২ রাজাবলী 23:5 - Chakma Bible

⁵ যিহূদার শঅরানি আর যিরূশালেমর চেরোকিত্তে পূজো অজল্‌ জাগায়ানিত্‌ আগর্‌বাট্টি জ্বালেবাত্তে যিহূদার রাজাগুনে যিদুক্কুন্‌ মূত্তি পূজিয়ে ধর্মগুরুরে নেযেয়োন, অত্তাৎ যিগুনে বাল দেবেদা, চান, বেল্, গ্রহ আর আগাজ অন্য বেক্‌ তারাগুনো নাঙে আগর্‌বাট্টি জ্বালেদাক্‌ তারারে তে ধাবেই দিলো।

২ রাজাবলী 23:5 ပူးပေါင်းရင်းမြစ်များ

২ রাজাবলী 21:5

লগেপ্রভু ঘরর্‌ দ্বিয়েন উদোনত্‌ তে আগাজ বেক্‌ তারাগুনো নাঙে কয়েক্কো পূজো বানেল।

২ বংশধর 33:3

তা বাপ্পো হিষ্কিয় পূজোত্তে যেদক্কানি অজল্‌ জাগা ভস্ত গোজ্যে তে সিয়েনি আরঅ বানেল। ইয়েনিবাদেয়ো তে বাল দেবেদার নাঙে কয়েক্কো ডালিপূজো আর আশেরা-খুদো বানেল। তে আগাজর্‌ বেক্‌ তারাগুনোরে পূজো আর সেবা গুরিদো।

২ বংশধর 34:4

তা মুজুঙোত্‌ বাল দেবেদার পূজোগুন্‌ ভাঙি ফেলা অলঅ; সিগুনো উগুরে যিদুক্কুন্‌ আগর্‌বাট্টি ঠগ্‌ এলাক্‌ সিগুনোরে কাবিনে কট্টা কট্টা গরা অলঅ আর আশেরা-খুদোগুন, কাবিনে বানেয়্যে মূত্তিগুন্‌ আর ছাজিনে ঢাল্যে মূত্তিগুন্‌ ভাঙিনে ধূল্যে ধোক্ক্যেন গরা অলঅ। যিগুনে সিগুনো ইদু এ্যামান্ ডালি দিদাক্‌ তারা গোর্‌য়ানি উগুরে সে ধূল্যানি ছিদি দিয়্যে অলঅ।

ইয়োব 38:32

তুই কি তারাগুনোরে তারার্ ঋতু অনুসারে নিগিলেই আনি পারচ্, বা সপ্তর্ষি আর তার ঝি-পুয়োগুনোরে পথ দেগেই পারচ্?

যিহিষ্কেল 8:6

তে মরে কলঅ, “ও মান্‌‌‌‌জ্যর পুয়োবো, তারা যিয়েনি গত্তন্ সিয়েনি কি তুই দেগর্? ইস্রায়েলীয়গুনে ইয়েনত্ কি অমকদ জঘন্য কাম গোজ্যন্ যিয়েনত্তে মত্তুন্ মঅ সুদ্ধো-সাংগ জাগানত্তুন্ দূরোত্ সুরি যাহ্ পুরিবো। মাত্তর্ ইয়েনর পরেদিয়ো তুই আর জঘন্য কাম দেগিবে।”

হোশেয় 10:5

শমরিয়াত্ বজত্তিগুরিয়্যে মানুচ্চুনে বৈৎ-আবনর গোরু ছঅ-মূত্তিবোত্তে দোরেয়োন্। তা মানুচ্চুনে আবিলেচ্ গত্তন্ আর তার্ মূত্তিপূজো গুরিয়্যে ধর্মগুরুগুনে আবিলেচ্ গত্তন্, কিত্যে সেই মূত্তিবোর্ সয়-সাগোজ্যে তারাত্তুন্ দূর্ গরা ওইয়্যে।

সফনিয় 1:4

“যিহূদার বিরুদ্ধে আর যিরূশালেমত্ বজত্তি গুরিয়্যে বেক্কুনো বিরুদ্ধে মুই মঅ আঢ্‌‌তানি তুলিম। মুই এ দেজত্তুন্ বাল দেবেদা পূজোর্ বেক্কানি আর মূত্তি পূজোগুরিয়্যে নানান্ পোজিশনর্ ধর্মগুরুগুনোরে শেজ্ গুরি ফেলেম।