২ রাজাবলী 20:10 - Chakma Bible

¹⁰ হিষ্কিয় কোইয়্যেদে, “ছাবাবো দশ পোইদ্যে উজেই যানা সহজ বেপার, বরং সিবে দশ পোইদ্যে পিজে যোক্‌।”

২ রাজাবলী 20:10 ပူးပေါင်းရင်းမြစ်များ

২ রাজাবলী 2:10

এলিয় কলঅ, “তুই এক্কান্‌ আগাত্যে জিনিস চেইয়োচ্‌। তো তঅ কায়-কুরেত্তুন্‌ মরে নেযেবার অক্তত্ যুনি তুই মরে দেগচ্‌ সালে তুই সিয়েন পেবে; যুনি ন-দেগচ্‌ সালে ন-পেবে।”

২ রাজাবলী 20:11

সেক্কে ভাববাদী যিশাইয় লগেপ্রভুরে ডাগিলো। সেক্কে আহসর সাঙুগানত্তুন্‌ ছাবাবো যেদক্‌ পোইদ্যে লামি যেইয়্যে লগেপ্রভু সিয়োত্তুন্‌ দশ পোইদ্যে পিজেদি দিলো।

২ রাজাবলী 20:9

জোবত্‌ যিশাইয় কোইয়্যেদে, “লগেপ্রভু যে তা শমক্তান্‌ রোক্ষ্যে গুরিবো সেনত্তে তে এক্কান্‌ চিহ্নো দিবো। তুই কঅ, ছাবাবো কি দশ পোইদ্যে উজেই যেবঅ, না দশ পোইদ্যে পিজে যেবঅ?”

২ রাজাবলী 3:18

ইয়েন্‌ লগেপ্রভুর ইদু মাবুলি কাম্‌। সিয়েন্‌বাদে তে মোয়াব দেজ্‌ছানঅ তমা আঢত্‌ তুলি দিবো।

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যোহন 14:12

মুই তমারে ঘেচ্চ্যেক্‌গুরি কঙর্, কেঅ যুনি মঅ উগুরে বিশ্বেজ্ গরে সালে মুই যেদক্কানি কাম্ গোজ্যং তেয়ো সিয়েনি গুরিবো। আর মুই বাবা ইধু যাঙর্ বিলি তে ইয়েনিত্তুন্ আরঅ দাঙর্ দাঙর্ কাম্ গুরিবো।

যিহোশূয় 10:12

যেদিন্যে লগেপ্রভু ইস্রায়েলীয়গুনো আঢত্‌ ইমোরীয়গুনোরে তুলি দিলো সেদিন্যে ইস্রায়েলীয়গুনোর মুজুঙোত্‌ যিহোশূয় লগেপ্রভুরে কলঅ‌, “ও বেলান্‌, গিবিয়োন উগুরে তুই সোজা ওইনে থিয়্যে, ও চানান্‌, অয়ালোন কিজিঙোত্‌ তুই যেইনে থিয়্যে।”

যিহোশূয় 10:13

সেনত্তেই বেলান্‌ সোজা ওইনে থিয়্যেল আর চানানর্‌ লড়ানাগান্ থামেল, যেদক্কন সং ইস্রায়েলে তা শত্রুদলুনো উগুরে হেনা ন-উগুরাই। এ কধানি যাশেরর বোইবোত্‌ লেগা আঘে। সেক্কে বেলান্‌ আগাজ সংমোধ্যে যেইনে থিয়্যেই রলঅ আর বেলান্‌ ডুপ্পেগোই প্রায় পুরো এক্কো দিন দেরি অলঅ‌।