২ রাজাবলী 22:13 - Chakma Bible

¹³ “ইবে যে বোইবো পাহ্ যেইয়্যে সিবে ভিদিরে যেদক্কানি কধা লেগা আঘে সে কধানি পৌইদ্যেনে তুমি যেইনে মত্তে আর এ জাগানর্‌ আহ্ বেক্‌ যিহূদার মানুচ্চুনোত্তে লগেপ্রভু ইদু পুযোর্‌ গরঅ। লগেপ্রভু আমা বিরুদ্ধে রাগ আগুনে জুলি উঠ্যে, কিত্তে আমা পূরোণি মানুচ্চুনে এ বোইবো কধামজিম্‌ ন-চলন্‌ আর পালেবাত্তে যেদক্কানি কধা সিয়োত্‌ লেগা আঘে সে ইজেবে তারা কাম্‌ ন-গরন্‌।”

২ রাজাবলী 22:13 ပူးပေါင်းရင်းမြစ်များ

২ রাজাবলী 23:26

তো মনঃশি যে কামানি গুরিনে লগেপ্রভুরে অহুজি গোজ্যে সেনত্তে যিহূদার বিরুদ্ধে যে দর্‌গরেপারা রাগে লগেপ্রভু জুলি উঠ্যে সিয়েনত্তুন্‌ তে নঅ-ফিরিলো।

২ রাজাবলী 3:11

যিহোশাফটে কলঅ, “ইয়েনত্‌ কি লগেপ্রভুর কনঅ ভাববাদী নেই যিবের্‌ মাধ্যমে আমি লগেপ্রভুর ইদু পুযোর্‌ গুরি পারিই?” ইস্রায়েলর রাজার এক্কো কাম্‌গুরিয়্যে জোবত্‌ কলঅ “শাফটর পূয়ো ইলীশায় ইদু আঘে। তে এলিয়োর সেবাগুরিয়্যে এলঅ।”

২ বংশধর 29:6

আমা পূরোণি মানুচ্চুনে অবিশ্বেজি ওইয়োন; আমা গোজেন লগেপ্রভুর চোগেন্দি যিয়েনি ভান্ন্যেই তারা সিয়েনি গুরিলাক্‌ আর তারে ছাড়িনে গেলাক্‌। লগেপ্রভুর থেবার জাগানত্তুন্‌ তারা মুয়োনি ফিরেই নেযেয়োন আর তাত্তুন্‌ পিজেন্দি ফিজ্যন্‌।

২ বংশধর 34:21

“যে বোইবো পাহ্ যেইয়্যে সিবে ভিদিরে কি লেগা আঘে সিবে তুমি যেইনে মর্‌ আর ইস্রায়েল আর যিহূদার বাদবাগি মানুচ্চুনোত্তে লগেপ্রভুরে পুযোর্‌ গর্‌। আমা পুরোণি মানুচ্চুনে লগেপ্রভুর কধানি ন-পালান্‌ আর এ বোইবোত্‌ যিয়েনি লেগা আঘে সেই মজিম কাম্‌ ন-গরে বিলিনে তার্‌ জদবদে রাগ্‌কান আমা উগুরে পোজ্যে।”

নহিমিয় 9:3

সে পরেন্দি তারা থিয়্যেই থেইনে দিনোর্‌ চের্‌ ভাগর্‌ এক ভাগ্‌ সময় তারার্‌ গোজেন্‌ লগেপ্রভুর রীদি-সুদোম বোইবোত্তুন্‌ পড়া ধুরিলাক্‌ আর চের্‌ ভাগর্‌ এক ভাগ্‌ সময়োত্‌ পাপ স্বীগের্‌ গরন্‌ আর তারার্‌ গোজেন লগেপ্রভুর উবোসনা গুরিনে কাদেলাক্‌।

গীতসংহিতা 106:6

আমা পুরোণি মানুচ্চুনো ধোক্ক্যেন্ আমিয়ো পাপ গোজ্যেই; আমি অন্যেয় গোজ্যেই, ভান্ন্যেই গুরি চোল্যেই।

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

গীতসংহিতা 76:7

তুই, তুই অমকদ দর্‌গরেপারা; তঅ রাগ্‌কান উদিলে কন্না তঅ মুজুঙোত্ থিয়্যেই পারে?

