২ রাজাবলী 19:1 - Chakma Bible

¹ রাজা হিষ্কিয় এ কধাগান শুনিনে নিজো কাবড়ানি ফাদিলো আর বস্তার্‌ সিলুম্‌ উরিনে লগেপ্রভুর ঘরত্‌ গেলঅ।

২ রাজাবলী 19:1 ပူးပေါင်းရင်းမြစ်များ

পত্থম 37:34

যাকোবে তা কাবড়ানি পাদিনে কমরত্‌ বস্তা পিনিনে তা পুয়োবোত্তে ভালোক্‌ দিন সং আবিলেচ্ গুরিলো।

১ রাজাবলী 21:27

আহাবে লগেপ্রভুর কধা শুনিনে নিজো কাবড়ান্‌ ফাদি ফেলেইনে বস্তা ফাদা উরিলো আর উবোস্‌ থেলঅ। তে বস্তা ফাদা উরিনে ঘুম্‌ যেদঅ আর নম্রগুরিনে আঢাউদো গুরিদো।

১ রাজাবলী 21:29

“তুই কি খিয়েল্‌ গোজ্যস্‌ আহাবে মঅ মুজুঙোত্‌ নিজোরে কি বাবোত্যে চিগোন্‌ গোজ্যে? তে নিজোরে চিগোন্‌ গোজ্যে বিলিনে এ দযাগান্‌ মুই তা জিংকানিত্‌ ন-আনিম্‌, মাত্তর্‌ তা পূঅবো জিংকানিত্‌ তা বংশগুনো উগুরে আনিম্‌।”

২ রাজাবলী 18:37

ইয়েন পরেন্দি রাজঘর নেতা হিল্কিয়োর পুয়ো ইলীয়াকীম, রাজার লিগিয়্যে শিব্‌ন আর বিজগ লিগিয়্যে আসফর পুয়ো যোয়াহ তারার্‌ কাবড়ানি ফাদিনে হিষ্কিয়ো ইদু গেলাক্‌ আর রব্‌শাকির বেক্‌ কধানি তারে জানেলাক্‌।

২ রাজাবলী 5:7

ইস্রায়েলর রাজা সে চিদিগান পুরিপারাই তা কাবড়ান্‌ ফাদিনে কলঅ, “মুই কি গোজেন? মুই কি মারে ফেলেইনে আরঅ জিংকানিগান্‌ দি পারং? ফারাঙিত্তুন্‌ গম্‌ অবাত্তে কিত্তে এ মানুচ্চো মইদু একজনরে পাদেয়্যে? চঅ, কিঙিরিনে তে মঅ লগে কোল্‌-কোজ্যে বাজেবাত্তে চেট্ট্যা গরের্‌।”

২ রাজাবলী 6:30

মিলেবোর্‌ কধানি শুনিনে রাজা তা পোজাক্কানি ফাদি ফেলেল। তে সেক্কেয়ো দেবাল উগুরেন্দি আদের্‌। সেক্কে মানুচ্চুনে দেগিলাক্‌, তার্‌ পোজাক্কানি ভিদিরে তে বস্তার্‌ সিলুম্‌ উরি আঘে।

ইষ্রা 9:3

এ কধাগান শুনিনে মুই মনত্ দুঘে মর্ উজ্যে কাবড়ানি ফাদি ফেলেলুং আর মর্ মাঢাবো চুলানি আর দাড়িগানি ছিনিনে আমক্ ওইনে বোই রলুং।

গীতসংহিতা 35:13

তো তারার্ অসুগোর্ সময়োত্ মুই বস্তা ফাদা সিলুম্ উয্যং; উবোস্ থেইনে নিজোরে বল্‌‌পোজ্যে গোজ্যং; মাত্তর্ মঅ তবনাগান মইদু ফিরি এচ্চ্যে।

যিশাইয় 37:37

সেনত্তে আসিরিয়ার্ রাজা সন্‌হেরীবে তা সৈন্যদলুন্দোই গেলঅ আর নীনবী শঅরত্ ফিরি যেইনে সিদু থাহ্ ধুরিলো।‌‍‌

যিরমিয় 36:24

রাজা আর তার যিদুক্কুন মান্‌জ্যে সে কধানি শুনিলাক্ তারা নয়ো দোরেলাক্ বা তারার কাবড়ানিয়ো ন-ফাদিলাক্।

যোনা 3:5

সেক্কে নীনবীর মানুচ্চুনে গোজেন কধানি বিশ্বেজ্ গুরিলাক্। সেনত্তে তারা উবোস্ থানা কধাগান কলাক্ আর দাঙরত্তুন্ ধুরি চিগোন সং বেক্কুনে বস্তা পাদা পিনিলাক্।

যোনা 3:8

মানুচ্ আর য়েমানে বস্তা পাদা পিনোদোক্। পত্তিজনে বেক্ বলান্দোই গোজেনরে ডাগোদোক্ আর ভান্ন্যেই পথ আর কুজুরোমীর্ কামানি ছাড়ি দেদোক্।

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

মথি লেখ্যে গম্ হবর্ 26:65

সেক্কে দাঙর্ ধর্মগুরুবো তা কাবড়ান্ ফাদি ফেলেইনে কলঅ, ইবে গোজেনরে অগমান্ গুরিলো। আমাত্তুন্ আরঅ বেশ্ সাক্ষীর দরকার্ নেই? ইক্কিনে দঅ তুমি শুনিলা, তে গোজেনরে অগমান্ গোজ্জ্যে।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”

১ শমূয়েল 4:12

সেদিন্যে বিন্যামীন-গুট্টির এক্কো মানুচ্‌ সৈন্যদল ভিদিরেত্তুন নিগিলিনে দাবা যেইনে শীলোদত্ যেইনে লুমিলোগোই। তার কাবড়-চুগোরানি ফাদা এলঅ আর তে মাদাবোত্‌ মাদি তুল্যে।