২ রাজাবলী 21:9 - Chakma Bible

⁹ মাত্তর্‌ মানুচ্চুনে সে কধাগান ন-শুনিলাক্‌। মনঃশি তারারে বজং পধেন্দি নেযেল; সেনত্তে যিদুক্কুন্‌ জাদরে লগেপ্রভু ইস্রায়েলীয়গুনো মুজুঙোত্তুন্‌ ভস্ত গুরি দিলো তারাত্তুন্‌অ বেশ্‌ তারা আরঅ বজং কাম্‌ গরা ধুরিলাক্‌।

২ রাজাবলী 21:9 ပူးပေါင်းရင်းမြစ်များ

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

২ রাজাবলী 16:3

তে ইস্রায়েলর রাজাগুনো ধোক্ক্যেন চলিদো; এন্‌ কি, লগেপ্রভু যিদুক্কুন্‌ জাদরে ইস্রায়েলীয়গুনোর মুজুঙেত্তুন্‌ দূর্ গুরি দিয়্যে তারা জঘন্য কামানি ধোক্ক্যেন তেয়ো তা পুয়োবোরে আগুনোত্‌ পড়িনে উৎসর্ব গুরিলো।

২ রাজাবলী 21:10

সেক্কে লগেপ্রভু তা চাগরুনোরে, অত্তাৎ ভাববাদীগুনোরে দিইনে এ কধাগান কলঅ,

২ বংশধর 33:9

যিহূদা আর যিরূশালেমর মানুচ্চুনোরে মনঃশি ভান্ন্যেই পধেন্দি নেযেল; সিয়েনত্তে লগেপ্রভু ইস্রায়েলীয়গুনো মুজুঙোত্তুন্‌ যিদুক্কুন্‌ জাদরে ভস্ত গুরি দিয়্যে তারাত্তুন্‌ বেশ্‌ তারা আরঅ ভান্ন্যেই কাম্‌ গরা ধুরিলাক্‌।

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

নহিমিয় 9:26

মাত্তর্‌ তো তারা অবাধ্য ওইনে তঅ বিরুদ্ধে উল্লোমি গোজ্যন্‌; তর্‌ রীদি-সুুদোম তারা ছাড়ি যেইয়োন। তর্‌ যে ভাববাদীগুনে তারারে উজিয়ার্‌ গুরিদাক্‌ যেনে তারা তইন্দি ফিরি এজন্‌ সে ভাববাদীগুনোরে তারা মারে ফেল্যন; তারা তরে অমকদ অগমান গোজ্যন।

গীতসংহিতা 12:8

মানুচ্চুনে যেক্কে ভান্ন্যেয়ানিরে সর্মান গরন্ পাজিগুনে সেক্কে এনেবাদে ঘুরোঘুরি গরন।

গীতসংহিতা 81:10

মুয়ই লগেপ্রভু, তমা গোজেন; মুয়ই মিসর দেজত্তুন্ তমারে নিগিলে আন্যং। তুমি দাঙর্ গুরি মুয়োন আহ্ গর্, মুই সিয়েন ভোরেই দিম।

গম্ উপদেজ্ 29:12

যে শাজন্‌গুরিয়্যেবো মিজে কধা শুনে তার বেক চাগরি গুরিয়্যেগুন পাজি।

যিহিষ্কেল 11:12

সেক্কে তুমি হবর্ পেবা যে, মুয়ই লগেপ্রভু। তুমি মর্ সুদোম্ মজিম্ ন-চলঅ বা মর্ রীদি-সুদোমানিয়ো ন-পালঅ বরং তমা চেরোকিত্তে জাদ্‌তুনো সুদোম্ মজিম্ চোল্য।’”

যিহিষ্কেল 16:47

তুই যে তারার্ চালচলন আর জঘন্য অভ্যেস ধোক্ক্যেন চোল্যস্ বানা সিয়েন নয় বরং তর্ বেক আচার-বেবহারে তুই কানক্কণ্ ভিদিরে তারাত্তুন্‌অ বেশ্ আরঅ জঘন্য ওইয়োচ্।

যিহিষ্কেল 22:3

তুই কঅ, প্রভু লগেপ্রভু কোইয়্যেদে, ইয়েন সে শঅরান্, যে নিজো ভিদিরে লো ঝোরেইনে নিজোর্ দযা ডাগি আনে আর মূত্তি বানেইনে নিজোরে অসিজি গরে।

যিহিষ্কেল 5:6

মাত্তর্ তে তার ভান্ন্যেয়ত্তে মর্ সুদোমানি বিরুদ্ধে তা চেরোকিত্যে নানান্ জাদে আর দেজত্তুন্অ বেশ উল্লোমী গোজ্যস্। তে মর্ সুদমানি এলাফেলা গোজ্যে আর মানি ন-চলে।

যিহিষ্কেল 5:7

সেনত্তে মুই প্রভু লগেপ্রভু কঙর্, ও যিরূশালেম, তঅ চেরোকিত্তে দেজ্‌‌‌চানিত্তুন্ তুই আরঅ বেশ্ ভান্ন্যেই ওইয়োচ্। তুই মঅ নিয়মানি ন-মানচ্ আর মর্ সুদোমানিয়ো ন-পালাচ্। এমন কি, তর্ চেরোকিত্তে জাদ্‌‌‌‌তুনোর সুদোম্ মজিম্‌অ ন-চলচ্। ‌‌‌

দানিয়েল 9:6

আমা রাজাগুনোর, নেতাগুনোর, পূরোণি মানুচ্চুনোর আর দেজর্ বেক মানুচ্চুনো ইধু তর্ চাগর ভাববাদীগুনে তর্ দিয়্যে যে কধানি কোইয়্যে সিয়েনি আমি ন-শুনিই।

হোশেয় 5:11

ইফ্রয়িমে নিজোর্ আওজে বাজে জিনিজো পিজেদি যেইয়্যে বিলিনে তে অত্যেচারিত ওইয়্যে আর বিচেরত্ তারে টেঙ পাদালোই মাড়া ওইয়্যে।

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

যোহন 15:22

মুই যুনি ন-এদুং আর তারা ইধু কধা ন-কদুং সালে তারার্ দুষ্ ন-অদঅ; মাত্তর্ ইক্কিনে পাপত্যে তারার্ কনঅ ছলনা ধুরি ন-পারিবাক্।

যাকোব 4:17

সালে দেগা যায়, গম কাম গুরিবার্ কধা কোই পারিনেয়ো যে সিয়েন ন-গরে তে পাপ গরে।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।

১ শমূয়েল 8:19

মাত্তর্‌ মানুচ্চুনে শমূয়েলর এই বেক্‌ কধানি শুনিবাত্তে রাজী ন-অলাক্। তারা কলাক্কে, “না, আমি এক্কো রাজা চেই।