২ রাজাবলী 18:14 - Chakma Bible

¹⁴ সেক্কে যিহূদার রাজা হিষ্কিয় লাখীশোত্‌ আসিরিয়ার রাজারে এ কধাগান কোই পাদেল, “মুই অন্যেয় গোজ্যং। তুই ফিরি যাহ্। তুই মইদু যিয়েনি দাবি গুরিবে মুই সিয়েনি দিম্‌।” সেক্কে আসিরিয়ার রাজা যিহূদার রাজা হিষ্কিয়োত্তুন্‌ পেরায় বার টন রূবো আর এক টনত্তুন্‌ কিজু বেশ্‌ সোনা দাবি গুরিলো।

২ রাজাবলী 18:14 ပူးပေါင်းရင်းမြစ်များ

১ রাজাবলী 20:4

জোবত্‌ ইস্রায়েলর রাজা কলঅ, “মুই কঙর্‌, মর্‌ গিরোজ্‌ মহারাজ, তুই যিয়েন্‌ কোইয়োচ্‌ সিয়েন্‌ ঠিগ্‌। মুই আর মর্‌ বেক্কানি তর্‌।”

২ রাজাবলী 10:5

সেনত্তে রাজঘরর্‌ কাবিদ্যঙো, শঅরর্‌ শাজন্‌গুরিয়্যেবো, বুড়ো নেতাগুনে আর আহাবর বংশধরুনোর রোক্ষ্যেগুরিয়্যেবো যেহূরে এ কধাগান কোই পাদেল, “আমি তঅ চাগর্‌। তুই যিয়েন্‌ কবে আমি সিয়েনই গুরিবোং। আমি কাররে রাজা ন-বানেবং; তুই যিয়েন্‌ গম্‌ বিলি মনে গরচ্‌ সিয়েনই গর্‌।”

২ রাজাবলী 14:19

যিরূশালেমত্‌ অমৎসিয়োর্‌ বিরুদ্ধে কুজুরোমি গরানার্‌ পরেন্দি তে লাখীশোত্‌ ধেই গেলঅ, মাত্তর্‌ মানুচ্চুনে লাখীশোত্‌ মানুচ্‌ পাদেইনে তারে সিদু মারে ফেলেলাক্‌।

২ রাজাবলী 15:20

মনহেমে এ টেঙাগুন্‌ ইস্রায়েলর মানুচ্চুনোত্তুন্‌ বলাজরি গুরিনে আদায় গুরিলো। আসিরিয়ার রাজারে দিবাত্তে পত্তি তাগোয়্যে মান্‌জ্যত্তুন্‌ সাড়ে ছয়শ গ্রাম গুরিনে রূবো দিয়্যে পড়িলো।

২ রাজাবলী 18:7

লগেপ্রভু তা সমারে থেদঅ। তে যে কনঅ কাম্‌ গুরিলে ফোলেদ। আসিরিয়ার রাজা বিরুদ্ধে উল্লোমি গুরিনে তে তার তলেন্দি অস্বীগের্‌ গুরিলো।

২ রাজাবলী 19:8

পরেন্দি রব্‌শাকি শুনিলোদে, আসিরিয়ার রাজা লাখীশ ছাড়ি যেইনে লিব্‌নার বিরুদ্ধে যুদ্ধো গরের্‌। সেনত্তে রব্‌শাকি সিদু গেলঅ।

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

যিরমিয় 34:7

সে অক্তত্ বাবিল রাজার সৈন্যগুনে যিরূশালেমত্, লাখীশোত আর অসেকার বিরুদ্ধে যুদ্ধো গোজ্যন্, কিত্তে যিহূদা দেজ ভিদিরে বানা এ দেবাল্-ঘিজ্যে শঅরানি গজক্ গুরি নিবাত্তে তারার বাগি এলঅ।

লূকে লেখ্যে গম্ হবর্ 14:32

যুনি তে সিয়েন্ ন-পারে সালে সেই অন্য রাজা দূরোত্ থাগদে মানুচ্‌ পাধেইনে তে তা সমারে মিট্‌মাদ্অ কধা তেম্মাং গুরিবো।”