২ রাজাবলী 17:6 - Chakma Bible

⁶ হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

২ রাজাবলী 17:6 ပူးပေါင်းရင်းမြစ်များ

পত্থম 10:2

যেফত পুয়োগুন্‌ অলাক্‌ গোমর, মাগোগ, মাদয়, যবন, তূবল, মেশক আর তীরস।

১ রাজাবলী 8:46

তারা যেক্কে তঅ বিরুদ্ধে পাপ গুরিবাক্‌-অয় পাপ ন-গোজ্যে এধোক্কেন মানুচ্‌ নেই-আর তুই তারা উগুরে বেজার্‌ ওইনে শত্রুর্‌ আঢত্‌ তারারে তুলি দিবে আহ্‌ শত্রুগুনে তারারে বন্দী গুরিনে কায়-কুরে বা দূরোত্‌ তারার্‌ নিজোর্‌ দেজত্‌ নেযেবাক্‌,

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 17:23

যেরেন্দি লগেপ্রভু তার্‌ বেক্‌ চাগরুনোরে, অত্তাৎ ভাববাদীগুনোর্‌ মাধ্যমে দিয়্যে উজিয়ারর্‌ কধা মজিম তার্‌ মুজুঙোত্তুন্‌ তারারে দূর্‌ গুরি দিলো। ইয়েনত্তেই ইস্রায়েলর মানুচ্চুনোরে তারার্‌ নিজোর্‌ দেজত্তুন্‌ বন্দী গুরিনে আসিরিয়া দেজত্‌ নেযা অলঅ, আর এজঅ তারা সিদু আগন্‌।

২ রাজাবলী 18:34

হমাৎ আর অর্পদর দেবেদাগুনে কুদু? সফর্বয়িম, হেনা আর ইব্বার দেবেদাগুনে কুদু? তারা কি মঅ আঢত্তুন্‌ শমরিয়াগানরে রোক্ষ্যে গুরি পাজ্যন্‌?

২ রাজাবলী 19:12

মর্‌ পূরোণি মানুচ্চুনে যিদুক্কুন্‌ জাদরে ভস্ত গোজ্যন্‌ তারা দেবেদাগুনে, অত্তাৎ গোষণ, হারণ, রেৎসফ আর তলঃসরত্‌ বজত্তিগুরিয়্যে এদনর মানুচ্চুনো দেবেদাগুনে কি তারারে রোক্ষ্যে গোজ্যন্‌?

২ রাজাবলী 21:13

শমরিয়ার বিরুদ্ধে যে মাব দুড়িগান্‌ আর আহাব বংশগুনো বিরুদ্ধে যে ওলন দুড়িগান্‌ বেবহার গরা ওইয়্যে সিয়েন্‌ মুই যিরূশালেম বিরুদ্ধে বেবহার গুরিম। যেধোক্ক্যেন গুরিনে একজনে থাল্লো পুজিবাত্তে এপিট ওপিট গরে সেধোক্ক্যেন গুরিনে মুই যিরূশালেমরে বাদ দিম্‌।

১ বংশধর 5:22

ইগুন্‌ বাদেয়ো শত্রুগুনোত্তুন্‌ বোউত্ মারা পড়িলাক্‌, কিত্তে গোজেনে এ যুদ্ধোগান্‌ ওইয়্যে। ইস্রায়েলীয়গুনে বন্দী অবার আগেন্দি সং সিদু বজত্তি গুরিদাক্‌।

১ বংশধর 5:26

সেক্কে ইস্রায়েল গোজেন আসিরিয়ার রাজা পূলর, অত্তাৎ তিগ্লৎ-পিলেষর মনত্ রাগ উদিলো। তে রূবেণীয়, গাদীয় আর মনঃশি-গুট্টির অদ্দেক্‌ মান্‌জ্যরে বন্দী গুরিনে হেলহ, হাবোর আর হারা চাগালাত্‌ আর গোষণ গাঙর্‌ পারত্‌ নেযেল; এজঅ সং তারা সিদু আগন্‌।

ইষ্রা 6:2

ইয়েনত্ মাদীয় রেজ্যর্ অক্‌মথা নাঙে রাজধানীত্ এক্কান গুচ্চ্যেই রাগেয়্যে বোই পাহ্ গেলঅ। সিয়েনত্ এ কধাগান লেগা এলঅ: স্মারক লিপি

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

যিশাইয় 10:9

কল্‌নোর অবস্থা কি কর্কমীশ ধোক্ক্যেন্ নয়? হমাৎ কি অর্পদ ধোক্ক্যেন্ নয়? আর শমরিয়া কি দামেস্ক ধোক্ক্যেন্ নয়?

যিশাইয় 13:17

“চঅ, মুই তারা বিরুদ্ধে মাদীয়গুনোরে কাট্ট্যেই দিম্। তারা রূবোনি ইন্দি খিয়েল্ ন-গুরিবাক্ আর সনালোইয়ো ফুত্তি ন-গুরিবাক্।

যিশাইয় 17:4

“সেদিন্যে যাকোবর্ বাঈনী গরানা কুমি যেবঅ; তা কিয়্যের্ তেলানি গুলি যেবঅ।

যিশাইয় 21:2

এক্কান দর্‌গরেপারা দর্শন মরে দেগা ওইয়্যে-বেঈমান্নো বেঈমানি গোজ্যে, আর লুদেয়্যেবো লুদেয়্যে। ও এলম, আক্রমণ গর্; মাদিয়া, ঘিরি ফেলা। বাবিলে যেদক্কানি দুঘ্-কষ্ট ঘোদেয়্যে সিয়েন মুই বন্ধ গুরি দিম্।

যিশাইয় 36:17

সে পরেদি মুই এইনে তমার্ নিজো দেজ ধোক্ক্যেন আর এক্কান দেজত্ তমারে নেযেম। সে দেজ্‌‌‌‌চান অলঅ শোজ্য আর নূয়ো আংগুর-রস দেশ, রুটি আর আংগুর খেদর দেশ।

যিশাইয় 36:19

হমাৎ আর অর্পদর দেবেদাগুনে কুদু? কুদু সফর্বয়িমর দেবেদাগুনে? তারা কি মঅ আঢত্তুন্ শমরিয়াগানরে রোক্ষ্যে গুরি পাজ্যন্?

