২ রাজাবলী 2:23 - Chakma Bible

²³ ইলীশায় সিয়োত্তুন্‌ বৈথেলত্‌ গেলঅ। পধেন্দি যেবার্‌ অক্তত্‌ শঅরত্তুন্‌ ভালোক্কুন্‌ পুয়ো নিগিলি এইনে তারে ঈচ্ গুরিনে কুয়ো ধুরিলাক্‌, “ও টাক্‌কুলো, টাক্‌কুলো, উগুরে উঠ্‌তোই।”

২ রাজাবলী 2:23 ပူးပေါင်းရင်းမြစ်များ

পত্থম 21:9

সারা দেগিলোদে, মিশরীয় হাগার পেদত্‌ অব্রাহামর যে গুরোবো জর্মেয়্যে তে ইস্‌হাকরে নিইনে তামাজা গরের্‌।

২ রাজাবলী 2:11

তারা কধা কদে কদে আদদন্‌ এন্‌ সময়োত্‌ অদাদৎ এক্কান্‌ আগুনো রথ আর আগুনোর কয়েক্কো ঘোড়া এইনে তারার্‌ দ্বিজনরে ফারগ্ গুরি দিলো আর এলিয় এক্কান্‌ থুট্ট্যেবোইয়্যেরলোই স্বর্গত্‌ গেলগোই।

২ রাজাবলী 2:2

এলিয় ইলীশায়রে কলঅ, “তুই ইয়োত্‌ থাক; লগেপ্রভু মরে বৈথেলত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা বৈথেলত্‌ গেলাক্‌।

২ রাজাবলী 2:22

ইলীশায় কধামজিম্‌ এজঅ সং সে পানিগান গম্‌ আঘে।

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

ইয়োব 19:18

এমন্‌ কি, চিগোন্‌ ঝি-পুঅগুনেয়ো মরে ঘিনেন্; মুই থিয়্যেলে তারা মরে ঠাট্টা-তামাজা গরন্‌।

ইয়োব 30:1

মাত্তর ইক্কিনে যিগুনে মত্তুন্ বয়জে চিগোন্ তারা মরে ঈচ্ গরন্; তারা বাপ্পুনোরে মুই ভেড়া পাল্ চুগিদিয়্যে কুগুরুনো সমারে রাগাদেয়ো ঘিনেম্।

গীতসংহিতা 31:17

ও লগেপ্রভু, মুই দঅ তরে ডাক্কোং, তুই মরে লাজত্ পড়িবাত্তে ন-দিচ্; পাজি মানুচ্চুনে বরং লাজত্ পোড়োদোক্, তারা জুরো গুরিনে মরণর জাগানত্ পড়ি থাদোক্।

গীতসংহিতা 31:18

বার্‌বো আর ঘিনাইদে মনভাবপোই যিগুনে গোজেন ভক্তগুনো বিরুদ্ধে অসর্মানর কধা কন্, তারার্ মিজেকধালোই ভরা মুয়োনি নাঢা যোক্।

গীতসংহিতা 35:15

মাত্তর্ মুই যেক্কেনে উজোত্ হেলুং সেক্কেনে তারা হুজি ওইনে একযদা অলাক্। সে আক্রমণ গুরিয়্যেগুনে মুই হবর্ ন-পেইয়্যেগুরি মঅ বিরুদ্ধে একযদা অলাক্। তারা মরে আমিঝে গিয়েল্ দিয়্যে ধুরিলাক্।

গম্ উপদেজ্ 20:11

হার্‌কোজ্যে গাবুজ্যে-গাবুরীগুনোর কামানি দোল্ আর ঠিগ্ ওক্ বা ন-ওক্, সে কামানিলোই তারা নিজোরে পরিচয় দিবাক্।

গম্ উপদেজ্ 22:15

ঝি-পুয়োগুনো মনত্ ভুলানি যেন ন-থায়, মাত্তর্ শাজনর্ লাদিবো তাত্তুন্ দূর্ গুরি দে।

গম্ উপদেজ্ 22:6

ঝি-পুয়োগুনোর দরকার মজিম্ তারারে শিক্ষ্যে দুয়ো, তে বুড়ো ওই গেলেয়ো সিয়েনত্তুন্ সুরি ন-যেবঅ।

উপদেশক 11:10

সেনত্তে তঅ মনানত্তুন্ হুজ্‌তেরিগানি দূর্ গুরি দে, আর তঅ কিয়্যেগানরে দুঘ্ পেবাত্তে ন-দিচ্, কিত্তে গাবুরো জিংকানিগান্ আর বলান্ জনমত্তে নয়।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 3:5

