২ রাজাবলী 2:24 - Chakma Bible

²⁴ ইলীশায় ঘুরিনে তারার্‌ ইন্দি চেলঅ আর লগেপ্রভুর নাঙে তারারে অভিশাব্‌ দিলো। সেক্কে ঝারত্তুন্‌ দ্বিবে ভালুক্‌ নিগিলি এইনে তারাত্তুন্‌ বিয়াল্লিশজন পুয়োরে কট্টা কট্টা গুরি ফেলেল।

২ রাজাবলী 2:24 ပူးပေါင်းရင်းမြစ်များ

পত্থম 9:25

সেক্কে তে কলঅ, “কনানে অভিশাব পেইয়্যে ওক্‌ । তে তার্ ভেইয়ুনোর বেক্কুনোত্তুন্‌ তলে পোজ্যে চাগর্‌ ওক্‌।”

২ শমূয়েল 17:8

তুই দঅ হবর্‌ পাজ্, তঅ বাপ্পো আর তা মানুচ্চুনে যোদ্ধা। তারা ছঅ কাড়ি নেযেয়্যে ঝার্‌বো ভালুগো ধোক্ক্যেন্‌ দর্‌গরেপারা। সিয়েন বাদেয়ো তঅ বাপ্পো এক্কো জদবদে যোদ্ধা; তে তার সৈন্যদলুনো ভিদিরে রেত্‌ ন-কাদেদ।

১ রাজাবলী 13:24

গোজেন মানুচ্চো লট্ দিবার্‌ পরেন্দি পদথ্‌ ইক্কো সিংহ তারে পেইনে মারে ফেলেল। তা কিয়্যেগান পধঅ উগুরে পড়ি থেলঅ আর সে কিয়্যেগান কায়-কুরে থিয়্যেই রলাক্‌ সে গাধা আর সিংহবো।

১ রাজাবলী 19:17

হসায়েলর অসিগান্‌ যিগুনে বাদ দিইনে যেবাক্‌ যেহূ তারারে মারে ফেলেব আর যেহূর ছুড়িগানরে যিগুনে বাদ দিইনে যেবাক্‌ ইলীশায় তারারে মারে ফেলেব।

১ রাজাবলী 20:36

সেক্কে সে ভাববাদীবো কলঅ, “তুই লগেপ্রভুর কধালোই বাধ্য ন-অলে সেনত্তে মরে ছাড়ি যানার্‌ লগে লগে ইক্কো সিংহ তরে মারে ফেলেব।” মানুচ্চো যানার্‌ পরেন্দি ইক্কো সিংহ তারে দেগিনে মারে ফেলেল।

২ রাজাবলী 2:25

ইয়েনর্‌ পরেন্দি তে কর্মিল মুড়োবোত্‌ গেলঅ আর সিয়োত্তুন্‌ শমরিয়াত্‌ ফিরি গেলঅ।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

গম্ উপদেজ্ 17:12

যে কান্ড-জ্ঞান নেইয়্যে মানুচ্ ভুল্ কামত্ পড়ি আঘে তা সমারে দেগা অনাত্তুন্ ছঅ চুর্ ওইয়্যে ভালুগো সমারে দেগা অনা সিত্তুনো গম্।

গম্ উপদেজ্ 19:29

ঠাট্টা-মশ্‌কারি গুরিয়্যেগুনোত্তে সাজাগান্ যুক্কোল্ ওইয়্যে, আর বিবেচনা নেইয়্যে গুনোর পিঠ্‌তানিত্তে আগেদে চাবুক্।

গম্ উপদেজ্ 28:15

গুজুরি উদেদে সিংহবো আর আক্রমন গুরিয়্যে ভালুক্কো যেধোক্ক্যেন্, সেধোক্ক্যেন্ সেই পাজি মানুচ্চো যে নাঢা মানুচ্চুনোর শাজন্ গুরিয়্যে অয়।

যিরমিয় 28:16

সেনত্তে লগেপ্রভু কোইয়্যেদে, ‘মুই তরে পিত্‌থিমীর উগুরেত্তুন সোরেই দিবাত্তে যাঙর্। এ বজরত্ তুই মুরি যেবে, কিত্তে তুই লগেপ্রভুর বিরুদ্ধে উল্লোমির কধা ফগদাং গোজ্যস্।’ ”

