২ রাজাবলী 2:15 - Chakma Bible

¹⁵ যিরীহোর যে ভাববাদী সমাজ্যেগুনে সিয়েনত্‌ থিয়্যেই এলাক্‌ তারা ইলীশায়রে দেগিনে কলাক্‌, “এলিয়োর আত্মাগানে ইলীশায় উগুরে বিশ্বেজ্ গোজ্যে।” তারা ইলীশায়র লগে দেগা গুরিবাত্তে গেলাক্‌ আর তা মুজুঙোত্‌ মাদিত্‌ মাধাবো লোঙেইনে সালাম গুরিনে কলাক্,

২ রাজাবলী 2:15 ပူးပေါင်းရင်းမြစ်များ

১ রাজাবলী 19:16

ইয়েনবাদেয়ো নিম্‌শির নাদিন্‌ যেহূরে ইস্রায়েলর রাজার পদথ্‌ অভিষেগ্ গর্‌, আর তঅ পথ্‌তানত্‌ ভাববাদী অবাত্তে আবেল-মহোলার শাফটের পূঅ ইলীশায়রে অভিষেগ্ গর্‌।

১ রাজাবলী 20:35

লগেপ্রভুর উগুমে শিচ্চ্য-ভাববাদীগুনো ভিদিরে একজনে তা সমাজ্যেবোরে কলঅ, “দোয়্যে গুরিনে মরে আঘাত্‌ গর্‌।” মানুচ্চো সেক্কে রাজী ন-অলঅ।

২ রাজাবলী 2:19

একদিন্যে সে শঅর মানুচ্চুনে ইলীশায়রে কলাক্‌, “ও আমা গিরোজ্‌, তুই দঅ দেগর্‌ এ শঅর জাগায়ান্‌ অমকদ দোল্‌, মাত্তর্‌ এ পানিগান গম্‌ নয় আর ভূইয়ানির কারনে পেদঅ ভিদিরে পুয়ো-ছাগুন বর্‌বাদ্ যান্‌।”

২ রাজাবলী 2:7

এলিয় আর ইলীশায় যর্দন গাঙ পারত্‌ যেইনে থামেলাক্ আর তারাত্তুন্‌ কিজু দূরোত্‌ পঞ্চাশজন ভাববাদী সমাজ্যে এইনে থিয়েলাক্।

২ রাজাবলী 4:37

মিলেবো ঘরত্‌ সোমেইনে তা টেঙত্‌ পড়িলো আর মাদিত্‌ মাধা নিগিরিনে তারে সালাম গুরিলো। সে পরেন্দি তা পুয়োবোরে লোইনে তে নিগিলি গেলঅ।

২ রাজাবলী 5:22

জোবত্‌ গেহসি কলঅ, “বেক্কানি ঠিগ্‌ আঘে। মাত্তর্‌ মঅ গিরোজ্‌সো তরে এ কধাগান কবাত্তে মরে পাদেয়্যে, ইফ্রয়িমর মুড়ো-মুড়ি চাগালাত্তুন্‌ শিচ্চ্য-ভাববাদীগুনোর্‌ দ্বিজন গাবুজ্যে ইক্কিনে তাইদু এচ্ছোন্‌। সেনত্তেই তুই যেনে দোয়্যে গুরিনে তারাত্তে ঊনচোল্লিশ কেজি রূবো আর দ্বিতান কাবড় দুয়োচ্‌।”

২ রাজাবলী 9:1

ইলীশায় শিচ্চ্য-ভাববাদীগুনো ভিদিরেত্তুন্‌ একজনরে ডাগিনে কলঅ, “তঅ কাবড়ান্‌ তঅ কমর্‌-বিজোনিগানত্‌ গুজেই লঅ আর এ তেল শিজিরিবো লোইনে তুই রামোৎ-গিলিয়দত্‌ যাহ্।

যিশাইয় 11:2

তা উগুরে থেবদে লগেপ্রভুর আত্মাগান্, জ্ঞান আর বুঝিবার আত্মাগান্, সল্লা আর খেমতার আত্মাগান্, বুদ্ধি আর লগেপ্রভু উগুরে ভোক্তিবলা দর্ গরানার আত্মা।

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

আমোষ 7:14

জোবত্ আমোষে অমৎসিয়রে কোইয়্যেদে, “মুই ভাববাদীয়ো ন-এলুং, ভাববাদীর শিচ্চ্যয়ো ন-এলুং; আজলে মুই এক্কো গরক্, আর মুই ডোমোর গাজরে দেগাশুনোয়ো গুরিদুং।

গণাণা 27:20

তরে যে খেমতাগান্‌ দিয়্যে ওইয়্যে সিয়েনর্‌ কিজু তুই তা আদত্‌ দে যেনে ইস্রায়েলীয়গুনে বেক্কুনে তারে মানন্‌।

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

২ করিন্হীয় 12:9

মাত্তর্ তে মরে কোইয়্যেদে, “মর্ দোয়্যেগান্ তর্ পক্ষে যদেষ্ট; কিয়া বল্‌পোজ্জ্যেগানর্ মাধ্যমে মর্ বলান্ পুরোপুরি গুরিনে ফগদাং অয়।” সেনত্যে মর্ বল্‌গোজ্জ্যেগান পৌইদ্যেনে মুই অমকদ হুজি ওইনে বাড়্ গুরিম, যেন খ্রীষ্টর্ খেমতাগান্ মঅ উগুরে থায়।

যিহোশূয় 3:7

সেক্কে লগেপ্রভু যিহোশূয়রে কলঅ‌, “এচ্চ্যেত্তুন ধুরি বেক্‌ ইস্রায়েলীয়গুনোর চোগোত্‌ মুই তঅ সর্মানান্‌ বাড়েবাত্তে আরাম্ভ গুরিম্‌, যেনে তারা বুঝি পারন্‌, মুই যেধোক্ক্যেন গুরি মোশি লগে এলুং সেধোক্ক্যেন তঅ‌ লগেয়ো আগঙ্‌।

যিহোশূয় 4:14

সেদিন্যে লগেপ্রভু বেক্‌ ইস্রায়েলীয়গুনোর চোগোত্‌ যিহোশূয়রে সর্মান গুরিলো। সিয়েনত্তে মানুচ্চুনে মোশি ধোক্ক্যেন্‌ গুরিনে যিহোশূয়র পুরো জীংকানিগান ধুরিনে তারে ভোক্তি গুরিলাক্‌।

১ পিতর 4:14

তুমি যুনি খ্রীষ্টত্যে অগমান্‌অ অ সালে তুমি বর্‌পেইয়্যে, কিয়া গোজেনর্ মহিমাবলা আত্মাগান তমা উগুরে আঘে।

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।