মানুচ্ মান্‌জ্যরে, পাড়াল্যে পাড়াল্যেরে অত্যেচার গুরিবাক্; চিগোনুনে বুড়োগুনো বিরুদ্ধে উদিবাক্, আর নাঢা মানুচ্চুনে সর্মান পেইয়্যে মানুচ্চুনো বিরুদ্ধে উদিবাক্।

যিরমিয় 20:7

ও লগেপ্রভু, তুই মরে ভুলেয়োচ্ বিলিনে মর্ এ অবস্থা ওইয়্যে; তুই মত্তুন বেশ্ খেমতাবলা বিলিনে তুই জিত্যস্। মুই সারা দিন ঈচ্ গরা হেইয়্যে মানুচ্ ওইয়োং; বেক্কুনে মরে ঈচ্ গরন।

যিরমিয় 20:8

যেদকবার মুই কধা কং সেদকবার অমকদ খেতি গরানা আর ভস্ত অনার্ কধা রঅ ছাড়িনে ফগদাং গরং। সেনত্তে লগেপ্রভুর কধানিত্তে সারা দিন মত্তুন অগমান আর অমকদ ইংসে গরা অয়।

যিরমিয় 7:18

পুয়ো-ছাগুনে দার্‌বো কুড়োন, বাব্‌‌‍‌‍পুনে আগুন জ্বালান্ আর মিলেগুনে মোয়দ্যে মেগন্ আর আগাজ-রানির নাঙে পিধে বানান্। মরে দুঘ্ দিবাত্তে তারা দেব-দেবেদার নাঙে ঢাল্যে-উৎসর্বর অনুষ্ঠান গরন।

হোশেয় 10:15

ও বৈথেল, তঅ উগুরে সেবাবোত্যে ঘুদিবো, কিত্যে তঅ পাজিগান অমকদ বেশ্। বেন্যে পহ্‌‌‌‌‌‌র অলে ইস্রায়েলর্ রাজারে পুরোপুরিগুরি ভস্ত গুরি ফেলা অবঅ।

হোশেয় 10:5

শমরিয়াত্ বজত্তিগুরিয়্যে মানুচ্চুনে বৈৎ-আবনর গোরু ছঅ-মূত্তিবোত্তে দোরেয়োন্। তা মানুচ্চুনে আবিলেচ্ গত্তন্ আর তার্ মূত্তিপূজো গুরিয়্যে ধর্মগুরুগুনে আবিলেচ্ গত্তন্, কিত্যে সেই মূত্তিবোর্ সয়-সাগোজ্যে তারাত্তুন্ দূর্ গরা ওইয়্যে।

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

লেবীয় 13:40

যুনি কনঅ মান্‌জ্যর্‌ চুল উগুরি যেইনে মাঢাত্‌ টাক্‌ পড়ে ছালে তে ফিবলা ন-অবঅ।

আমোষ 3:14

মুই পাপত্তে ইস্রায়েলরে যেদিন্যে সাজা দিম্ সেদিন্যে বৈথেলর্ পূজোগুন ভাঙি ফেলেম; সেক্কে পূজোর্ শিঙুন্ ভাঙিনে মাদিত্ পড়িবাক্।

আমোষ 4:4

তুমি যেক্কে বৈথেলত্ যেইনে পাপ গুরিবাত্তে চর্ সেক্কে যঅ, পাপ গরঅ; গিল্‌‌‌গলত্ যেইনে আরঅ বেশ্ গুরি গরঅ। পত্তিদিন বেন্যেমাদান্ তমা উৎসর্বর জিনস্‌চানি আর পত্তি তিন দিনোর্ দিন তমা দশ ভাগর্ এক ভাগ জিনিস নেযঅ।‌‌‌‌

আমোষ 5:5

তুমি বৈথেলত্ বা গিল্‌‌গলত্ বা বের্-শেবাত্ ন-যেয়ো, কিত্যে গিল্‌‌গল মানুচ্চুনে হামাক্কায় বন্দী ওইনে অন্য দেজত্ যেবাক্ আর বৈথেলর্ সর্বনাশ অবঅ।”

আমোষ 7:13

বৈথেলত্ আর ভাববাদী ইজেবে কধা ন-কোচ্, কিত্যেই ইয়েন রাজার উবোসনার্ জাগা আর রাজঘর।”

গালাতীয় 4:29

মাত্তর্ সেই সময়োত্ যিবের্ এনেবাদে জর্ম ওইয়্যে তে পবিত্র আত্মায় জর্ম ওইয়্যে মানুচ্চোরে অত্যেচার্ গোজ্জ্যে। আর ইক্কিনিয়ো সিয়েন অর্।

ইব্রীয় 11:36

আরঅ অন্যগুনে ঠাট্টা-তামাজা আর ভারী মারপিঠ্, এন্‌ কি, আঢ্‌কড়া আর জেল্ খাদানা সং সোজ্জ্য গোজ্জ্যন্।