২ রাজাবলী 20:3 - Chakma Bible

³ “ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

২ রাজাবলী 20:3 ပူးပေါင်းရင်းမြစ်များ

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 5:22

মথূশেলহর জর্মানার পরেদি তিনশ বজর সং গোজেন লগে হনোকর উদো-লোলি এলঅ। এ ভিদিরে তার আরঅ ঝি-পুয়ো ওইয়োন্।

পত্থম 5:24

ইয়েনর পরেদি তারে আর্‌ দেগা ন-গেলঅ। গোজেন লগে তার উদো-লোলি এলঅ বিলিই গোজেনে তারে নিজো ইধু নেযেল।

পত্থম 8:1

জাহাজত্‌ নোহ আর তা লগে যিদুক্কুন ঘোর্‌বো আর ঝাড়্‌বো য়েমান এলাক্ গোজেনে তারারে মনত্‌ রাগেয়্যে। তে পিত্‌থিমীয়ান উগুরে বোইয়্যের্‌ পাদেল, সেক্কে পানি কমা ধুরিলো।

১ রাজাবলী 11:4

শলোমনর্ বুড়ো বয়জত্‌ তা মোক্কুনে তা মনান্‌ দেব-দেবেদাগুনোর ইন্দি টানি নেযেয়োন্‌। সিয়েনত্তে তা বাপ্পো দায়ূদো ধোক্কেন্‌ তা মনত্‌ তার গোজেন লগেপ্রভু উগুরে এদক্‌ ভোক্তি ন-এলঅ।

১ রাজাবলী 15:14

পূজোর্‌ অজল্‌ জাগায়ানি যু‌নিয়ো তে ভস্ত ন-গরে তো সারা জিংকানিবর্‌ তা মনান্‌ লগেপ্রভু উগুরে ভোক্তিলোই ভর্‌পুণোং এলঅ।

১ রাজাবলী 2:4

সালে লগেপ্রভু যে এগেমান্ মইদু গোজ্যে সিয়েন পুরেই দিবো। সেই এগেমান্ অলঅ, যুনি তর্‌ গুট্টিগুনে বেক্‌ মনান্‌-পরাণান দিইনে বিশ্বেজ্ গুরিনে মর্‌ মুজুঙোত্‌ আদাউদো গুরিবাত্তে উজিয়ার্ গুরিনে জিংকানি কাদায় সালে ইস্রায়েলর সিংহাসনত্‌ বোজেবাত্তে তর্‌ বংশত্‌ মান্‌জ্যর অভাব ন-অবঅ।

১ রাজাবলী 3:6

জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

১ রাজাবলী 8:23

তে কলদে, ও লগেপ্রভু ইস্রায়েলর গোজেন, উগুরে স্বর্গত্‌ বা তলেন্দি পিত্তিমীত্‌ তঅ ধোক্কেন্‌ গোজেন আর কনজন নেই। তর্‌ যে চাগরুনে মনে-পরাণে তঅ পধেন্দি আদন্‌ তুই তারার পক্ষেন্দি তর্‌ অমকদ কোচ্‌পানার সুদোমান রোক্ষ্যে গুরি থাচ্‌।

১ রাজাবলী 8:61

এচ্চ্যে যেধোক্কেন্‌ লগেপ্রভুর সুদোম্ আর উঘুম মানিবাত্তে তমা মনানি পুরোপুরিভাবে আমা গোজেন লগেপ্রভুর ইন্দি আঘে সেধোক্কেন্‌ নিত্য থোক্‌।”

১ রাজাবলী 9:4

আর তুই, তুই যুনি তঅ বাপ্পো দায়ূদো ধোক্ক্যেন্‌ দোল্ মনে, গমেডালে মঅ মুজুঙোত্‌ আদচ্‌ আর মর্‌ বেক্‌ উগুমানি, সুদোমানি আর নিদ্দেশ্‌ছানি পালাচ্‌,

২ রাজাবলী 20:2

এ কধাগান শুনিনে হিষ্কিয় দেবাল ইন্দি মুয়োন্‌ ফিরেইনে লগেপ্রভু ইদু তবনা গুরিনে কলঅ,

২ রাজাবলী 20:4

যিশাইয় রাজঘরর্‌ উদোনান সংমধ্যে যাদে ন-যাদে লগেপ্রভুর এ কধাগান্‌ তাইদু ফগদাং অলঅ,

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

নহিমিয় 13:14

ও মর্‌ গোজেন্‌, এ কামানিত্তে মরে ইদোত্‌ রাগেচ্‌। মঅ গোজেনর্‌ ঘরান্‌ আর সে ঘরর্‌ সেবা-কামত্তে মুই বিশ্বেজ্‌ গুরিনে যিয়েনি গোজ্যং সিয়েনি ফুজি ফেলেই ন-দিজ্‌।

নহিমিয় 13:22

সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

নহিমিয় 5:19

ও মর্‌ গোজেন্‌, এ মানুচ্চুনোত্তে মুই যেদক্কানি কাম্‌ গোজ্যং সিয়েনিত্তেই তুই মর্‌ ভালেদি গুরিবাত্তে পুরি ন-পেলেচ্‌।

