২ রাজাবলী 2:4 - Chakma Bible

⁴ ইয়েন পরেন্দি এলিয় তারে কলঅ, “ইলীশায়, তুই ইয়োত্‌ থাক্‌; লগেপ্রভু মরে যিরীহোত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণানর নাঙে কঙর্, মুই তরে ফেলেই ন-যেম্‌।” সেনত্তে তারা যিরীহোত্‌ গেলাক্‌।

২ রাজাবলী 2:4 ပူးပေါင်းရင်းမြစ်များ

১ রাজাবলী 16:34

আহাবর সময়োত্‌ বৈথেলীয় হীয়েল যিরীহো শঅরান্‌ আরঅ বানেল। নূনোর পূঅ যিহোশূয়র মাধ্যমে লগেপ্রভুর কধা মজিম্ সে শঅরানর্‌ গড়াগান্‌ গারেবাত্তে হীয়েলর দাঙর্‌ পূঅবো অবীরামত্তুন্‌ পরাণান্ দিয়্যে পড়িলো আর তার্‌ গেদোর্‌ দুয়োরান্‌ লাগেবাত্তে তা চিগোন্‌ পূঅবো সগূবত্তুন্‌ পরাণান্‌ দিয়্যে প-লঅ।

২ রাজাবলী 2:2

এলিয় ইলীশায়রে কলঅ, “তুই ইয়োত্‌ থাক; লগেপ্রভু মরে বৈথেলত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা বৈথেলত্‌ গেলাক্‌।

২ রাজাবলী 4:30

মাত্তর্‌ পুয়োবোর্‌ মাবো কলঅ, “জেদা লগেপ্রভুর আর তঅ পরাণান নাঙে কঙর্, মুই তরে ছাড়ি ন-যেম্‌।” সেনত্তে ইলীশায় উদিনে মিলেবোর্‌ পিজে পিজে গেলঅ।

লূকে লেখ্যে গম্ হবর্ 19:1

যীশু যিরীহো শঅর ভিদিরেদি যার্।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 2:42

সেই মানুচ্চুনে দিপাধেয়্যেগুনোর শিক্ষ্যেনি শুনিদাক্, তারা সমারে এক ওইনে প্রভুর হানা লদাক্ আর তবনা গুরিনে সময় কাদেদাক্।

যিহোশূয় 6:1

সে সময়োত্‌ ইস্রায়েলীয়গুনোত্তে যিরীহো শঅরর্‌ গেট্টুন্‌ দর-মর গুরি বানি দিয়্যে ওইয়্যে। সিয়েনত্তুন কনজনে নিগিলিয়ো ন-এদাক্‌ আরঅ কনজনে ভিদিরেয়ো ন-চোমেদাক্‌।

যিহোশূয় 6:26

ইয়েনর্ পরেন্দি যিহোশূয় শমক্‌ খেইনে কলদে, “এ যিরীহো শঅ‌রান যে মানুচ্চ্য আরঅ‌ তুলিবো তা উগুরে লগেপ্রভুর এ অভিশাপ্পান পুরিবো: পত্তম পূঅবোর জীংকানিগান দিইনে তে তার খুদোবো গাড়েব, আর চিগোন্‌ পূঅবোর্‌ জীংকানিগান দিইনে তা গেট্টুন্‌ তুলিবাক্‌।”

রূত 1:16

মাত্তর্‌ রূতে কলঅ, “তরে ফেলেই যেবাত্তে তুই মরে জোর্‌ ন-গুরিচ্‌, বা তঅ সমারে যেবাত্তে মরে মানা ন-গুরিচ্‌। তুই যিদু যেবে মুইয়ো সিদু যেম্‌ আর তুই যিয়েনত্‌ থেবে মুইয়ো সিয়েনত্‌ থেম্‌। তঅ‌ মানুচ্চুন্‌ অবাক্‌ মঅ‌ মানুচ্‌ আর তঅ‌ গোজেনে অবঅ মর্ গোজেন্‌।

১ শমূয়েল 1:26

হান্না কলদে, “ও মর্‌ প্রভু, তরে সাক্ষী রাগেইনে মুই শমক্‌ খেইনে কঙর্‌, মুয়ই সেই মিলেবো, যে ইদু তর্‌ মুজুঙোত্‌ ঠিয়্যেইনে লগেপ্রভুর ইদু তবনা গোজ্যে।