২ রাজাবলী 2:20 - Chakma Bible

²⁰ ইলীশায় কলঅ, “তুমি মইদু এক্কো নূয়ো পিলে আনিনে সিয়োত্‌ এক্কেনা নুন্‌ রাগঅ।” সেক্কে তারা তাইদু নুনান্‌ আনিলাক্‌।

২ রাজাবলী 2:20 ပူးပေါင်းရင်းမြစ်များ

২ রাজাবলী 2:19

একদিন্যে সে শঅর মানুচ্চুনে ইলীশায়রে কলাক্‌, “ও আমা গিরোজ্‌, তুই দঅ দেগর্‌ এ শঅর জাগায়ান্‌ অমকদ দোল্‌, মাত্তর্‌ এ পানিগান গম্‌ নয় আর ভূইয়ানির কারনে পেদঅ ভিদিরে পুয়ো-ছাগুন বর্‌বাদ্ যান্‌।”

২ রাজাবলী 2:21

ইলীশায় সেক্কে পানি পয়নালাবোর্‌ ইদু যেইনে সিয়েনত্‌ সে নুনান্‌ ফেলে দিইনে কলঅ, “লগেপ্রভু কোইয়্যেদে, ‘মুই এ পানিগান গম্‌ গুরি দুয়োং। এ পানিগান আর কাররে মারে ন-ফেলেব আর পুয়ো-ছাগুনো বর্‌‌বাদ্ ন-অবাক্‌।’”

যিহিষ্কেল 47:11

মাত্তর্ পানি জাগা আর বিলো পানি মিদে ন-অবঅ; সিয়েনি নুনোত্তে থেবঅ।

বিচের গুরিয়্যেগুন 9:45

পুরো দিন্নো আক্রমণ চালেইনে অবীমেলকে শঅ্‌রান গজক্‌ গুরি নেযেনেই সে জাগার মানুচ্চুনোরে মারে ফেলেল। সে পরেন্দি শঅ্‌রান ভস্ত গুরিনে সিয়েন উগুরে তে নুন ছিদি দিলো।