২ রাজাবলী 21:4 - Chakma Bible

⁴ লগেপ্রভু যে ঘরান পৌইদ্যেনে কোইয়্যে, “মুই যিরূশালেমত্‌ বজত্তি গুরিম,” লগেপ্রভুর সে ঘরান ভিদিরে তে কয়েক্কো ডালিপূজো বানেল।

২ রাজাবলী 21:4 ပူးပေါင်းရင်းမြစ်များ

২ শমূয়েল 7:13

তর্‌ সে পূঅবোই মঅ গম্ নাঙানত্তে এক্কান ঘর বানেব। তার রাজ-সিংহাসনান্ মুই জিংকানিবর্‌ থিদেবর্ গুরিম।

১ রাজাবলী 8:29

যে জাগানর পৌইদ্যেনে তুই কোইয়োচ্‌, এ জাগানত্‌ মর্‌ থেবারঘর অবঅ, সে জাগান ইন্দি, অত্তাৎ এ তবনা ঘরানর ইন্দি তর্‌ চোক্কুন্‌ দিন-রেত্‌ খুলো থোগ্; আর এ জাগান ইন্দি ফিরিনে তঅ চাগর্‌বো যেক্কে তবনা গুরিবো সেক্কে তুই সিয়েনি শুনিচ্‌।

১ রাজাবলী 9:3

লগেপ্রভু তারে কলঅ, তুই যে তবনা আর কোজোলিগান মইদু গোজ্যস্‌ সিয়েন্‌ মুই শুন্ন্যং। তর্‌ বানেয়্যে এ তবনা-ঘরান্‌ জিংকানিবর্‌ মর্‌ থেবারঘর্‌ ইজেবে মঅ নাঙে যুদো গোজ্যং। ইয়েন উগুরে নিত্য মঅ চোখ্‌কুন্‌ আর মনান্‌ থেবঅ।

২ রাজাবলী 23:12

রাজঘর ছাল উগুরে রাজা আহস উগুরে গুদিবো ইদু যিহূদার রাজাগুনে যিদুক্কুন্‌ ডালিপূজো বানেয়োন আর লগেপ্রভুর ঘরর্‌ দ্বিয়েন্‌ উদোনত্‌ মনঃশি যিদুক্কুন্‌ ডালিপূজো বানেয়্যে যোশিয় সিগুনোরে ভাঙিনে কট্টা কট্টা গুরিনে কিদ্রোণ কলগত্‌ ফেলেই দিলো।

২ রাজাবলী 23:27

সেনত্তে লগেপ্রভু কলঅ, “মঅ মুজুঙেত্তুন্‌ যেধোক্ক্যেন গুরি মুই ইস্রায়েলরে দূর্‌ গোজ্যং সেধোক্ক্যেন গুরি যিহূদারেয়ো দূর্‌ গুরিম্‌, আর যে শঅরানরে মুই বেঈ লোইয়োং সে যিরূশালেমানরে আর যিবে পৌইদ্যেনে মুই কোইয়োং, ‘ইয়েন্‌ মর্‌ থেবার্‌ জাগা অবঅ’ সে তবনা- ঘরানরে মুই অগ্রাজ্য গুরিম।”

২ বংশধর 6:5

মঅ মানুচ্চুনোরে মিসরত্তুন্‌ নিগিলে আনানার পরেন্দি নিজোরে ফগদাং গুরিবার্‌ জাগা ইজেবে এক্কান্‌ ঘর্‌ বানেবাত্তে মুই ইস্রায়েলীয়গুনোর কনঅ শঅর্‌ বেঈ ন-নেযাং, বা মঅ মানুচ্‌ ইস্রায়েলীয়গুনো উগুরে নেতা অবাত্তে কনঅ মান্‌জ্যরে মুই বেঈ ন-নেযাং,

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

যিরমিয় 32:31

যেদিন্যে এ শঅরান্ বানা ওইয়্যে সেদিন্যেত্তুন্ ধুরি এচ্চ্যে সং সিয়েন মর্ বেজার্ অনাগান্ আর রাগ্‌‌‍কান এমন্‌গুরি জাগেই দুয়ো, মঅ চোগো মুজুঙোত্তুন মুই সিয়েন সোরেই দিম্,‌‍

যিরমিয় 32:34

মঅ ঘরত্ তারা তারার সাংগাদিক্ মূত্তিগুন বোজেইনে সিয়েন অসিজি গোজ্যন্।

যিরমিয় 32:35

তারা মোলক দেবেদার নাঙে তারার ঝি-পুয়োগুনোরে উৎসর্ব গুরিবাত্তে বিন্-হিন্নোম কলগত্ বাল দেবেদার নাঙে পূজোর্ অজল্ জাগায়ান বানেয়োন। মুই কনদিন্‌অ সেই উগুমান ন-দুয়োং বা মর্ মনত্অ সিয়েন ন-চমে, তারা এবাবোত্যে দর্‌গরেপারা কামানি গুরিনে যিহূদারে দিইনে পাপ গোরেবাক্।

যিরমিয় 7:30

লগেপ্রভু কোইয়্যেদে, “মঅ চোগেদি যিহূদার মানুচ্চুনে ভান্ন্যেই কাম গোজ্যন। মঅ ঘরত্ তারা তারার জঘন্য মূত্তিগুন বোজেইনে সিয়েনরে অসিজি গোজ্যন্।

যিহিষ্কেল 23:38

ইয়েনি বাদেয়ো সেই একই সময়োত্ তারা মর্ ঘরান অসিজি গোজ্যন্। তারা মর্ জিরেবার দিনুনোর সুদ্ধো-সাংগগান রোক্ষ্যে ন-গরন্।

যিহিষ্কেল 23:39

সেই একই দিনোত্ তারা তারার্ মূত্তিগুন ইধু তারার্ ঝি-পুয়োগুনোরে জবাই গোজ্যন্ আর মঅ ঘরত্ সোমেইনে সিগুন অসিজি গোজ্যন্। তারা মঅ ঘর ভিদিরে এ কামানি গোজ্যন্।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।