২ রাজাবলী 22:2 - Chakma Bible

² লগেপ্রভুর চোগেন্দি যিয়েনি গম্‌ যোশিয় সিয়েনি গুরিদো আর তা পূরোনি মানুচ্‌ দায়ূদো ধোক্ক্যেন চলিদো সে পধত্তুন্‌ ডেনে- বাঙে ন-যেদঅ।

২ রাজাবলী 22:2 ပူးပေါင်းရင်းမြစ်များ

১ রাজাবলী 11:38

যুনি তুই মর্‌ উঘুম্‌ মজিম্ কাম্‌ গরচ্‌ আর মর্‌ পধেন্দি আদচ্‌ আর মর্‌ চাগর্‌ দায়ূদো ধোক্কেন্‌ মর্‌ সুদোম আর উগুমানি পালেইনে মঅ চোগেন্দি যিয়েনি ঠিগ সিয়েনি গরচ্‌ সালে মুই তঅ সমারে থেম্‌। মুই দায়ূদো ধোক্কেন্‌ তঅ বংশত্‌ রাজপদথ্‌ থিদেবর্ গুরি দিম্‌ আর তঅ আঢত্‌ ইস্রায়েলরে দিম্‌।

১ রাজাবলী 15:11

তার্‌ পূরোণি মানুচ্‌ দায়ূদো ধোক্ক্যেন্ আসা লগেপ্রভুর চোগোত্‌ যিয়েনি ঠিগ সিয়েন গুরিদো।

১ রাজাবলী 15:5

কিত্তেই লগেপ্রভুর চোগেন্দি যিয়েন্‌ ঠিগ দায়ূদে সিয়েন গুরিদো। বানা হিত্তীয় ঊরিয়োর্‌ বেপারান্‌ বাদে তার পূরো জিংকানিগানত্‌ তে লগেপ্রভুর কনঅ উগুম অমান্য ন-গরে।

১ রাজাবলী 3:6

জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

২ রাজাবলী 12:3

মাত্তর্‌ তবনা ঘরর্ অজল জাগায়ানি ভস্ত গরা ন-অয়; মানুচ্চুনে সেক্কেয়ো সিদু য়েমান্‌ উৎসর্ব গুরিদাক্‌ আর পৌইরেগ্ জ্বালেদাক্‌।

২ রাজাবলী 14:3

লগেপ্রভুর চোগেন্দি যিয়েনি গম্‌ অমৎসিয় সিয়েনি গুরিদো, মাত্তর্‌ তা পূরোণি মানুচ্‌ দায়ূদো ধোক্ক্যেন নয়। তে তা বাপ্পো যোয়াশর ধোক্ক্যেন বেক্‌ কামানি গুরিদো।

২ রাজাবলী 16:2

তে কুড়ি বজর্‌ বয়জত্‌ রাজা অলঅ আর ষুলো বজর সং যিরূশালেমত্‌ রাজাগিরি গোজ্যে। তা পূরোণি মানুচ্‌ দায়ূদে যেধোক্ক্যেন লগেপ্রভুর চোগোত্‌ যিয়েনি গম্‌ সিয়েনি গুরিদো আহসে সেধোক্ক্যেন ন-গুরিদো।

২ রাজাবলী 18:3

হিষ্কিয় তা পূরোণিমানুচ্‌ দায়ূদো ধোক্ক্যেন লগেপ্রভু চোগেন্দি যিয়েনি গম্‌ সিয়েনি গুরিদো।

২ বংশধর 17:3

লগেপ্রভু যিহোশাফট লগে এলঅ, কিত্তে তার্‌ পূরোণিমানুচ্‌ দায়ূদে পত্তমে যেধোক্ক্যেন গুরি চলিদো তেয়ো সেধোক্ক্যেন গুরিনে চলিদো। তে বাল দেবেদাগুনোরে পূজো ন-গুরিনে বরং তার্‌ পূরোণি মানুচ্চুনোর্‌ গোজেনরে তবনা গুরিদো আর ইস্রায়েল ধোক্ক্যেন কাম্‌ ন-গুরিনে গোজেন উগুম মজিম্‌ চলিদো।

২ বংশধর 29:2

হিষ্কিয় তার্‌ পূরোণি মানুচ্‌ দায়ূদো ধোক্ক্যেন লগেপ্রভুর চোগেন্দি যিয়েনি গম্‌ সিয়েনি গুরিদো।

২ বংশধর 31:20

হিষ্কিয় যিহূদার বেক্‌ জাগানিত্‌ এধোক্ক্যেন গুরিনে কাম্‌ গুরিলাক্‌। তার্‌ গোজেন লগেপ্রভুর চোগেন্দি যিয়েনি গম্‌, ন্যায্য আর সত্য তে সিয়েনিই গুরিলো।

২ বংশধর 34:1

যোশিয় আস্‌তো বজর্‌ বয়জত্‌ রাজা ওইয়্যে আর এগত্রিশ বজর্‌ যিরূশালেমত্‌ রাজাগিরি গোজ্যে।

গম্ উপদেজ্ 20:11

হার্‌কোজ্যে গাবুজ্যে-গাবুরীগুনোর কামানি দোল্ আর ঠিগ্ ওক্ বা ন-ওক্, সে কামানিলোই তারা নিজোরে পরিচয় দিবাক্।

গম্ উপদেজ্ 4:27

ডেনেদি বা বাঙেদি ন-ফিরিবে; ভান্ন্যেয়ত্তুন্ তঅ টেঙানি দুরোত্ রাগেচ্।

সফনিয় 1:1

আমোনর পুয়ো যিহূদার রাজা যোশিয়র রাজাগিরির সময়োত্ কূশির পুয়ো সফনিয় ইধু লগেপ্রভুর কধানি ফগদাং অলঅ। কূশি অলদে গদলিয়র পুয়ো, গদলিয় অমরিয়র পুয়ো, অমরিয় হিষ্কয়র পুয়ো।

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

যিহোশূয় 1:7

তুই বলী অ আর বুগোত্‌ সাহস বান্‌। মঅ‌ চাগর্‌ মোশি তরে যে রীদি-সুদোমানি দি যেইয়্যে বেক্‌ রীদি-সুদোমানি পালেবাত্তে মন্‌ দিবা, সিয়োত্তুন এক্কেনায়ো ইন্দি উন্দি ন-সুরিবা। ইয়েন্দোই তুই যিয়োত্‌ যেবে সিয়োদোই ফোলেবে।