‌‌তোই আঘাত্ গর্। সেই লাম্বা ছুরিগানে দ্বিবার, এমন্ কি, তিনবার আঘাত্ গোরোক্। এই লাম্বা ছুরিগানে কাবিবাত্তে; বোউত্ মান্‌‌‌‌‌‌‌‌‌‌জ্যরে কাবিবাত্তে এক্কান লাম্বাছুরি; সিয়েনে চেরোকিত্তেত্তুন্ তারা উগুরে চাবিনে এবঅ।

দানিয়েল 1:1

যিহূদার রাজা যিহোয়াকীমর রাজাগিরির্ তিন বজরত্ বাবিল রাজা নবূখদ্‌নিৎসরে যিরূশালেমত্ এইনে শঅরান্ ঘিরি ফেলেল।

দানিয়েল 1:2

প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।

হবক্‌‌‌‌কূক 1:6

মুই বাবিলীয়গুনোরে যুক্কোল্ গরঙর্; তারা সেই চিৎনপুজ্যে জাদ্, যিগুনে অন্যগুনোর দেজ্‌‌চানি গজক্ গুরিবাত্তে পুরো পিত্‌‌থিমীর বেক্ জাগায়ানি ইধু যান।