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

ইয়োব 1:8

লগেপ্রভু সেক্কে সদান্‌নোরে কলঅ, “মঅ মানুচ্‌ ইয়োব ইন্দি কি তুই রিনি চেইয়োচ্? পিত্‌থিমীত্‌ তা ধোক্ক্যেন্ আর কনজন নেই। তে নিদ্দুজি আর গম্‌ মানুচ্‌। তে মরে ভোক্তিগুরিনে দরায়্‌ আর ভান্ন্যেই কামত্তুন্‌ দূরোত্‌ থায়।”

ইয়োব 16:20

যিবে মঅ পক্ষেদি আঘে তে মর্‌ সমাজ্যে, আর মুই গোজেন ইদু চোগো পানি ফেলাং।

ইয়োব 4:6

তুই যে গোজেনরে ভোক্তি গুরিনে দরাজ্‌ সেক্কে কি তুই আশ্বাজ্ ন-পাজ? তুই যে নিদ্দুযি সিয়েন্‌ কি তর্‌ আজা নয়?

গীতসংহিতা 102:9

তুই মরে লুঙি মারি ফেলেই দুয়োচ্; তর্ লবাদোস্যে আর রাগত্তে দুঘে যেন ছেই হেইনে মঅ দিনুন্ কাদের্; মঅ চোগো পানিগান হেবার পানি লগে মিজে যার্।

গীতসংহিতা 119:26

মঅ জিংকানির বেক্ কধাগানি মুই তরে জানেয়োং, আর তুই মরে জোব্ দুয়োচ্; তর্ সুদোমানি মরে শিগেই দে;

গীতসংহিতা 119:49

তর্ এ চাগর্‌বো ইদু তুই যে শমক্তান্ গোজ্যস্ সিয়েন ইদোত্ তুলি চাহ্; সিয়েনিলোই দঅ তুই মরে আজা দুয়োচ্।

গীতসংহিতা 145:18

যিগুনে লগেপ্রভুরে ডাগন্, মনদি ডাগন্, তে তারা কায়-কুরে থায়।

গীতসংহিতা 25:7

মর্ গাবুরো অক্তত্ পাপ্পানি আর তর্ বিরুদ্ধে উল্লোমির কধানি তুই মনত্ ন-রাগেচ্; তর্ ন-পুরেইয়্যে কোচ্‌‌পানালোই তুই মরে মনত্ রাগেচ্, কিয়া ও লগেপ্রভু, তুই মংগলময়।

গীতসংহিতা 26:1

ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 26:3

কিত্যে নিত্য তর্ জদবদে কোচ্‌‌পানাগান মঅ চোগো মুজুঙোত্ আঘে; তর্ বিশ্বেজর্ কধানি মনত্ রাগেইনে মুই আঢাউদো গরং।

গীতসংহিতা 32:2

বর্‌পেইয়্যে সেই মানুচ্চো, যিবের্ অন্যেয়ানি লগেপ্রভু খেমা গোজ্যে আর যিবের্ মনত্ কনঅ ছলনা নেই।

গীতসংহিতা 39:13

মঅ উগুরেত্তুন তর্ চানাগান সোরেই নেযা, যেনে যেবার্ আগেন্দি, শেজ্ ওই যেবার আগেন্দি, আরঅ মুই হুজি ওই পারং।”

গীতসংহিতা 6:6

মুই ফবাদে ফবাদে বল্ পোজ্যে ওই পোজ্যং; সারা রেত্ কানি কানি মুই বিচ্ছোনান্ ভিজেয়োং, চোগো পানিয়ে মঅ খাট্‌‌তান্ ভিজাং।

গীতসংহিতা 6:7

দুঘে মর্ দেগিবার্ খেমতাগান্ কুমি যেইয়্যে; শত্রুগুনোর্ কারনে মঅ চোগো পহ্‌‌রান্ কুমি যেইয়্যে।

গীতসংহিতা 89:47

ভাবি চাহ্ মর্ জিংকানিগান কত্তমান্ চিগোন; অনত্তক্ কি তুই মান্‌জ্যরে বানেয়োচ্!

গীতসংহিতা 89:50

ও প্রভু, তর্ চাগরুনোরে যে অগমান গরা ওইয়্যে সিয়েন তুই ইদোত্ তুলি চাহ্; ইদোত্ তুলি চাহ্, অন্য জাদে গোজ্যে সেই অগমান কেধোক্ক্যেন্ গুরি মুই সোজ্য গুরি আগং।

যিশাইয় 38:14

চাতক, শালিক আর কঅ ধোক্ক্যেন মুই গির্‌‌‍‌‌‌গিজ্যে রলোই ডাগিলুং। উগুরেদি চাদে চাদে মঅ চোগ্‌কুন চুলোদন্। ও প্রভু, মুই দুঘ্ পাঙর্, তুই মঅ ভারান্ নেযা।‌‍‌‌‌

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

আমোষ 5:4

ইস্রায়েল মানুচ্চুনোরে লগেপ্রভু কোইয়্যেদে, “তুমি মইদু এজঅ, সেক্কে বাঁজিবা।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।