২ রাজাবলী 18:30 - Chakma Bible

³⁰ হিষ্কিয় যেনে এ কধাগান কোইনে লগেপ্রভু উগুরে তমা বিশ্বেজ্‌ছান্‌ ন-জর্মায়, লগেপ্রভু হামাক্কাই আমারে উদ্ধোর্‌ গুরিবো; এ শঅরান্‌ আসিরিয়ার্‌ রাজা আঢত্‌ তুলি দিয়্যে ন-অবঅ।

২ রাজাবলী 18:30 ပူးပေါင်းရင်းမြစ်များ

২ রাজাবলী 18:29

রাজা কোইয়্যেদে, হিষ্কিয় যেনে তমারে ন-ঠগায়। তে তা আঢত্তুন্‌ তমারে রোক্ষ্যে গুরি ন-পারিবো।

২ রাজাবলী 18:31

তুমি হিষ্কিয়ো কধানি ন-শুন্য। আসিরিয়ার রাজা কোইয়্যেদে, তুমি মঅ লগে মিলো আর নিগিলিনে মইদু এজঅ। সালে তুমি পত্তিজনে তা নিজোর্‌ আংগুর আর ডুমুর গাজত্তুন্‌ ফল আর নিজো কূয়োত্তুন্‌ পানি হেই পারিবা।

২ রাজাবলী 19:10

“তুমি যিহূদার রাজা হিষ্কিয়রে কবাদে, ‘তুই যিবে উগুরে ভাবিনে আগচ্‌ সেই গোজেনে কোইয়্যেদে, আসিরিয়ার রাজা আঢত্‌ যিরূশালেমরে তুলি দিয়্যে ন-অবঅ। তার্‌ সে ছলনার্‌ কধালোই তুমি ভুল ন-গোজ্য।

২ রাজাবলী 19:22

তুই কারে অসর্মান্‌ গোজ্যস? কা বিরুদ্ধে অগমান কধা কোইয়োচ্‌? তুই কা বিরুদ্ধে রঅ ছাজ্যস্‌ আর বার্‌ গুরিনে চোখ্‌ তুলি চেইয়োচ্‌? ইস্রায়েলর সে সুদ্ধো-সাংগ মানুচ্চো বিরুদ্ধে তুই ইয়েনি গোজ্যস্‌।

গীতসংহিতা 11:1

মুই দঅ লগেপ্রভু ইদু আশ্রয় নেযেয়োং। তুমি কিত্তে কত্তে, “পেগো ধোক্ক্যেন্ উড়িনে তমা মুড়োবোত্ ধেই যঅ”?

গীতসংহিতা 3:3

মাত্তর্ ও লগেপ্রভু, তুই মর্ চেরোকিত্তে ঢাল্ ওই আগজ্। তুয়ই মর্ বাঈনী গুরিবার গোজেন; মর্ নিগিজ্যে মাঢাবো তুয়ই অজল্ গোজ্যস্।

গীতসংহিতা 4:2

ও মানুচ্চুন, আর কয়দিন তুমি মঅ সর্মানানরে অসর্মান গুরিবা? আর কয়দিন তুমি মিজেগানরে কোচ্‌পেবা আর অসত্যর্ পিজেদি ঘুরিবা?

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

গীতসংহিতা 71:11

তারা কদন্, “গোজেনে তারে ছাড়ি যেইয়্যে; তারে লোড়েইনে ধুরি ফেল, তারে বাঁজেবাত্তে কনজন নেই।”

গীতসংহিতা 71:9

মর্ এ শেজ্ বয়জত মরে ফেলেই ন-দিচ্; মর্ বলান ফুরেই যেইয়্যে, মরে ফেলেই ন-যেচ্।

মথি লেখ্যে গম্ হবর্ 27:43

তে গোজেন উগুরে বিশ্বেজ্ গরে; ইক্কিনে যুনি তা উগুরে হুজি থায় সালে তারে তে উদ্ধোর্ গোরোক্। তে দঅ নিজোরে গোজেনর্ পুয়ো কদঅ।”

লূকে লেখ্যে গম্ হবর্ 23:35

যেক্কেনে ইহূদী নেতাগুনে যীশুরে ঠাট্টা-মশ্‌কারি গরা ধুরিলাক্ সেক্কেনে মানুচ্চুনে সিয়েনত্ থিয়্যেইনে রিনি চাহ্ ধুরিলাক্। “তে দঅ অন্যগুনোরে রোক্ষ্যে গুরিদো। যুনি তে মশীহ অয় যিবেরে গোজেনে বেঈ লোইয়্যে সালে তে নিজোরে রোক্ষ্যে গোরোক্!”