গীতসংহিতা 76:8

স্বর্গত্তুন্ তুই তর্ বিচেরর রায় শুনেলে; ও গোজেন, তুই উদিলে বিচের গুরিবাত্যে; আর পিত্‌থিমীর অত্যেচার ওইয়্যে মানুচ্চুনোরে রোক্ক্যে গুরিবাত্যে; সেক্কে পিত্‌থিমীগান দরে অলর্ অলঅ।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

গম্ উপদেজ্ 3:6

তর্ আঢিবার পধত্ গোজেনরে মুজুঙোত্ রাগেচ্; তেয়ই তর্ বেক পথ্‌তানি উজু গুরি দিবো।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিরমিয় 16:12

মাত্তর্ তুমি তমা পুরোণি মানুচ্চুনোত্তুন বেশ্ ভান্ন্যেই গুরি চোল্য। চঅ, তুমি পত্তিজনে মর্ কধামজিম ন-চলিনে কিবাবোত্যে গুরিনে তমা ভান্ন্যেই মনর্ এক কুপ্পে গুরি চলর্।

যিরমিয় 36:7

অয়ত তারা লগেপ্রভু ইধু তবনা গুরিবাক্ আর পত্তিজনে তারার ভান্ন্যেই পধত্তুন ফিরিবাক্, কিত্তে এ মানুচ্চুনো বিরুদ্ধে লগেপ্রভু অমকদ অহুজি আর রাগর্ কধা কোইয়্যে।”

যিরমিয় 37:17

সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

আবিলেচ্ 5:7

আমা পুরোণি মানুচ্চুনে পাপ গোজ্যন্; তারা ইক্কিনে আর নেই, মাত্তর্ আমি তারার্ সাজানি বুয়োই নেযের্।

দানিয়েল 9:10

আমি আমা গোজেন লগেপ্রভুর কধালোই বাধ্য ন-ওই; তর্ চাগর্ ভাববাদীগুনোর মাধ্যমে তর্ দিয়্যে উগুমানি আমি ন-পালেই।

লেবীয় 26:14

মাত্তর্‌ তুমি যুনি মর্‌ কধানি ন-শুনো আর এ বেক্‌ উগুমানি পালন ন-গরঅ,

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

রোমীয় 3:20

রীদি-সুদোম পালন গুরিলে যে গোজেনে মান্‌জ্যরে নিদ্দুজি বিলিনে মানি লবঅ সিয়েন নয়, মাত্তর্ রীদি-সুদোমর্ মাধ্যমে মানুচ্‌ নিজো পাপ পৌইদ্যেনে চেতনা পায়।

রোমীয় 4:15

কারন রীদি-সুদোম গোজেনর্ সাজাগানরে ডাগি আনে। আর সত্যগান কধে কি, যিয়েনত্ রীদি-সুদোম নেই সিয়েনত্ রীদি-সুদোম অমান্য গুরিবার প্রশ্নয়ো নেই।

রোমীয় 7:9

মঅ জিংকানিত্ রীতি-সুদোম এবার্ আগেদি মুই বাঁজি এলুং, মাত্তর্ সেই উগুমান্ এজানার্ সমারে সমারে পাপ্ জিনিস্‌চান্অ জেই উদিলো,

দ্বি’লম্বর বিররণ 27:26

সে মানুচ্চো অভিশাব্ খেইয়্যে, যে এই রীদি-সুদোমর্ কধানি পালন ন-গরে আর তার্‌ খেমতাগানরে অস্বীগের্ গরে। সেক্কে বেক্কুনে কবাক, আমেন।

ফগদাং পেইয়্যে 6:17

কারন তারার্ রাগ ফগদাঙর্ সেই দাঙর্ দিন্নো লুম্মেগি, আর কন্না তা মুজুঙোত্ থিয়্যেই থেই পারে?”