২ রাজাবলী 17:32 - Chakma Bible

³² তারা লগেপ্রভুরে তবনা গুরিদাক্‌ আর পূজো অজল্‌ জাগার্‌ মন্দিরুনোত্‌ ধর্মগুরু কাম্‌ গুরিবাত্তে নিজো ভিদিরেত্তুন্‌ মানুচ্‌ নেযেলাক্‌।

২ রাজাবলী 17:32 ပူးပေါင်းရင်းမြစ်များ

১ রাজাবলী 12:31

যারবিয়ামে পূজোর অজল্‌ জাগায়ানিত্‌ মন্দির্‌ বানা ধুরিলো আর এমন্‌ মানুচ্চুনোত্তুন্‌ ধর্মগুরু নেযেল যিগুনে লেবির বংশর মানুচ্‌ ন-এলাক্‌।

১ রাজাবলী 12:33

আস্‌তো মাজর্‌ পন্দর দিনোর্‌ দিন্নোত্‌ বৈথেলত্‌ তার বানেয়্যে ডালিপূজোবোত্‌ তে এ্যমান্‌ উৎসর্ব গুরিলো। সময়ান তার নিজোর্‌ বেঈ নেযেয়্যে। এবাবোত্যেগুরি তে ইস্রায়েলীয়গুনোত্তে পরবর্‌ বেবস্থা গুরিলো আর এ্যমান্‌ উৎসর্ব গুরিবাত্তে ডালিপূজোত্‌ উদিলো।

১ রাজাবলী 13:31

তারে গোর্ দেনার্‌ পরেন্দি সে ভাববাদীবো তা পূঅগুনোরে কলঅ, “গোজেন মানুচ্চোরে যিয়েনত্‌ গোর্ দিয়্যে ওইয়্যে মুই মুরি যানার্‌ পরেন্দি মরে সে গোরানত্‌ গোর্ দুয়ো, মঅ আড়ুন্‌ তা আড়ুনোর্‌ কায়কুরে রাগেয়ো;

১ রাজাবলী 13:33

ইয়েন পরেন্দিয়ো যারবিয়ামে তার্‌ ভান্ন্যেই পধত্তুন্‌ ন-ফিরিলো বরং পূজোর্‌ অজল্‌ জাগানিত্তেই বেক্‌ মানুচ্চুনো ভিদিরেত্তুন্‌ ধর্মগুরু নেযেল। যে কনজনে ধর্মগুরু অবাত্তে চেলে তারে তে পূজোর্‌ অজল্‌ জাগায়ানিত্‌ ধর্মগুরু ইজেবে নেযেদ।

২ রাজাবলী 17:25

সিদু বজত্তি গুরিবার্‌ পোল্যেন্দি তারা লগেপ্রভুর উবোসনা ন-গুরিদাক্‌, সেনত্তে তে তারা ভিদিরে সিংহ পাধেই দিলো। সিগুনে তারাত্তুন কয়েক্কো মান্‌জ্যরে মারে ফেলেল।

২ রাজাবলী 17:29

তো পত্তি জাদ মানুচ্চুনে যে যেই আদামত আর শঅরত্‌ বজত্তি গুরিদাক্‌ সিদু নিজো নিজোর্‌ দেবেদা বানেলাক্‌ আর শমরিয়ার মানুচ্চুনে বানেইয়্যে পূজো অজল্‌ জাগায়ানিত্‌ নানান্‌ মন্দিরোত্‌ সিয়েনি রাগেলাক্‌।

২ রাজাবলী 17:33

তারা লগেপ্রভুরে তবনা গুরিদাক্‌, মাত্তর্‌ সে লগে যেদক্কানি দেজত্তুন্‌ তারারে আনা ওইয়্যে সে দেজ্‌ছানির সুদোম মজিম তারা নিজোর নিজোর দেবেদাগুনোরেয়ো পূজো গুরিদাক্‌।

২ রাজাবলী 17:41

তারা লগেপ্রভুর তবনায়ো গুরিদাক্‌ আরঅ তারা দেব-দেবেদা পূজোয়ো গুরিদাক্‌। এজঅ তারার ঝি-পুয়োগুনে আর নাদিন্‌-পুদিনুনে তারা পূরোণি মানুচ্চুনো ধোক্ক্যেন চলদন্‌।

২ রাজাবলী 23:19

শমরিয়ার শঅর্‌ আর আদাম পূজো অজল্‌ জাগানিত্‌ ইস্রায়েলর রাজাগুনে যেদক্কানি মন্দির বানেইনে লগেপ্রভুরে অহুজি বানেয়োন্‌ যোশিয় সিয়েনি ভস্ত গুরি দিলো আর সিগুনো কান্দয়ান বৈথেলর অজল্‌ জাগানি ধোক্ক্যেন গুরিলো।

ইষ্রা 4:2

সেই শত্রুগুনে যেক্কে সরুব্বাবিল আর বংশর নেতাগুনো ইদু এইনে কলাক্, উবোসনা-ঘর বানেবার কামত্ আমিয়ো তমা সমারে মিজেবং, কিত্যে তমা ধোক্ক্যেন আমিয়ো তমা গোজেনর্ আওজ্ মজিম্ চলিবাত্তে চেট্ট্যা গুরির। আসিরিয়ার রাজা এসর-হদ্দোন আমা ইদু আনিবার পরেত্তুন্ ধুরি গোজেনর্ নাঙে আমি য়েমান-উৎর্সগ গুরি এজির্।

সফনিয় 1:5

যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।