২ রাজাবলী 21:3 - Chakma Bible3 তা বাপ্পো হিষ্কিয় পূজোর্ যেদক্কানি অজল্ জাগা চোইদেল গোজ্যে সিয়েনি তে আরঅ বানেল। ইস্রায়েল রাজা আহাবে যেধোক্ক্যেন গোজ্যে সেধোক্ক্যেন তেয়ো বাল দেবেদা নাঙে কয়েক্কো ডালিপূজো আর এক্কো আশেরা-খুদো বানেল। তে আগাজর বেক্ তারাগুনোরে পূজো আর সেবা গুরিদো। အခန်းကိုကြည့်ပါ။ |
২ রাজাবলী 21:3
23 ပူးပေါင်းရင်းမြစ်များ
যে বলদ গোরুবো তারারে দিয়্যে অলঅ তারা সিবে কাবিনে যুক্কোল্ গুরি নেযেলাক্। সে পরেন্দি তারা বেন্যেত্তুন্ ধুরি দিবুজ্যে সং বাল দেবেদাবোরে ডাগা ধুরিলাক্। তারা রঅ ছাড়ি ছাড়ি কুয়া ধুরিলাক্, “ও বালদেব, আমারে জোব্ দে।” মাত্তর্ কনঅ সাড়া ন-মিলিলো, কনজনে জোব্ ন-দিলো। যে ডালিপূজোবো তারা বানেয়োন্ সিবের্ চেরোকিত্তে তারা নাজা ধুরিলাক্।
তার্ রাজাগিরির্ আস্তো বজরত্ তা বয়জছান্ কম্ থেলেয়ো তে তার্ পূরোণি মানুচ্ দায়ূদোর গোজেন আওজ্ মজিম্ আদিবাত্তে মনান্ ঠিগ্ গুরিলো। রাজাগিরির বার বজর অক্তত্ তে পূজোর্ বেক্ অজল্ জাগায়ানি, আশেরা-খুদোগুন, সাজিনে বানেয়্যে মূত্তিগুন্ আর ছাজিনে ঢাল্যে মূত্তিগুন্ যিহূদা আর যিরূশালেমত্তুন্ দূর্ গুরি দিয়্যে ধুরিলো।
ကြော်ငြာတွေ