যিশাইয় 37:18

ও লগেপ্রভু, এ কধাগান সত্য যে, আসিরিয়ার রাজাগুনে তারার্ নিজো দেজ্‌চান ভস্ত গোজ্যন আর সেই জাদ্‌‌‌তুনোরে ভস্ত গুরিনে তারার্ দেবেদাগুনোরে তারা আগুনোত্ ফেলেইনে বর্‌‌বাত গুরি দুয়োন্। সিগুন দঅ গোজেন নয়, মান্‌‌‌জ্যর আঢে বানেয়্যে বানা গাজ্ আর পাত্তর; সেনত্তে তারা তারারে ভস্ত গুরি পাজ্যন্।

যিশাইয় 8:4

পুয়োবো ‘মা’ বা ‘বাবা’ কবার্ আগেদি দামেস্কর ধন-সোম্বোত্তিগানি আর শমরিয়ার লুদেয়্যে মালানি আসিরিয়ার রাজাবো নেযেব।”

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

দানিয়েল 5:28

উপারসীন, অত্তাৎ ভাগ গরানা-তঅ রেজ্যগান ভাগ গুরিনে মাদীয় আর পারসীককুনোরে দিয়্যে ওইয়্যে।”

হোশেয় 1:4

সেক্কে লগেপ্রভু হোশেয়রে কলঅ, “তুই তা নাঙান্ যিষ্রিয়েল রাগা, কিত্যে যিষ্রিয়েল শঅরত্ বোউত মান্‌জ্যরে যেহূ মারে ফেলেয়্যে বিলি মুই তা বংশবোরে যাদিমাদি সাজা দিম আর ইস্রায়েল রেজ্যগানরে শেজ্ গুরি দিম।‌‌

হোশেয় 1:6

পরেদি গোমরে আরঅ পিদিলী অলঅ সেক্কে তার এক্কো ঝি অলঅ। সেক্কে লগেপ্রভু হোশেয়রে কলঅ, “তুই ঝিবোর্ নাঙান্ লো-রুহামা রাগা (যিয়্যেনর ভেদ্‌তান্ ‘দোয়্যে ন-পেইয়্যে’), কিত্যে ইস্রায়েল মানুচ্চুনোরে আর মুই দোয়্যে ন-গুরিম, কনঅ বাবদে তারারে খেমা ন-গুরিম।

হোশেয় 1:9

সেক্কে লগেপ্রভু কলঅ, তুই তা নাঙান্ লো-অম্মি রাগা (যিয়েনর্ ভেদ্‌তান্ মঅ মানুচ্ নয়), কিয়া তুমি মঅ মানুচ্ নয় আর মুইয়ো তমার গোজেন নয়।

হোশেয় 13:16

শমরিয়ার মানুচ্চুনে তারার্ গোজেন বিরুদ্ধে উল্লোমী গোজ্যন বিলি দায়ী অবাক্। তারা যুদ্ধোত্ মুরি যেবাক্; তারার্ পুয়ো-ঝিগুনোরে মাদিত্ আছাড় মারিনে নিগুজ্ গরা অবঅ আর তারার্ পিদিলী মিলেগুনোর্ পেটতুন্ ফাদি ফেলা অবঅ।”

হোশেয় 8:8

ইস্রায়েলীয়গুনোরে গিলি ফেলা ওইয়্যে; বাজে জিনিজো ধোক্ক্যেন তারা ইক্কিনে নানান্ জাদ ভিদিরে রোইয়োন।

হোশেয় 9:3

তারা লগেপ্রভুর দেজত্ ন-থেবাক্; ইফ্রয়িমে মিসরত্ ফিরি যেবঅ আর আসিরিয়ার অসিজি হানা হেবঅ।

লেবীয় 26:38

ভালোক্‌ জাদর্‌ ভিদিরে ছেট্টেরা ওই পড়িনে তুমি মুরি যেবা, শত্রুগুনোর্‌ দেজ্‌চানে তমারে গিলি হেবঅ।

আমোষ 5:27

সেনত্তে মুই দামেস্কর উই পারত্ বন্দী ইজেবে তমারে পাধেই দিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।”

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”

দ্বি’লম্বর বিররণ 28:36

যিবেরে তুমি রাজা বানেইনে তমা উগুরে বোজেবা লগেপ্রভু তারে আর তমারে বোন্দী গুরি নেযেবাত্তে এমন্‌ এক্কো জাদর্‌ আদত্‌ ফেলেব যিবেরে তুমিয়ো ন-জান আর তমার পুরোণি মানুচ্চুনেয়ো ন-জানন্‌। সিয়েনত্ তুমি তক্তা আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 30:18

মাত্তর্‌ এচ্চ্যে মুই তমারে কোই দুয়োঙর্‌, তুমি হামাক্কায় ভস্ত ওই যেবা। যর্দন গাঙান্‌ পার ওইনে যে দেজ্‌ছান তুমি গজক্ গুরিবাত্তে যর্‌ সিয়েনত্ তুমি ভালোক্ দিন বাঁজি ন-থেবা।