২ রাজাবলী 18:10 - Chakma Bible

¹⁰ তিন বজর ঘিরি রাগানার্‌ পরেন্দি হিষ্কিয়োর রাজাগিরির ছয় বজরত্‌ আর ইস্রায়েলর রাজা হোশেয়র রাজাগিরির নয় বজরত্‌ আসিরিয়োগুনে শমরিয়াগান গজক গুরি নিলাক্‌।

২ রাজাবলী 18:10 ပူးပေါင်းရင်းမြစ်များ

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

যিশাইয় 10:9

কল্‌নোর অবস্থা কি কর্কমীশ ধোক্ক্যেন্ নয়? হমাৎ কি অর্পদ ধোক্ক্যেন্ নয়? আর শমরিয়া কি দামেস্ক ধোক্ক্যেন্ নয়?

হোশেয় 13:16

শমরিয়ার মানুচ্চুনে তারার্ গোজেন বিরুদ্ধে উল্লোমী গোজ্যন বিলি দায়ী অবাক্। তারা যুদ্ধোত্ মুরি যেবাক্; তারার্ পুয়ো-ঝিগুনোরে মাদিত্ আছাড় মারিনে নিগুজ্ গরা অবঅ আর তারার্ পিদিলী মিলেগুনোর্ পেটতুন্ ফাদি ফেলা অবঅ।”

আমোষ 6:7

সেনত্তে যিগুনে বন্দী ওইনে অন্য দেজত্ যেবাক্ তারা ভিদিরে তুমিই অবা পত্তম; সেক্কে তমার্ বলান্যে হানা আর কিয়্যে টানানা শেজ্ অবঅ।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

মীখা 7:13

পিত্‌‌‌থিমীত্ বজত্তি গুরিয়্যেগুনোর পাজিগানির কারনে পিত্‌‌‌থিমীগান মানুচ্ নেইয়্যে অবাক্।

গণাণা 32:41

যায়ীর নাঙে মনঃশির্‌ এক বংশধর যেইনে ইমোরীয়গুনোর্‌ আদামানি গজক্ গুরি নেযেল আর সিয়েনির্ নাঙানি দিলো হব্বোৎ-যায়ীর।