২ রাজাবলী 22:7 - Chakma Bible

⁷ তারা আঢত্‌ যে টেঙাগুন্‌ দিয়্যে অবঅ সিগুনোর্‌ ইজেব তারারে দিয়্যে ন-পুরিবো, কিত্তে তারা বিশ্বেজ্ গুরি কাম্‌ গরন্‌।”

২ রাজাবলী 22:7 ပူးပေါင်းရင်းမြစ်များ

২ রাজাবলী 12:15

সে চেইদিয়্যেগুনোর্‌ ইত্তুন্‌ ইজেব নেযেবার্‌ দরকার ন-অদঅ, কিত্তে তারা পুরোপুরি বিশ্বেজ্ গুরিনে কাম্‌ গুরিদাক্‌।

২ বংশধর 24:14

কামানি থুম্‌ গুরিনে তারা বাদবাগি টেঙাগুন্‌ রাজা আর যিহোয়াদা ইদু আনিলাক্‌ আর সে টেঙাগুন্দোই লগেপ্রভুর ঘরর্‌ এ পযাপিরানি বানা অলঅ-সেবা-কামর্‌ আর পূজ্যে-উৎসর্বত্তে পযাপিরা, লুয়োর্‌ চামেচ্‌ আর অন্য সোনা-রূবোর্‌ পযাপিরানি। যেদকদিন যিহোয়াদা বাঁজি এলঅ সেদকদিন সং লগেপ্রভুর ঘরত্‌ সুদোম মজিম্‌ পূজ্যে-উৎসর্বর পরব্‌ গরা অদঅ।

নহিমিয় 7:2

মর্‌ ভেই হনানি আর তাম্বুলোর্‌ সেনাপতি হনানিয়রে মুই যিরূশালেমর কাম ভারান্‌ দিলুঙ্‌, কিত্যে হনানিয় গম্‌ মানুচ্‌ এলঅ আর গোজেনরে বেক্কুনোত্তুন্‌ বেশ্‌ ভোক্তিগুরিনে দোরেদ।

গম্ উপদেজ্ 28:20

বিশ্বেজি মান্‌‌জ্যে বোউত্ বর্ পান, মাত্তর্ যে ধনী অবাত্তে আওজ্ গরে তে সাজা পেবদে পেবঅ।

১ করিন্হীয় 4:2

যিগুনো উগুরে ভারান্ দিয়্যে ওইয়্যে তারারে দেগা পরিবোদে যে, তারা বিশ্বেজ্‌বলা।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

৩ যোহন 1:5

পরাণর্ সমাজ্জ্যেগুন, ন-চিনিনেয়ো বিশ্বেজি ভেইয়ুনোত্যে তুই যিয়েনি গরর্ সিয়েনি বিশ্বেজ্ গুরিনে গরর্।