২ রাজাবলী 19:34 - Chakma Bible

³⁴ মুই মর্‌ আর মঅ চাগর্‌ দায়ূদত্তে এ শঅরান্‌ ঘিরি রাগেইনে সিয়েন্‌ রোক্ষ্যে গুরিম্‌।’ ”

২ রাজাবলী 19:34 ပူးပေါင်းရင်းမြစ်များ

১ রাজাবলী 15:4

তো দায়ূদো কধানি মনত্‌ ন-পড়িনে তা গোজেন্‌ লগেপ্রভু তারে যিরূশালেমত্‌ ইক্কো মানেক্‌ দিলো, অত্তাৎ তার সিংহাসনত্‌ বুজিবাত্তে তারে ইক্কো পূঅ দিলো আর যিরূশালেমানরে ভস্ত অনার্ আঢত্তুন্‌ রোক্ষ্যে গুরিলো,

২ রাজাবলী 20:6

তঅ আয়ুগান্‌ আরঅ পনর বজর্‌ বাড়ে দিলুং। আর আসিরিয়ার রাজা আঢত্তুন্‌ মুই তরে আর এ শঅরান্‌ উদ্ধোর্‌ গুরিম্‌। মত্তে আর মঅ চাগর্‌ দায়ূদত্তে মুই এ শঅরান্‌ রোক্ষ্যে গুরিম্‌।’ ”

২ রাজাবলী 8:19

তো লগেপ্রভু নিজোর্‌ চাগর্‌ দায়ূদো কধানি মনত্‌ গুরিনে যিহূদারে ভস্ত গুরিবাত্তে ন-চেলঅ, কিত্তে তে দায়ূদ আর তা বংশধরুনোরে জিংকানিবর্‌ এক্কো চেরাগ দিবো বিলিনে শমক্‌ খেইয়্যে।

যিশাইয় 31:5

পেখ্‌কুনে যেধোক্ক্যেন বাহ্‌বো উগুরে উড়োন্, বেগত্তুন্ খেমতাবলা লগেপ্রভু সেধোক্ক্যেন গুরি যিরূশালেমানরে ঢাগি রাগেব। তে তারে ঢাগি রাগেব আর উদ্ধোর্ গুরিবো, আর তা উগুরেদি যেইনে তারে রোক্ষ্যে গুরিবো‍‍।”

যিশাইয় 38:6

আসিরিয়ার্ রাজার আঢত্তুন্ মুই তরে আর এ শঅরানরে উদ্ধোর্ গুরিম আর শঅরানরে রোক্ষ্যে গুরিবার বেবস্থা গুরিম।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 48:11

মুই যিয়েনি গরং সিয়েনি মর্ নিজোত্তে, বানা মর্ নিজোত্তে গরং। মর্ নিজোর বাঈনী ন গরানাগান্ মুই কেধোক্ক্যেন গুরি অবাত্তে দি পারং? মর্ বাঈনীগান্ মুই অন্যরে পেবাত্তে দি ন-পারং।

যিশাইয় 48:9

মর্ নিজো সুনাঙত্তেই মঅ রাগ্‌কানরে মুই দোঙেই রাগেয়োং; মরে বাঈনী গুরিবাত্তে মুই সিয়েন মানা গুরি রাগেয়োং যেনে তমারে শেজ্ গুরি ফেলা ন-অয়।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 33:21

সালে মর্ চাগর দায়ূদোত্তে আর মঅ মুজুঙোত্ থিয়্যেইনে যিগুনে সেবা-কাম গরন সেই লেবীয় ধর্মগুরুগুনোত্তে মুই যে সুদোমান থিদেবর্ গোজ্যং সিয়েন্‌অ ভাঙা যেবঅ আর দায়ূদোর সিংহাসনত্ বুজিনে রাজাগিরি গুরিবাত্তে তার কনঅ বংশধর ন-থেবাক্।

যিরমিয় 33:26

সেবাবোত্যে যাকোব আর মর্ চাগর দায়ূদোর বংশধরুনোত্তে মর্ সুদোমান ঠিগ্ থেবঅ আর অব্রাহাম, ইস্‌হাক আর যাকোবর বংশধরুনো উগুরে রাজাগিরি গুরিবাত্তে মুই দায়ূদোর বংশধরুনোরে এলাফেলা ন-গুরিম। মুই হামাক্কায় তারার অবস্থাগান ফিরেম আর তারা উগুরে মেয়্যে গুরিম।”

যিহিষ্কেল 36:22

সেনত্তে তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, ও ইস্রায়েলীয়গুন, মুই যে তমাত্তে এ কামান্ গুরিবাত্তে যাঙর্ সিয়েন নয়, মাত্তর্ মর্ সেই পবিত্র নাঙানর্ কারনে গুরিম। তুমি যিদুক্কুন জাদ ভিদিরে যেইয়ো সিদু এই নাঙান্ অপবিত্র গোজ্য।

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

সখরিয় 9:8

আক্রমনগুরিয়্যে সৈন্যদল আঢত্তুন্ মুই মঅ মানুচ্চুনোরে রোক্ষ্যে গুরিম। কনঅ অত্যেচারী আর কনদিন্‌অ মঅ মানুচ্চুনো ইধু ন-এবাক্, কিত্যেই ইক্কিনে মুই চুগি দুয়োঙর্।

ইফিষীয় 1:14

যিগুনে গোজেনর্ নিজোর্ সোম্বোত্তি তারারে তে এক্কান অধিকার দিবার্ এগেম্ গোজ্জ্যে। তারারে যেদক্ বিলোন সং উদ্ধোর্ গরা ন-অয় সেদক বিলোন সং সেই অধিকারর্ পত্তম ভাগ্ ইজেবে পবিত্র আত্মাগানরে তারারে দিয়্যে ওইয়্যে। আর ইয়েনি বেক্কানির্ মাধ্যমে গোজেনর্ মহিমার্ বাঈনী গরা অবঅ।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

দ্বি’লম্বর বিররণ 32:27

মাত্তর্‌ মুই হবর্ পেদুং ইয়েনত্‌ শত্রুগুনে বাড়্‌বো দেগেবাক্ আর ন-বুঝিনে কবাক্কে, তারা জিত্তোন্; লগেপ্রভু ইয়েনি কিচ্চু ন-গরে।”