২ রাজাবলী 21:16 - Chakma Bible

¹⁶ ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

২ রাজাবলী 21:16 ပူးပေါင်းရင်းမြစ်များ

২ বংশধর 33:9

যিহূদা আর যিরূশালেমর মানুচ্চুনোরে মনঃশি ভান্ন্যেই পধেন্দি নেযেল; সিয়েনত্তে লগেপ্রভু ইস্রায়েলীয়গুনো মুজুঙোত্তুন্‌ যিদুক্কুন্‌ জাদরে ভস্ত গুরি দিয়্যে তারাত্তুন্‌ বেশ্‌ তারা আরঅ ভান্ন্যেই কাম্‌ গরা ধুরিলাক্‌।

২ রাজাবলী 21:11

“যিহূদার রাজা মনঃশি এ জঘন্য পাপ্পানি গোজ্যে। তা আগেন্দি যে ইমোরীয়োগুনে এলাক্‌ তারাত্তুন্‌অ বেশ্‌ তে আরঅ বজং কাম্‌ গোজ্যে আর নিজো মূত্তিগুন্দোই যিহূদারে পাপত্ ফেলেয়্যে।

গণাণা 35:33

তুমি তমার্‌ দেজ্‌ছানরে ফিবলা ন-গুরিবা, কিত্যে লো নিগিলিলে দেজ্‌ছান ফি-বলা অয়। যে দেজত্‌ লো নিগিলে-নিগিলি ওইয়্যে লো দিয়োবোর্‌ লো বাদে আর কেধোক্ক্যেনগুরি সেই দেজর্‌ ফি-বলাগান্‌ ঢাগি দিয়্যে ন-যায়।

ইব্রীয় 11:37

মান্‌জ্যে তারারে পাত্তর্ মাজ্জ্যন্, আড়ালোই দ্বিকট্টা গুরি কাপ্প্যন্ আর ছুরিলোই খুন্ গোজ্জ্যন। তারা অত্যেচার আর ভান্ন্যেই বেবহার পেইয়োন, আর রাদত্ পড়িনে ভেড়া আর ছাগল চাম্ পিনিনে ঘুরি বেড়েদাক্।

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

মথি লেখ্যে গম্ হবর্ 27:6

আজল্ ধর্মগুরুগুনে সেই রূবোর্ টেঙাগুন্ লোইনে কলাক্, “এই টেঙাগুন্ উবোসনা-ঘরর্ তহবিলোত্ থনা ঠিগ্ নয়, কিয়া ইগুন্ লো-গানর্ দাম্।”

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 15:4

যিহূদার রাজা হিষ্কিয়র পুয়ো মনঃশি যিরূশালেমত্ যিয়েনি গোজ্যে সিয়েনিত্তে মুই যে সাজা দিম্ সিয়েন দেগিনে পিত্‌থিমীর বেক রেজ্যর মানুচ্চুনে দোরেবাক্।‍

যিরমিয় 7:6

যুনি বিদেশি, মা-বাপ নেইয়্যে বা রানিমিলেগুনোরে অত্যেচার ন-গোজ্য আর এ দেজত্ নিদ্দুযিগুনোর লো ন-ঝোরেয়ো আর দেব-দেবেদাগুনোর পিজেদি যেইনে নিজোরে খেতি ন-গোজ্য,

যিরমিয় 2:34

তঅ কাবড়-চুগোড়ানিত্ নিদ্দুযি নাঢা মানজ্যর্ লো দেগা যায়, যুনিয়ো তারা তঅ ঘরান ভাঙিনে ন-চমান্। ইয়েনি অলেয়ো তুই কোইয়োচ্চে, মুই নিদ্দুযি; মঅ উগুরে লগেপ্রভুর আর রাগ নেই। মাত্তর্ মুই তর্ বিচের গুরিনে তরে সাজা দিম্, কিত্তে তুই কোইয়োচ্চে, ‘মুই পাপ ন-গরং।’

