২ রাজাবলী 19:2 - Chakma Bible

² তে রাজঘরর্‌ পরিচালক ইলিয়াকীম, রাজার লিগিয়্যে শিব্‌ন আর ধর্মগুরু-নেতাগুনোরে বস্তার্‌ সিলুম্‌ উজ্যে অবস্থায় আমোসর পুয়ো ভাববাদী যিশাইয়ো ইদু পাধেই দিলো।

২ রাজাবলী 19:2 ပူးပေါင်းရင်းမြစ်များ

২ শমূয়েল 3:31

ইয়েনর্ পরেন্দি দায়ূদ যোয়াব আর তা সমারে বেক্‌ মানুচ্চুনোরে কলাক্, “তুমি যার্‌ যার্‌ কাবড়ানি ফাদিনে বস্তাফাদা উরো আর আবিলেচ্‌ গত্তে গত্তে অব্‌নেরর্‌ মরাকিয়্যেগানর্ আগলত্যা আগলত্যা আঢঅ।” মরাকিয়্যেগান বুয়োই নেযেবার খাট্‌তানর পুনে পুনে রাজা দায়ূদে নিজেয়ো আঢিলো।

২ রাজাবলী 12:10

এধোক্ক্যেন্‌ গুরিনে যেক্কে তারা দেগিদাক্‌ সে বাক্‌সুবোত্‌ বালুক্কুন্‌ টেঙা জমা ওইয়োন্‌ সেক্কে রাজার মানুচ্চুনে আর ধর্মগুরুগুনে এইনে লগেপ্রভুর ঘরত্‌ আন্যে টেঙাগুন্‌ গুণিনে ঝলাত্‌ রাগেদাক্‌।

২ রাজাবলী 18:18

তারা রাজারে ডাগানার্‌ পরেন্দি রাজঘর নেতা হিল্কিয়োর পুয়ো ইলিয়াকীম, রাজার লিগিয়্যে শিব্‌ন আর বিজগ লিগিয়্যে আসফের পুয়ো যোয়াহ নিগিলিনে তারা সমারে গেলঅ।

২ রাজাবলী 19:3

তারা যিশাইয়রে কলাক্‌, “হিষ্কিয় কত্তে, এচ্ছ্যে দিন্নো অলঅ দুগোর্‌, সাজা পেবার্‌ আর অসর্মান দিন। আমা কান্ডগান্ এমন্‌ ওইয়্যে যেন পুয়োগুন জর্ম অবার্‌ অক্ত ওইয়্যে মাত্তর্‌ ফুদেবার্‌ বলান্‌ নেই।

২ বংশধর 26:22

উষিয়র অন্য বেক্‌ কামর্‌ কধানি পৌইল্যাত্তুন্‌ ধুরি থুম্‌ সং আমোসর পুয়ো ভাববাদী যিশাইয় লিগি রাগেয়্যে।

যিশাইয় 1:1

যিহূদা দেজর্ রাজা উষিয়, যোথম, আহস আর হিষ্কিয়র রাজাগিরির্ সময়োত আমোসর পুয়ো যিশাইয় যিহূদা আর যিরূশালেম পৌইদ্যেনে যে দর্শনান্ পেইয়্যে সে পৌইদ্যেনে ইয়েনত্ লেগা আঘে।

যিশাইয় 2:1

যিহূদা আর যিরূশালেম পৌইদ্যেনে আমোসর পুয়ো যিশাইয় যিয়েনি দেখ্যে সিয়েনি অলঅ:

যিরমিয় 19:1

লগেপ্রভু কোইয়্যেদে, তুই যেইনে কুমর ইত্তুন এক্কো মাদির্ পিলে কিনি আন। তঅ লগে মানুচ্চুনোত্তুন্ কয়েক্কো বুড়ো নেতা আর বয়স ওইয়্যে ধর্মগুরুনোরে নেযা।

যিরমিয় 36:24

রাজা আর তার যিদুক্কুন মান্‌জ্যে সে কধানি শুনিলাক্ তারা নয়ো দোরেলাক্ বা তারার কাবড়ানিয়ো ন-ফাদিলাক্।

মথি লেখ্যে গম্ হবর্ 4:14

ইয়েনি অলঅ যেনে ভাববাদী যিশাইয় মাধ্যমে এই যে কধানি কুয়ো ওইয়্যে সিয়েনি পরিপূরোণ অয়:

লূকে লেখ্যে গম্ হবর্ 3:4

ভাববাদী যীশাইয় বোইয়োত্ যিয়েনি লেগা আঘে ঠিগ্ সেবাবোত্যেগুরি ইয়েনি বেক্কানি অলঅ। লেঘা আঘে, “ধূল্যেচর-চাগালাত্ একজনে রঅ ছাড়িনে কত্তে, ‘তুমি প্রভুর্ পথ্‌তান ঠিগ্ গরঅ, তা পথ্‌তান্ উজু গরঅ।