২ রাজাবলী 18:32 - Chakma Bible

³² সে পরেন্দি মুই এইনে তমা নিজোর্‌ দেজঅ ধোক্ক্যেন আর এক্কান্‌ দেজত্‌ তমারে নেযেম্‌। সে দেজ্‌ছান অলঅ সোজ্য আর নূয়ো আংগুর-রসর দেজ্‌, রুটি আর আংগুর ক্ষেদর দেজ্‌, জলপাই আর মধু দেজ্‌। তুমি যুনি মঅ কধামজিম্‌ কাম্‌ গরঅ সালে তুমি ন-মুরিবা বরং বাঁজিবা। “ ‘হিষ্কিয় যেক্কে কলঅ, লগেপ্রভু তমারে রোক্ষ্যে গুরিবো, সেক্কে তা কধানি তুমি ন-শুনো, কিত্তে সে কধাগান কোইনে তে তমারে বজং পধেন্দি চালার্‌।

২ রাজাবলী 18:32 ပူးပေါင်းရင်းမြစ်များ

পত্থম 49:11

যিহূদা আংগুর্‌ গাজত্‌ তা গাধাগুন্‌ বানিবো, আর আংগুরো বোল্‌বোল্যে ডেলাবোত্‌ বানিবো গাধা ছবো। আংগুরো-রস্‌সোই তে তা কাবড়ানি কাজেব, আর আংগুরো রাঙা রস্‌ছোই কাবড়-চুগোরানি ধবঅ।

২ রাজাবলী 17:23

যেরেন্দি লগেপ্রভু তার্‌ বেক্‌ চাগরুনোরে, অত্তাৎ ভাববাদীগুনোর্‌ মাধ্যমে দিয়্যে উজিয়ারর্‌ কধা মজিম তার্‌ মুজুঙোত্তুন্‌ তারারে দূর্‌ গুরি দিলো। ইয়েনত্তেই ইস্রায়েলর মানুচ্চুনোরে তারার্‌ নিজোর্‌ দেজত্তুন্‌ বন্দী গুরিনে আসিরিয়া দেজত্‌ নেযা অলঅ, আর এজঅ তারা সিদু আগন্‌।

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

২ রাজাবলী 18:11

আসিরিয়ার রাজা ইস্রায়েলর মানুচ্চুনোরে বন্দী গুরিনে আসিরিয়াত্‌ নেযেল আর হলহে, হাবোর গাঙ পারত্‌ গোষণ চাগালাত্‌ আর মাদীয়গুনো শঅরানিত্‌ তারারে বজত্তি গুরিবাত্তে দিলো।

২ রাজাবলী 19:10

“তুমি যিহূদার রাজা হিষ্কিয়রে কবাদে, ‘তুই যিবে উগুরে ভাবিনে আগচ্‌ সেই গোজেনে কোইয়্যেদে, আসিরিয়ার রাজা আঢত্‌ যিরূশালেমরে তুলি দিয়্যে ন-অবঅ। তার্‌ সে ছলনার্‌ কধালোই তুমি ভুল ন-গোজ্য।

২ রাজাবলী 25:11

শঅর বাদবাগি মানুচ্চুনোরে আর যিগুনে বাবিলো রাজার পক্ষে যেইয়োন্‌ তারারে বেক্কুনোরে রোক্ষ্যেদলর সেনাপতি নবূষরদনে বানি নেযেল,

গীতসংহিতা 3:3

মাত্তর্ ও লগেপ্রভু, তুই মর্ চেরোকিত্তে ঢাল্ ওই আগজ্। তুয়ই মর্ বাঈনী গুরিবার গোজেন; মর্ নিগিজ্যে মাঢাবো তুয়ই অজল্ গোজ্যস্।

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যিশাইয় 36:17

সে পরেদি মুই এইনে তমার্ নিজো দেজ ধোক্ক্যেন আর এক্কান দেজত্ তমারে নেযেম। সে দেজ্‌‌‌‌চান অলঅ শোজ্য আর নূয়ো আংগুর-রস দেশ, রুটি আর আংগুর খেদর দেশ।

গণাণা 14:8

লগেপ্রভু যুনি আমা উগুরে বেজার ন-থায়্‌ সালে সেই দেজ্‌চানত্‌ তে আমারে নেযেব যিয়েনত্‌ দুধ, মধু আর কনঅ কিজুর অভাব নেই, আর তে সিয়েনি আমারে দিবো।

দ্বি’লম্বর বিররণ 11:12

সে দেজছানর্‌ দেগাশুনো তমার গোজেন লগেপ্রভুই গরে। বজরর্‌ আরাম্ভত্তুন্‌ ধুরি যেরেন্দি সং আমিঝে তার্‌ চোখ্‌কুন্‌ সে দেজ উগুরে রোইয়্যে।