২ রাজাবলী 2:6 - Chakma Bible

⁶ ইয়েন পরেন্দি এলিয় তারে কলঅ, “তুই ইয়োত্‌ থাগ্‌; লগেপ্রভু মরে যর্দন গাঙ পারত্‌ যেবাত্তে কোইয়্যে।” জোবত্‌ তে কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা দ্বিজনে যাহ্ ধুরিলাক্‌।

২ রাজাবলী 2:6 ပူးပေါင်းရင်းမြစ်များ

পত্থম 22:6

ইয়েন কোইনে অব্রাহামে পুজ্যে-উৎসর্বত্তে দার্‌বো বোনাবো তা পুয়ো ইস্‌হাক কানাত্‌ তুলি দিইনে নিজে আগুনো পিলেবো আর ছুড়িগান্‌ নেযেল। সে পরেদি তারা দ্বিজনে একসমারে যাহ্ ধুরিলাক।

পত্থম 22:8

অব্রাহামে কলঅ, “বাবা, পুজ্যে-উৎসর্বত্তে গোজেনে নিজে ভেড়া ছঅ যুক্কুলেই দিবো।” এ কধানি কদে কদে তারা উজেই যাদন্‌।

২ রাজাবলী 2:2

এলিয় ইলীশায়রে কলঅ, “তুই ইয়োত্‌ থাক; লগেপ্রভু মরে বৈথেলত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা বৈথেলত্‌ গেলাক্‌।

২ রাজাবলী 4:30

মাত্তর্‌ পুয়োবোর্‌ মাবো কলঅ, “জেদা লগেপ্রভুর আর তঅ পরাণান নাঙে কঙর্, মুই তরে ছাড়ি ন-যেম্‌।” সেনত্তে ইলীশায় উদিনে মিলেবোর্‌ পিজে পিজে গেলঅ।

যিহোশূয় 3:15

ফসল কাবিবার পুরো সময়ানত্‌ সচরাচর্‌ যর্দন গাঙর্‌ দ্বিপারানি পানিয়ে ভাঝি যেদঅ‌। মাত্তর্ সাক্ষ্য-সুন্দুক বোইয়্যে ধর্মগুরগুনে যর্দন ইদু লুমোনার পরেন্দি তারা পানিত্‌ টেঙ্‌ দিলাক্‌ এমনে উগুরেত্তুন বেঈ এচ্চ্যে গঙার্‌ পানিগান থামেল। সে পানিগান ভালোদ্‌ দূরোত্‌ সর্তন শঅরর্‌ কায়-কুরে আদম আদামর ইদু অজল্‌ ওইনে ফুলি উদিলো; আর সেক্কে যে পানিগান অরাবার সাগর ইন্দি, অত্তাৎ নুন সাগরর্‌ ইন্দি বেঈ যার্‌ সিয়েন্‌ এক্কুবারে বন্ধ ওই গেলঅ। সেক্কে ইস্রায়েলীয়গুনে যিরীহো শঅরর্‌ ঠিগ্‌ উই পারন্দিত্তুন্‌ গাঙান্‌ পার্‌ অলাক্‌।

যিহোশূয় 3:8

তুই সাক্ষ্য-সুন্দুক্কো বুয়োই নেযেয়্যে ধর্মগুরুগুনোরে কোইদে যেনে তারা যর্দন গাঙর্‌ দুযিত্‌ লুমিনে উজেই যেইনে পানি সংমোধ্যে থিয়্যেই থান্।”

রূত 1:16

মাত্তর্‌ রূতে কলঅ, “তরে ফেলেই যেবাত্তে তুই মরে জোর্‌ ন-গুরিচ্‌, বা তঅ সমারে যেবাত্তে মরে মানা ন-গুরিচ্‌। তুই যিদু যেবে মুইয়ো সিদু যেম্‌ আর তুই যিয়েনত্‌ থেবে মুইয়ো সিয়েনত্‌ থেম্‌। তঅ‌ মানুচ্চুন্‌ অবাক্‌ মঅ‌ মানুচ্‌ আর তঅ‌ গোজেনে অবঅ মর্ গোজেন্‌।

১ শমূয়েল 1:26

হান্না কলদে, “ও মর্‌ প্রভু, তরে সাক্ষী রাগেইনে মুই শমক্‌ খেইনে কঙর্‌, মুয়ই সেই মিলেবো, যে ইদু তর্‌ মুজুঙোত্‌ ঠিয়্যেইনে লগেপ্রভুর ইদু তবনা গোজ্যে।

১ শমূয়েল 20:3

মাত্তর্‌ দায়ূদে আরঅ শমক্‌ খেইনে কলদে, “তঅ বাবে অমকদ গমেডালে হবর্‌ পাইদে, তুই মরে কোচ্‌পাচ্‌। সেনত্যেই অয়ত তে মনে মনে চিন্তে গোজ্যে, যোনাথনরে এ পৌইদ্যেনে ন-জানানা গম্‌, তে দুঃখো পেবঅ। মাত্তর্‌ জেদা লগেপ্রভুর দিব্য আর তর্‌ পরাণর দিব্য দিইনে মুই কঙর্‌, মরণান্‌ মইত্তুন্‌ বানা এক বিগোত্‌ দূরোত্‌।”