২ রাজাবলী 2:1 - Chakma Bible

¹ লগেপ্রভু যেক্কেনে এক্কান্‌ থুট্ট্যে বোইয়্যের্‌লোই এলিয়রে স্বর্গত্‌ তুলি নিবাত্তে চেলঅ সেক্কেনে এলিয় আর ইলীশায় গিল্‌গলত্তুন্‌ নিগিলি এলাক্।

২ রাজাবলী 2:1 ပူးပေါင်းရင်းမြစ်များ

পত্থম 5:24

ইয়েনর পরেদি তারে আর্‌ দেগা ন-গেলঅ। গোজেন লগে তার উদো-লোলি এলঅ বিলিই গোজেনে তারে নিজো ইধু নেযেল।

১ রাজাবলী 18:12

মুই তরে ফেলেই গেলে লগেপ্রভুর আত্মাগান্‌ তরে অন্য কন্‌ জাগাত্‌ নেযেব যিয়েন্‌ মুই হ্‌বর ন-পাং। মুই যেইনে আহাবরে কনার্‌ পরেন্দি যুনি তে তরে তোগেইনে ন-পাই সালে তে মরে মারে ফেলেব। মাত্তর্‌ চিগনত্তুন্‌ ধুরি তঅ চাগর্‌ মুই লগেপ্রভুরে ভোক্তি গুরিনে দোরেনেই এজঙর্‌।

১ রাজাবলী 19:11

সেক্কে লগেপ্রভু কলঅ, “তুই বারেন্দি যেইনে মুড়োবো উগুরে মঅ মুজুঙোত্ থিয়্যে।” সে অক্তত্‌ লগেপ্রভু সে পথ্‌তানন্দি যার্‌, আর তা মুজুঙোন্দি এক্কান জদবদে দরমর বোইয়্যের্‌ মুড়োগুনোরে চিরিনে দ্বিভাগ গুরিলো আর বেক্ পাত্তরুন ভাঙিনে কট্টা কট্টা গুরিলো, মাত্তর্‌ সে বোইয়্যেরান ভিদিরে লগেপ্রভু ন-এলঅ। সে বোইয়্যেরান পরেন্দি এক্কান্‌ ভূজোল্‌ বেলঅ, মাত্তর্‌ সে ভূজোলান ভিদিরেয়ো লগেপ্রভু ন-এলঅ।

১ রাজাবলী 19:4

মাত্তর্‌ তে নিজে ধূল্যেচর-চাগালা ভিদিরে একদিনো পথ উজেই গেলঅ। সিদু ইক্কো রোতম গাজর্‌ তলে বোইনে মুরিবাত্তে তবনা গুরিলো। তে কলঅ, “ও লগেপ্রভু, যদবদে ওইয়্যে। এবেরা তুই মঅ পরাণান্‌ নেযা; মুই দঅ মঅ পূরোণি মানুচ্চুনোত্তুন্‌ বেশ্‌ গম্‌ নয়।”

২ রাজাবলী 1:18

অহসিয়োর অন্য বেক্‌ কাম কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 2:11

তারা কধা কদে কদে আদদন্‌ এন্‌ সময়োত্‌ অদাদৎ এক্কান্‌ আগুনো রথ আর আগুনোর কয়েক্কো ঘোড়া এইনে তারার্‌ দ্বিজনরে ফারগ্ গুরি দিলো আর এলিয় এক্কান্‌ থুট্ট্যেবোইয়্যেরলোই স্বর্গত্‌ গেলগোই।

২ রাজাবলী 4:38

ইলীশায় গিল্‌গলত্‌ ফিরি গেলঅ। সেক্কে সে চাগালাত্‌ ভাদঅ রাত্‌ চলের্‌। একদিন্যে একদল শিচ্চ্য-ভাববাদীয়্যে তা লগে বুয়োই এলাক্‌। সেক্কে তে তা চাগর্‌বোরে কলঅ, “দাঙর্‌ পিলেবো ধোইনে ইগুনোত্তে কিজু তোন্‌ রানঅ।”

ইয়োব 38:1

সেক্কে লগেপ্রভু ঝড়র্ মাধ্যমে ইয়োবরে জোব্ দিলো। তে কলঅ,

লূকে লেখ্যে গম্ হবর্ 9:51

যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো।

প্রেরিত্‌ 1:9

এ কধানি কনার্ পরেদি শিচ্চ্যগুনো চোগো মুজুঙোত্ যীশুরে তুলি নেযা অলঅ আর তে এক্কান্ মেঘঅ আন্দলে গেলগোই।

ইব্রীয় 11:5

বিশ্বেজত্যে হনোকে মুরি ন-যায়; তারে স্বর্গত্ তুলি নেযা ওইয়্যে। গোজেনে তারে নেযেয়্যে বিলিনে তারে তোগেই পাহ্ ন-যায়। হনোকরে নেযেবার আগে গোজেনে এ সাক্ষ্যগান দিয়্যেদে যে, হনোকে তারে হুজী গোজ্জ্যে।

যিহোশূয় 4:19

বজরর্‌ পত্তম মাজর দশ দিনোত্‌ মানুচ্চুনে যর্দনত্তুন উদি এইনে যিরিহোর পুগ দুযিত্‌ গিল্‌গলত্‌ যেইনে তাম্বুল্‌ ফেলেলাক,

যিহোশূয় 5:9

ইয়েনর্ পরেন্দি লগেপ্রভু যিহোশূয়রে কলঅ‌, “মিসরত্‌ তমার যে অসর্মানান্‌ এলঅ‌ সিয়েন এচ্ছ্যে তমা ইত্তুন্‌ দূর গুরি দিলুং।” সেনত্তেই এজঅ‌ সে জাগায়ানরে গিল্‌গল বিলিনে কন্‌।

ফগদাং পেইয়্যে 11:12

যেরেদি সেই দ্বিজন সাক্ষী স্বর্গত্তুন্ দাঙর্ গুরি কোইয়্যে এ কধাগান শুনিলাক্, “ইধু উদি এজঅ।” সেক্কে তারা তারার্ শত্রুগুনোর চোগো মুজুঙোত্ এক্কান মেঘত্ গুরিনে স্বর্গত্ উদি গেলাক্।