২ রাজাবলী 18:7 - Chakma Bible

⁷ লগেপ্রভু তা সমারে থেদঅ। তে যে কনঅ কাম্‌ গুরিলে ফোলেদ। আসিরিয়ার রাজা বিরুদ্ধে উল্লোমি গুরিনে তে তার তলেন্দি অস্বীগের্‌ গুরিলো।

২ রাজাবলী 18:7 ပူးပေါင်းရင်းမြစ်များ

পত্থম 21:22

সে অক্তত্‌ অবীমেলক আর তার বেগঅ দাঙর্‌ সেনাপতি ফীখোলে অব্রাহাম ইধু এইনে কলঅ, “দেগা যাত্তে, তর্‌ বেক্‌ কামানির ভিদিরেদি গোজেনে তঅ সমারে আঘে।

২ শমূয়েল 8:14

ইদোম দেজর্‌ বেক্‌ জাগানিত্‌ তে নিজো সৈন্যদলুন রাগেল আর সেক্কে ইদোমীয়গুনে তা অধীনোত্‌ অলাক্। দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

২ শমূয়েল 8:6

দায়ূদে অরাম রেজ্যর্‌ দম্মেশকত্‌ তার সৈন্যদলুন্‌ রাগেল। সেক্কে অরামীয়গুনে তা অধীনোত্‌ তারে খাজানা দিয়্যে ধুরিলাক্। এধোক্ক্যেনগুরি দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

২ রাজাবলী 16:7

যেরেন্দি আহসে আসিরিয়ার রাজা তিগ্লৎ-পিলেষরর ইদু এ কধাগান্‌ কবাত্তে মানুচ্‌ পাধেই দিলো, “মুই তর্‌ চাগর্‌ আর তর্‌ পুয়ো। তুই এইনে অরামর রাজা আর ইস্রায়েলর রাজার আঢত্তুন্‌ মরে রোক্ষ্যে গত্তি। তারা মরে আক্রমণ গোজ্যন্‌।”

২ রাজাবলী 17:3

আসিরিয়ার রাজা শল্‌মনেষর হোশেয়রে আক্রমণ গুরিবাত্তে এলঅ। সে কারনে হোশেয় শল্‌মনেষরর তলে-রাজা অলঅ আর তারে কর্‌ দিয়্যে ধুরিলো।

২ রাজাবলী 18:14

সেক্কে যিহূদার রাজা হিষ্কিয় লাখীশোত্‌ আসিরিয়ার রাজারে এ কধাগান কোই পাদেল, “মুই অন্যেয় গোজ্যং। তুই ফিরি যাহ্। তুই মইদু যিয়েনি দাবি গুরিবে মুই সিয়েনি দিম্‌।” সেক্কে আসিরিয়ার রাজা যিহূদার রাজা হিষ্কিয়োত্তুন্‌ পেরায় বার টন রূবো আর এক টনত্তুন্‌ কিজু বেশ্‌ সোনা দাবি গুরিলো।

২ রাজাবলী 18:20

তুই কত্তে তর্‌ যুদ্ধো গুরিবার বুদ্ধি আর বল্‌ আঘে, মাত্তর্‌ সিয়েনি তর্‌ মুয়ো কধা। কঅদে চাং, তুই কা বলে মর্‌ বিরুদ্ধে উল্লোমি গরর্‌?

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

২ বংশধর 31:21

গোজেনর আওজ্ মজিম্‌ আদিবাত্তে গোজেনর্‌ ঘরর্‌ কামত্‌ আর রীদি-সুুদোম পালানা পৌইদ্যেনে তে যে কামানি গুরিদো সাৎ সিয়েনি বেক্কানি মন্‌ দিইনে গুরিলো, আর সেনত্তেই তে ফোলেল।

২ বংশধর 32:30

হিষ্কিয় গীহোন পয়নালাবো উগুরেদি মুয়োন্‌ নাঢি দিইনে দায়ূদ-শঅর পোজিমেন্দি পানিগান্‌ নেযেল। তে তার্‌ বেক্‌ কামানিত্‌ ফোলেয়্যে।

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 60:12

গোজেনর বলে আমি জিদিবোং; আমা শত্রুগুনোরে তে টেঙোই মাড়িবো।

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

যিশাইয় 36:5

মুই কঙত্তে তর্ যুদ্ধো গুরিবার বুদ্ধি আর খেমতার কধানি বানা মুয়ো কধা। কদে চাং, তুই কা উগুরে বিশ্বেজ্ গুরিনে মঅ বিরুদ্ধে উল্লোমি গরর্?

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

বিচের গুরিয়্যেগুন 1:19

লগেপ্রভু যিহূদা-গুট্টির মানুচ্চুনো সমারে এলঅ‌। তারা মুড়ো-মুড়ি চাগালাগানি গজক্‌ গুরি নেযেয়োন ঠিগ্‌, মাত্তর্‌‌ সংজাগাত্তুন মানুচ্চুনোরে ধাবেই দি ন-পারন্‌, কিত্যে তারার্‌ লুয়োর্‌ রথ এলঅ‌।

১ শমূয়েল 18:14

লগেপ্রভু সমারে এলঅ বিলিনে তে বেক্কানিত্‌ বুদ্ধির পরিচয় দিইনে সফলতা লাভ গরা ধুরিলো।

১ শমূয়েল 18:5

শৌল দায়ূদোরে যিয়েনত্‌ পাধেদ দায়ূদে সিয়েনত্‌ যেদঅ আর বুদ্ধির পরিচয় দিইনে সফলতা লাভ গুরিদো। সেনত্যেই শৌল তারে সৈন্যদলর এক্কো সেনাপতি বানেল। সেক্কে বেক্‌ মানুচ্চুনে হুজি অলাক্ আর শৌলর কামগুরিয়্যেগুনেয়ো হুজি অলািক্।