আবিলেচ্ 3:65

তারার্ মনানি দর গর্, আর তঅ অভিশাব্‌‌‌‌পান তারা উগুরে পোড়োক্।

হোশেয় 13:8

ছঅ চুর্ ওই যেইয়্যে ভাল্লুগো ধোক্ক্যেন মুই তারারে আক্রমণ গুরিনে তারা বুগ্‌‌‌‌‌কুন ছিনি ফেলেম। সিংহ ধোক্ক্যেন মুই তারারে গিলি ফেলেম; ঝার্‌‌‌‌‌বো য়েমান ধোক্ক্যেন মুই তারারে কট্টা কট্টা গুরি ছিনি ফেলেম।

লেবীয় 26:22

মুই তমা ইধু চিৎ নপুজ্যে য়েমান পাধেই দিম। সিগুনে তমার ঝি-পূঅগুনোরে হেই ফেলেবাক্, তমারে য়েমানপালুনে শেজ্ গুরিবাক আর তমার মান্‌জ্যর সোংখ্যে কোমেই দিবাক। সেক্কে তমার পথ্‌তানি খালি পড়ি থেবঅ।

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”

মার্ক 11:14

সেনত্তে তে সে গাজ্‌চোরে কলঅ, “আর কনদিন্অ কেঅ যেন তঅ গুলোগুলিগুন ন-হান্।” শিচ্চ্যগুনে যীশুর এ কধাগান শুনিলাক্।

মার্ক 11:21

যীশুর্ কধাগান ইদোত্ তুলিনে পিতরে যীশুরে কলঅ, “মাষ্টরবাবু, চাহ্, যে ডোমোর্ গাজ্‌চোরে তুই অভিশাব্ দুয়োচ্ সিবে শুগেই যেইয়্যে।”

প্রেরিত্‌ 5:5

এ কধাগান শুনোনার্ লগে লগে অননিয় মাদিত্ পড়িনে মুরি গেলঅ। এ ঘটনাগান কধা যিগুনে শুনিলাক্ তারা বেক্কুনে অমকদ দোরেলাক্।

প্রেরিত্‌ 5:9

সেক্কে পিতরে তারে কলঅ, “প্রভুর আত্মাগানরে যগা চেবাত্যে কিত্ত্যেই তুমি একযদা অলা? চাহ্, যে মানুচ্চুনে তঅ নেক্কোরে গোর্ দুয়োন তারা দোরান কুরে এইনে লুম্মোন্দি, আর তারা তরেয়ো বারেদি নেযেবাক্।”

প্রেরিত্‌ 8:20

সেক্কে পিতরে তারে কলঅ, “তঅ টেঙাগুন্ তঅ সমারে ভস্ত ওক্‌, কিয়া তুই মনে গোজ্জ্যস্ গোজেনর দান টেঙালোই কিনে যায়।

২ করিন্হীয় 10:6

যেক্কে তুমি পুরোপুরি বাধ্যতায় এবা সেক্কেয়ো যিগুনে অবাধ্য থেবাক্ তারারে আমি সাজা দিবাত্যে যুক্কোল্ অবং।

বিচের গুরিয়্যেগুন 9:20

মাত্তর্‌ সিয়েন যুনি তুমি ন-গুরিনে থাগঅ সালে অবীমেলক ভিদিরেত্তুন যেনে আগুন নিগিলি এইনে তমার, অত্তাৎ শিখিমোর আর বৈৎ-মিল্লোর মানুচ্চুনোরে পুড়ি ফেলায়; আর তমার্‌, অত্তাৎ শিখিমোর আর বৈৎ-মিল্লোর মানুচ্চুনো ভিদিরেত্তুনঅ যেনে আগুন নিগিলি এইনে অবীমেলকরে পুড়ি ফেলায়।”

বিচের গুরিয়্যেগুন 9:57

শিখিমোর মানুচ্চুনে যেদক্কানি অন্যেয় গোজ্যন্ তার পাওনা সাজা গোজেনে তারারেয়ো দিলো। ইঙিরিনে যিরুব্বালর পূঅ যোথমর ব-নিঝেচ্‌সো তারা উগুরে পড়িলো।