২ রাজাবলী 21:8 - Chakma Bible

⁸ ইস্রায়েলীয়গুনে যুনি বানা মর্‌ বেক্‌ উগুমানি গমেডালে পালান্‌ আর মর্‌ চাগর্‌ মোশি তারারে যে রীদি-সুদোমানি দিয়্যে সেধোক্ক্যেন গুরিনে চলন্‌ সালে মুই তারা পূরোণি মানুচ্চুনোরে যে দেজ্‌ছান দুয়োং সে দেজ্‌ছান তারাত্তুন্‌ আর ছাড়া ন-পুরিবো।”

২ রাজাবলী 21:8 ပူးပေါင်းရင်းမြစ်များ

২ শমূয়েল 7:10

মঅ মানুচ্‌ ইস্রায়েলীয়গুনোত্তে মুই এক্কান জাগা ঠিগ্‌ গুরিনে সিয়েনত্ গাজঅ ধোক্ক্যেন্‌ তারারে বোজেই থোম্, যেনে তারা নিজো জাগাত্‌ গমে ডালে বজত্তি গুরি পারন্ আর মঅ মানুচ্চুনে ইস্রায়েলীয়গুনো উগুরে শাজন্‌গুরিয়্যে নেযানার পরেত্তুন্‌ ধুরি পাজি মানুচ্চুনে তারা উগুরে যে অত্যেচার্‌ গুরি এত্তন্‌ তারা যেনে আর সিয়েনি গুরি ন-পারন। মুই বেক্‌ শত্রুগুনোর আঢত্তুন্‌ তরে মাব্ দিম্‌। “ ‘মুই লগেপ্রভু আরঅ কঙর্‌, মুই নিজেই তর্‌ বংশবোরে অাক্কোই নেযেম্।

১ বংশধর 17:9

মঅ মানুচ্‌ ইস্রায়েলীয়গুনোত্তে মুই এক্কান্‌ জাগা ঠিগ্‌ গুরি সিয়েনত্‌ গাজঅ ধোক্ক্যেন তারারে বোজেই দিম্‌ যেনে তারা নিজো জাগা-জোমিত্‌ সুগে-শান্দিয়্যে বজত্তি গুরি পারন্‌ আর মঅ মানুচ্‌ ইস্রায়েলীয়গুনো উগুরে শাজন্‌গুরিয়্যে নেযেবার পরেত্তুন্‌ ধুরি বজং মানুচ্চুনে তারা উগুরে যে অত্যেচার্‌ গুরি এত্তন্‌ তারা যেনে আর সিয়েনি গুরি ন-পারন্‌। মুই তর্‌ বেক্‌ শত্রুগুনোরেয়ো দোঙেম্‌। “‘মুই আরঅ কঙর্‌, মুই লগেপ্রভু তঅ বংশবো উগুরে তুলি দিম্‌।

২ বংশধর 33:8

মুই ইস্রায়েলীয়গুনোরে যেদক্কানি উগুম্‌ দুয়োং, অত্তাৎ মোশির মাধ্যমে যেদক্কানি রীদি-সুদোম, সুদোম্‌ আর উগুম্‌ দুয়োং যুনি বানা তারা গমেডালে সিয়েনি পালান্‌ সালে যে দেজ্‌ছান মুই তমা পূরোণি মানুচ্চুনোরে দুয়োং সিয়েনিত্তুন্‌ তারারে আর ধাবেই ন-দিম্‌।”

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

যিশাইয় 1:19

যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

যিরমিয় 7:23

মাত্তর্ মুই তারারে এ উগুমান দুয়োং, তুমি মঅ কধামজিম আঢঅ, সেক্কে মুই তমার গোজেন ওম্ আর তুমি মঅ মানুচ্ অবা। মুই যে পধেদি আঢিবাত্তে উগুম দুয়োং সে পধেদি আঢঅ যেনে তমার ভালেদি অয়।