২ রাজাবলী 19:3 - Chakma Bible

³ তারা যিশাইয়রে কলাক্‌, “হিষ্কিয় কত্তে, এচ্ছ্যে দিন্নো অলঅ দুগোর্‌, সাজা পেবার্‌ আর অসর্মান দিন। আমা কান্ডগান্ এমন্‌ ওইয়্যে যেন পুয়োগুন জর্ম অবার্‌ অক্ত ওইয়্যে মাত্তর্‌ ফুদেবার্‌ বলান্‌ নেই।

২ রাজাবলী 19:3 ပူးပေါင်းရင်းမြစ်များ

২ রাজাবলী 18:29

রাজা কোইয়্যেদে, হিষ্কিয় যেনে তমারে ন-ঠগায়। তে তা আঢত্তুন্‌ তমারে রোক্ষ্যে গুরি ন-পারিবো।

২ রাজাবলী 19:2

তে রাজঘরর্‌ পরিচালক ইলিয়াকীম, রাজার লিগিয়্যে শিব্‌ন আর ধর্মগুরু-নেতাগুনোরে বস্তার্‌ সিলুম্‌ উজ্যে অবস্থায় আমোসর পুয়ো ভাববাদী যিশাইয়ো ইদু পাধেই দিলো।

২ রাজাবলী 19:4

আসিরিয়ার রাজা জেদা গোজেনরে ঠাট্টা-তামাজা গুরিবাত্তে রব্‌শাকিরে পাদেয়্যে মাত্তর্‌ তর্‌ গোজেন্‌ লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্‌ তারাত্তে তুই তবনা গর্‌।”

গীতসংহিতা 39:11

পাপত্তে তুই যেক্কেনে মান্‌জ্যরে দরমর গুরিনে কধালোই শাজন্ গরচ্, সেক্কেনে পুক্-যুগো ধোক্ক্যেন গুরিনে তারার দোলান্ তুয়ই বর্‌বাদ্ লাগেই দুয়োচ্; মানুচ্ দঅ এক্কো নিজেস ধোক্ক্যেন্।

গীতসংহিতা 95:8

তে কোইয়্যেদে, তমা পুরোণি মানুচ্চুনো ধোক্ক্যেন্ তমা মনানি তুমি দর ন-গোজ্য; তারা ধূল্যেচর-চাগালাত্ মরীবায় আর মঃসায়ত মরে জগা চেইয়োন্। যুনিয়ো তমা পুরোণি মানুচ্চুনে মঅ কামানি দেখ্যন্, তো তারা সিদু মরে বিজিরে চেইয়োন্।

যিশাইয় 66:9

মুই তর্ গোজেন লগেপ্রভু কঙর্, ‘জর্মর মুহূর্ত সং উজেই নেযেইনে মুই কি জর্ম দিবাত্তে ন-দিম? মুই যেক্কে জর্ম দিবাত্তে বেবস্থা গোজ্যং সেক্কে কি মুই জর্ম দিবাত্তে ন-দিম?’ ”

হোশেয় 13:13

মিলেগুনোর্ পুয়ো-পুদোইদ্যে শূলোনী ধোক্ক্যেন্ তারে ধোজ্যে, মাত্তর্ তে দঅ বুদ্ধিনেইয়্যে গুরো; সময় এলে তে পেদ মুয়োত্ ন-এজে।

হোশেয় 5:15

যেদক্ বিলোন্ সং তারা তারার্ দুষচানি স্বীগের্ ন-গরন আর মঅ ইন্দি মনযোগ ন-দুয়োন সেদক্ বিলোন্ সং মুই মর্ নিজো জাগাত্ ফিরি যেইনে সিয়েনত্ থেইম। তারার্ দুঘোত্ তারা আওজ্ গুরিনে মইধু ফিরি এবাক্।”