২ রাজাবলী 17:7 - Chakma Bible

^7-8 ইয়েনি বেক্কানি ঘোট্যে, কিত্তে যিবে মিসরত্তুন্‌, মিসর রাজা ফরৌণর অধীনত্তুন্‌ তারারে নিগিলেই আন্যে ইস্রায়েলীয়গুনে তারার্‌ সেই গোজেন লগেপ্রভুর বিরুদ্ধে পাপ গোজ্যন্‌। তারা দেব-দেবেদার পূজো গুরিদাক্‌ আর যিদুক্কুন্‌ জাদরে লগেপ্রভু তারা মুজুঙেত্তুন্‌ ধাবেই দিয়্যে তারা ধোক্ক্যেন আদাউদো গুরিদাক্‌। ইয়েনিবাদে ইস্রায়েল রাজাগুনে যেদক্কানি সুদোম চালু গোজ্যন্‌ তারা সেধোক্ক্যেন গুরি চলিদাক্‌।

২ রাজাবলী 17:7 ပူးပေါင်းရင်းမြစ်များ

১ রাজাবলী 11:4

শলোমনর্ বুড়ো বয়জত্‌ তা মোক্কুনে তা মনান্‌ দেব-দেবেদাগুনোর ইন্দি টানি নেযেয়োন্‌। সিয়েনত্তে তা বাপ্পো দায়ূদো ধোক্কেন্‌ তা মনত্‌ তার গোজেন লগেপ্রভু উগুরে এদক্‌ ভোক্তি ন-এলঅ।

১ রাজাবলী 15:3

অবিয়ামর্‌ বাপ্পো যেদক্কানি পাপ গোজ্যে তেয়ো সে পাপ্পানি গরা ধুরিলো। তার্‌ পূরোণি মানুচ্‌ দায়ূদো ধোক্ক্যেন্ তার্‌ মনান্‌ গোজেন লগেপ্রভুর উগুরে ভোক্তি ন-এলঅ।

২ রাজাবলী 16:2

তে কুড়ি বজর্‌ বয়জত্‌ রাজা অলঅ আর ষুলো বজর সং যিরূশালেমত্‌ রাজাগিরি গোজ্যে। তা পূরোণি মানুচ্‌ দায়ূদে যেধোক্ক্যেন লগেপ্রভুর চোগোত্‌ যিয়েনি গম্‌ সিয়েনি গুরিদো আহসে সেধোক্ক্যেন ন-গুরিদো।

২ রাজাবলী 17:35

লগেপ্রভু ইস্রায়েলীয়গুনোত্তে সুদোম থিদেবর গুরিবার সময়োত্‌ তারারে এ উগুমানি দিলো, “তুমি কনঅ দেব-দেবেদা পূজো ন-গুরিবা বা তারা ইদু মাধা ন-লোঙেবা আর তারারে সেবা বা তারা নাঙে উৎসর্ব ন-গুরিবা।

১ বংশধর 5:25

মাত্তর্‌ তারা পূরোণি মানুচ্চুনোর গোজেন উগুরে তারা বিশ্বেজ্ আরেলাক্‌। দেজর্‌ যে জাত্তুনোরে গোজেনে তারা মুজুঙোত্তুন্‌ ভস্ত গুরি দিয়্যে তারার্‌ দেব-দেবেদাগুনো ইদু তারা নিজোরে বিজি দুয়োন্‌।

২ বংশধর 36:5

যিহোয়াকীমে পোজোশ বজর্‌ বয়জত্‌ রাজা ওইয়্যে আর এগার বজর্‌ যিরূশালেমত্‌ রাজাগিরি গোজ্যে। তা গোজেনে লগেপ্রভুর চোগেদি যিয়েনি ভান্ন্যেই তে সিয়েনি গুরিদো।

নহিমিয় 9:26

মাত্তর্‌ তো তারা অবাধ্য ওইনে তঅ বিরুদ্ধে উল্লোমি গোজ্যন্‌; তর্‌ রীদি-সুুদোম তারা ছাড়ি যেইয়োন। তর্‌ যে ভাববাদীগুনে তারারে উজিয়ার্‌ গুরিদাক্‌ যেনে তারা তইন্দি ফিরি এজন্‌ সে ভাববাদীগুনোরে তারা মারে ফেল্যন; তারা তরে অমকদ অগমান গোজ্যন।

গীতসংহিতা 78:12

ইস্রায়েলীয়গুনোর পুরোণি মানুচ্চুনোর চোগো মুজুঙোত্ তে আমক অবার্ কাম গোজ্যে; মিসর আর সোয়ন চাগালাত্ তে সিয়েনি গোজ্যে।

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যিশাইয় 57:5

তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিরমিয় 10:5

ফল খেদর্ চোড়োইয়ো ধোক্ক্যেন তারার মূত্তিগুনে কধা কোই ন-পারন; তারারে বুয়োই নেযা পরে, কিত্তে তারা আঢি ন-পারন। তুমি তারারে ন-দোরেয়ো; তারা খেতিয়ো গুরি ন-পারন, ভালেদিয়ো গুরি ন-পারন্।”

যিহিষ্কেল 39:24

তারার্ অসিজি আর পাপ মজিম্ মুই তারা লগে বেবহার গোজ্যং আর তারাত্তুন্ মর্ মুয়োন ফিরেই রাগেয়োং।”

হোশেয় 12:14

মাত্তর্ ইফ্রয়িমে লগেপ্রভুরে অমকদ অহুজি গোজ্যে; সেনত্তে তা গিরোজ্‌‌‌সো তার্ ভান্ন্যেই কামানিত্তে তারে দায়ী গুরিবো আর তে যে অগমান গোজ্যে সেই অগমানান্ তারে ফিরেই দিবো।

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

হোশেয় 4:13

মুড়ো তোগোনোত্ তারা য়েমান উৎসর্ব গরন্ আর মুড়ো উগুরে অলোন, লিব্‌‌‌নী আর এলা গাজর্ তলে যিয়েনত্ ছাবালোই আরাম দে সিয়েনত্ তারা আগর্‌বাট্টি জ্বালান। সেনত্তে তমা মিলেগুন বেশ্যে অন্ আর ফুদো বৌগুনে বেভিচের্ গরন।

দ্বি’লম্বর বিররণ 31:29

মুই হবর্‌ পাংগে যে, মর্‌ মরাণার পরেন্দি তুমি এক্কুবারে ভান্ন্যেই ওই যেবা আর যে পদেন্দি মুই তমারে চলিবার উগুম দুয়োঙর্‌ তুমি সিয়েনত্তুন সোরেই যেবা। আগামিদি তমা উগুরে দযা লামি এবঅ, কিত্যে লগেপ্রভুর চোগোত্‌ যিয়েনি ভান্ন্যেই তুমি সিয়েনি গুরিবা আর তমার নিজোর আঢ্‌তোই বানেয়্যে মূত্তিলোই তুমি তারে অখুজি গুরিবা।”

বিচের গুরিয়্যেগুন 6:10

মুই তমারে কোইয়োং, মুয়ই লগেপ্রভু তমা গোজেন। যিগুনোর দেজছানত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে তুমি পূজো ন-গুরিবা;’ মাত্তর্‌ তুমি মঅ কধানি ন-শুনো।”