২ রাজাবলী 22:14 - Chakma Bible

¹⁴ এ কধাগান্‌ শুনিনে ধর্মগুরু হিল্কিয়, অহীকাম, অক্‌বোর, শাফন আর অসায় মিলে-ভাববাদী হুল্‌দা ইদু যেইনে তা লগে কধাবার্তা কলাক্‌। হুল্‌দা অলদে কাবড়-চুগোর্‌ রোক্ষ্যেগুরিয়্যে শল্লুমো মোগ্‌। শল্লূম অলদে হর্হসের নাদিন, অত্তাৎ তিক্‌বর পুয়ো। হুল্‌দা যিরূশালেমর দ্বিলম্বর্‌ ভাগত্‌ বজত্তি গুরিদো।

২ রাজাবলী 22:14 ပူးပေါင်းရင်းမြစ်များ

২ রাজাবলী 10:22

সেক্কে যেহূ পোজাক্‌-চুগিদার্‌বোরে কলঅ, “বাল দেবেদা পূজোগুরিয়্যে বেক্কুনোত্তে পোজাক্‌ আন।” সেক্কে তে তারাত্তে পোজাক্‌ নিগিলেনেই আনিলো।

২ রাজাবলী 22:15

হুল্‌দা তারারে কলঅ, “ইস্রায়েলর গোজেন লগেপ্রভু মরে কবাত্তে কোইয়্যেদে, যিবেই তমারে মইদু পাদেয়্যে তারে যেইনে কগোই লগেপ্রভু কোইয়্যেদে, যিহূদার রাজা এ বোইবোর লেগা যিয়েনি পোজ্যে মুই সেই মজিম পত্তি দযা এ জাগায়ান উগুরে আর তা মানুচ্চুনো উগুরে আনিম্‌।

২ বংশধর 34:22

সেক্কে হিল্কিয় আর রাজা যিগুনোরে হিল্কিয়োর লগে পাদেয়্যে তারা এ পৌইদ্যেনে কধা কবাত্তে মিলে-ভাববাদী হুল্‌দা ইদু গেলাক্‌। হুল্‌দা এলদে কাবড়-চুগোড়্‌ চুগি দিয়্যে শল্লুমোর মোক্‌। শল্লুমে অলদে হস্রহের নাদিন্‌, অত্তাৎ তোখতর পুয়ো। তে যিরূশালেমর দ্বিলম্বর ভাগত্‌ বজত্তি গুরিদো।

নহিমিয় 7:72

বাদবাগি মানুচ্চুনে দিলাক্‌ বেক্কুনে একশঅ ত্রিশ কেজি সোনা, এক আজার তিনশঅ কেজি রূবো আর ধর্মগুরুগুনোত্তে সাতষট্টিবো পোজাক্‌।

যাত্রা 15:20

হারোণর বোন্নো মরিয়মে এলদে এক্কো মিলে-নবী। তে চিগোন্‌ ঢুল্‌ আঢত্‌ নেযেল, আর তার্‌ পিজে পিজে অন্য মিলেগুনেয়ো চিগোন্‌ ঢুল্‌ আঢত্‌ নেযেনে নাচ্যে নাচ্যে নিগিলি এলাক্‌।

যিহিষ্কেল 13:17

সে পরেদি লগেপ্রভু মরে কলঅ, ও মান্‌জ্যর্ পুয়োবো, তঅ জাদর্ যে মিলেগুনে ভাববাদী ইজেবে নিজোরে মনেমনজক্কা কধা কন্ ইক্কিনে তুই তারা বিরুদ্ধে থিয়্যে। তুই তারা বিরুদ্ধে এ কধানি কঅ,

মীখা 6:4

মুই মিসর দেজত্তুন্ তমারে নিগিলেই আন্যং, চাগর অবস্থাত্তুন্ তমারে উদ্ধোর্ গোজ্যং। তমারে বল্ দিবাত্তে মোশি, হারোণ আর মরিয়মরে পাদেয়োং।

সফনিয় 1:10

লগেপ্রভু আরঅ কোইয়্যেদে, “সেদিন্যে মাছ-গেদোত্তুন্ কানানি রঅ, শঅর দ্বিলম্বর্ ভাগত্তুন্ আবিলেচ রঅ আর মুড়োগুনোত্তুন্ ভাঙি পড়ানার্ দাঙর্ দাঙর্ রঅ শুনো যেবঅ।

লূকে লেখ্যে গম্ হবর্ 2:36

সে অক্তত্ হান্না নাঙে এক্কো মিলে-ভাববাদী এলঅ। তে আশের গুট্টির পনূয়েল ঝি। তার্ বোউত্ বয়স ওইয়্যে। সাত বজর্ নেগ সমারে ঘর্ গরানার্ পরেদি চুরোশি বজর্ বয়জ সং তে রানি মিলের্ জিংকানি কাদেয়্যে। উবোসনা-ঘর্ ফেলেইনে তে কনত্তে ন-যেদঅ বরং উবোস আর তবনা গুরিনে দিন-রেত্ গোজেনর সেবা গুরিদো।

প্রেরিত্‌ 21:9

তার্ চের্‌বো গাবুজ্জ্যে ঝি এলাক্। সিগুনে মানুচ্চুনো ইধু ভাববাদী ইজেবে গোজেনর্ কধা কধাক্।

১ করিন্হীয় 11:5

যে মিলেবো মাঢাবো ন-ঢাঘিনেই তবনা গরে বা ভাববাদী ইজেবে কধা কয় তে তা মাঢাবোর্ অসর্মান গরে, কিয়া সেক্কে তে মাঢাবো মুড়েইয়্যে মিলে ধোক্ক্যেন ওই যায়।

বিচের গুরিয়্যেগুন 4:4

সে সময়োত্‌ লপ্পীদোতর মোক্কো দবোরা এক্কো মিলে-ভাববাদী এলঅ‌। তেয়ই সেক্কে ইস্রায়েলীয়গুনোরে শাজন্ গুরিদো।