২ রাজাবলী 21:7

তে যে আশেরা-খুদোবো চাজিনে বানেয়্যে সিবে নেযেইনে তবনা-ঘরত্‌ রাগেল। এ তবনা-ঘরান পৌইদ্যেনে লগেপ্রভু দায়ূদ আর তা পুয়ো শলোমনরে কোইয়্যে, “এ ঘরান্‌ আর ইস্রায়েলর বেক্‌ গুট্টিগুনো ভিদিরেত্তুন্‌ মর্‌ বেঈ নেযেয়্যে এ যিরূশালেমানরে মুই উমরত্তে মর্‌ বজত্তি জাগা বানেম্‌।

যাত্রা 32:21

তে হারোণরে কলঅ‌, “সেই মানুচ্চুনে তরে কি গোজ্যন্‌দে, তুই তারারে এবাবোত্যেগুরি অমহদ পাপর্‌ কামত্‌ টানি আনিলে?”

২ রাজাবলী 21:15

কিত্তে মঅ চোগেন্দি যিয়েনি বজং তারা সিয়েনি গোজ্যন্‌ আর যেদিন্যে তারা পূরোণি মানুচ্চুনে মিসর দেজত্তুন্‌ নিগিলি এচ্ছ্যন্‌ সেদিন্যেত্তুন্‌ ধুরি এচ্ছ্যে সং তারা মরে অহুজি বানেয়োন্‌।”

যিরমিয় 32:31

যেদিন্যে এ শঅরান্ বানা ওইয়্যে সেদিন্যেত্তুন্ ধুরি এচ্চ্যে সং সিয়েন মর্ বেজার্ অনাগান্ আর রাগ্‌‌‍কান এমন্‌গুরি জাগেই দুয়ো, মঅ চোগো মুজুঙোত্তুন মুই সিয়েন সোরেই দিম্,‌‍

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

যিহিষ্কেল 22:4

লো ঝোরেইনে তুই দুষি ওইয়োচ্ আর মূত্তি বানেইনে অসিজি ওইয়োচ্। তুই তর্ দিনুন্ কায়কুরে আন্ন্যচ্ আর তর্ শেজকাল আজিল্ ওইয়্যে। সেনত্তে জাদ্‌‌‌‌‌‌‌‌‌তুনো ইধু মুই তরে ঠাট্টা-ঈচ্ গরেদে ধোক্ক্যেন গুরিম আর বেক্ দেজ্‌‌‌‌‌‌‌‌‌চান ইধু আজি উদোন্ পারা গুরিম।

২ রাজাবলী 3:3

মাত্তর্‌ নবাটর পুয়ো যারবিয়াম ইস্রায়েলরে দিইনে যেদক্কানি পাপ গোজ্যে যোরামেয়ো সিয়েনি গরা ধুরিলো। তে সিয়েনিত্তুন্‌ ন-ফিরিলো।

২ রাজাবলী 21:2

লগেপ্রভু ইস্রায়েলীয়গুনো মুজুঙেত্তুন্‌ যিদুক্কুন্‌ জাদরে ধাবেই দিয়্যে তারা ধোক্ক্যেন জঘন্য কাম্‌ গুরিনে মনঃশি লগেপ্রভুর চোগেন্দি যিয়েনি বজং সিয়েনি গুরিদো।

গম্ উপদেজ্ 6:16

লগেপ্রভু কমেদি সাততান্ জিনিস ঘিনেই সিয়েনি তাইদু জঘন্য:

গম্ উপদেজ্ 6:17

বার্বো বার্বো চোগ, মিজেকধা কোইয়্যে জিলান্, গম্ মান্‌জ্যরে খুন্‌গোজ্যে যে আঢ্‌তানি,

যিহিষ্কেল 22:2

ও মান্‌‌‌‌‌‌‌‌জ্যর পুয়োবো, তুই কি বিচের্ গুরিবাত্তে যুক্কোল্ আগচ্? সালে তুই লো ঝোরেয়্যে এই শঅরানর্ বিচের্ গর্। তুই তার্ বেক জঘন্য কামানির কধা তারে জানা।

যিহিষ্কেল 23:45

মাত্তর্ গম্ মানুচ্চুনে বেভিচের্ আর লো ঝরানার সাজা সেই মিলেগুনোরে দিবাক্, কিত্তে তারা বেভিচারিনী আর তারা আঢত্ রোইয়্যেদে লো।