২ রাজাবলী 22:20 - Chakma Bible

²⁰ সেনত্তে মুই যাদিমাদি তরে তঅ পূরোণি মানুচ্চুনো ইদু নেযেম্‌ আর তুই সুগে শান্দিয়্যে গোর্ পেবে। এ জাগায়ান উগুরে মুই যেদক্কানি দযা আনিম্‌ তঅ চোখ্‌কুনে সিয়েন্‌ ন-দেগিবাক্‌।’ ” সেক্কে তারা হুল্‌দার জোব্‌পান লোইনে রাজা ইদু ফিরি গেলাক্।

২ রাজাবলী 22:20 ပူးပေါင်းရင်းမြစ်များ

পত্থম 25:8

এক্কান দোল্‌ আর সুগোর্ জীংকানি কাদেইনে ভালোক্ বজর বাদে তে মুরি যেইনে তা পুরোণি মানুচ্চুনো ইদু গেলগোই।

২ রাজাবলী 20:19

জোবত্‌ হিষ্কিয় কলঅ, “লগেপ্রভু যে কধাগান্‌ তুই কোইয়োচ্‌ সিয়েন্‌ দোল্‌ কধা।” তে এ কধাগান কলঅ, কিত্তে তে মনে গোজ্যেদে তা জিংকানিত্‌ তে সুগে-শান্দিয়্যে আর গমেডালে থেই পারিবো।

১ বংশধর 17:11

তঅ আয়ূগান্‌ শেজ্‌ অনার্‌ পরেন্দি যেক্কে তুই তর্‌ পূরোণি বুড়োবুড়িগুনো ইদু যেবেগোই সেক্কে মুই তঅ জাগানত্‌ তঅ বংশর একজনরে, তঅ নিজো পুয়োবোরে বোজেম্‌ আর তা রেজ্যগান্‌ ঠিগ্‌ রাগেম্‌।

২ বংশধর 34:28

সেনত্তে মুই যাদিমাদি তরে তর্‌ পূরোণি মানুচ্চুনো ইদু নেযেম্‌ আর তুই সুগে শান্দিয়্যে গোরান্ পেবে। এ জাগায়ান উগুরে আর যিগুনে ইদু বজত্তি গত্তন্‌ তারা উগুরে মুই যেদক্কানি দজা আনিম্‌ তঅ চোখ্‌কুনে সিয়েনি ন-দেগিবাক্‌।’ ” তারা হুল্‌দার জোব্‌পান লোইনে রাজা ইদু ফিরি গেলাক্‌।

গীতসংহিতা 37:37

নিদ্দুযি মানুচ্চুনোর জিংকানিগানি ইন্দি চাহ্; সেই গম্ মানুচ্চুনো ইন্দি চাহ্। যিগুনে সুগ্-শান্দি গম্ পান তারার্ বংশগুন থেবাক্।

যিরমিয় 22:10

তুমি মুরি যেইয়্যেদে রাজাবোত্তে ন-কান্য বা আবিলেচ্ ন-গোজ্য; তাত্তুন্ বরং যিবে বন্দী ওইনে দূরোত্ যেইয়্যে তাত্তে জদবদে কানঅ, কিত্তে তে আর কনদিন্‌অ ফিরি ন-এবঅ বা তার জর্ম ওইয়্যে দেজ্‌‍চান আর ন-দেগিবা।‍

দ্বি’লম্বর বিররণ 31:16

লগেপ্রভু মোশিরে কলঅ, তুই তর্‌ পুরোণি মানুচ্চুনো ইদু জিরেবাত্তে যর্‌, মাত্তর্‌ এই মানুচ্চুনে যে দেজত্‌ চোমেবাত্তে যাদন্‌ সিয়েনত্ খুব যাদিমাদি তারা মঅ উগুরে অবিশ্বেজ্ গুরিনে সিদুগোর্ দেবেদা পূজোত্‌ নিজোরে মিজেবাক্‌। তারা মরে ছাড়ি দিবাক আর মুই তারাত্যে যে সুদোমান থিদেবর্ গোজ্যং তারা সিয়েনরে ভাঙিবাক্‌।