২ রাজাবলী 2:2 - Chakma Bible

² এলিয় ইলীশায়রে কলঅ, “তুই ইয়োত্‌ থাক; লগেপ্রভু মরে বৈথেলত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা বৈথেলত্‌ গেলাক্‌।

২ রাজাবলী 2:2 ပူးပေါင်းရင်းမြစ်များ

পত্থম 28:19

তে জাগাগান নাঙান্‌ দিলো বৈথেল (যিয়েন ভেদ্‌তান্ “গোজেন ঘর”)। এ জাগায়ান ইদু শঅরানর্ পুরোণি নাঙান এলদে লূস।

১ রাজাবলী 12:28

রাজা যারবিয়ামে সেক্কে সুল্লুক্‌ গুরিনে দ্বিবে সোনার্‌ গোরু ছঅ বানেল। সে পরেন্দি তে মানুচ্চুনোরে কলদে, “যিরূশালেমত্‌ যানা তমাত্তে অমকদ দুগোর্‌ কধা। ও ইস্রায়েল, ইগুনে তমার্‌ দেবেদা, ইগুনে মিসর দেজত্তুন্‌ তমারে নিগিলেই আন্যন্‌।”

১ রাজাবলী 12:29

গোরু ছঅ দ্বিবেত্তুন্‌ ইক্কোরে তে রাগেলদে বৈথেলত্‌ আর অন্যবোরে রাগেলদে দানত্‌,

১ রাজাবলী 12:33

আস্‌তো মাজর্‌ পন্দর দিনোর্‌ দিন্নোত্‌ বৈথেলত্‌ তার বানেয়্যে ডালিপূজোবোত্‌ তে এ্যমান্‌ উৎসর্ব গুরিলো। সময়ান তার নিজোর্‌ বেঈ নেযেয়্যে। এবাবোত্যেগুরি তে ইস্রায়েলীয়গুনোত্তে পরবর্‌ বেবস্থা গুরিলো আর এ্যমান্‌ উৎসর্ব গুরিবাত্তে ডালিপূজোত্‌ উদিলো।

২ রাজাবলী 2:23

ইলীশায় সিয়োত্তুন্‌ বৈথেলত্‌ গেলঅ। পধেন্দি যেবার্‌ অক্তত্‌ শঅরত্তুন্‌ ভালোক্কুন্‌ পুয়ো নিগিলি এইনে তারে ঈচ্ গুরিনে কুয়ো ধুরিলাক্‌, “ও টাক্‌কুলো, টাক্‌কুলো, উগুরে উঠ্‌তোই।”

২ রাজাবলী 2:4

ইয়েন পরেন্দি এলিয় তারে কলঅ, “ইলীশায়, তুই ইয়োত্‌ থাক্‌; লগেপ্রভু মরে যিরীহোত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণানর নাঙে কঙর্, মুই তরে ফেলেই ন-যেম্‌।” সেনত্তে তারা যিরীহোত্‌ গেলাক্‌।

২ রাজাবলী 2:6

ইয়েন পরেন্দি এলিয় তারে কলঅ, “তুই ইয়োত্‌ থাগ্‌; লগেপ্রভু মরে যর্দন গাঙ পারত্‌ যেবাত্তে কোইয়্যে।” জোবত্‌ তে কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা দ্বিজনে যাহ্ ধুরিলাক্‌।

২ রাজাবলী 4:30

মাত্তর্‌ পুয়োবোর্‌ মাবো কলঅ, “জেদা লগেপ্রভুর আর তঅ পরাণান নাঙে কঙর্, মুই তরে ছাড়ি ন-যেম্‌।” সেনত্তে ইলীশায় উদিনে মিলেবোর্‌ পিজে পিজে গেলঅ।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

১ শমূয়েল 1:26

হান্না কলদে, “ও মর্‌ প্রভু, তরে সাক্ষী রাগেইনে মুই শমক্‌ খেইনে কঙর্‌, মুয়ই সেই মিলেবো, যে ইদু তর্‌ মুজুঙোত্‌ ঠিয়্যেইনে লগেপ্রভুর ইদু তবনা গোজ্যে।

১ শমূয়েল 17:55

দায়ূদরে সেই পলেষ্টীয়গুনোর লগে যুদ্ধো গুরিবাত্তে যাদে দেগিনে শৌল তার সেনাপতি অব্‌নেরকরে কোইয়্যেদে, “আচ্ছা অব্‌নের, এই গাবুজ্যেবো কার্ পূঅ?” জোবত্‌ অবনেরে কলদে, “মহারাজ্, তর্‌ পরাণানরে শমক্‌ খেইনে কঙর্‌, মুই হবর্‌ ন-পাং।”

১ শমূয়েল 25:26

“ও মর্‌ প্রভু, জেদা লগেপ্রভুর নাঙে কঙর্ আহ্‌ তর্‌ পরাণানর্‌ নাঙে কঙর্, তর্‌ শত্রুগুনোরে আর যিগুনে তর্‌ ক্ষেতি গুরিবাত্তে চায় তারার্‌ দজাগান নাবল ধেক্ক্যেন্‌ অবঅ, কিত্যে লগেপ্রভু তরে লো জোরোবাত্তে ন-দে আর নিজোর্‌ আদে হেনা সুজিবাত্তে ন-দে।