২ রাজাবলী 17:31 - Chakma Bible

³¹ অব্বীয়োগুনে বানেলাক্‌ নিভস আর তর্তকর মূত্তি আর সফর্বীয়োগুনে অদ্রম্মেলক আর অনম্মেলক নাঙে সফর্বয়িমোর দেবেদাগুনোর নাঙে তারা নিজোর্‌ ঝি-পুয়োগুনোরে আগুনোত্‌ পুড়িনে উৎসর্ব গুরিলাক্‌।

২ রাজাবলী 17:31 ပူးပေါင်းရင်းမြစ်များ

২ রাজাবলী 17:17

নিজোর্‌ ঝি-পুয়োগুনোরে তারা আগুনোত্‌ পুরিনে উৎসর্ব গুরিদাক্‌। তারা গোণেই দেনা আর লক্ষণ চেইনে আগাম্ কধা কবার্‌ অভ্যেস গুরিদাক্‌ আর লগেপ্রভুর চোগেন্দি যিয়েনি ভান্ন্যেই সে কামানি গুরিবাত্তে নিজোরে বিজি দিইনে লগেপ্রভুরে অখুজি গুরি তুল্যন্‌।

২ রাজাবলী 17:24

আসিরিয়ার রাজা ইস্রায়েলর মানুচ্চুনোর জাগায়ানি পূরেই দিবাত্তে বাবিল, কূথা, অব্বা, হমাৎ আর সফর্বয়িমত্তুন্‌ মানুচ্‌ আনিনে শমরিয়ার শঅর্‌ আর আদামানিত্‌ বোজেই দিলাক্। তারা সেই বেক্‌ জাগায়ানিত্‌ বজত্তি গরা ধুরিলাক।

২ রাজাবলী 19:37

একদিন্যে যেক্কে সন্‌হেরীবে তা দেবেদাবো নিষ্রোকর মন্দিরোত্‌ পূজো গরের্‌ সেক্কে অদ্রম্মেলক আর শরেৎসর নাঙে তার্‌ দ্বিবে পুয়ো তারে লাম্বা ছুড়িলোই মারে ফেলেইনে অরারট দেজত্‌ ধেই গেলাক্‌। সন্‌হেরীবোর জাগানত্‌ তা পুয়োবো এসর-হদ্দোনে রাজা অলঅ।

ইষ্রা 4:9

(শাজন্‌‌‌‌গুরিয়্যে রহূম আর লিগিয়্যে শিম্‌শয় এই চিদিগান্ লেখ্যে। তারা সমারে আঘন্ বিচের্‌‌‌‌গুরিয়্যেগুন, কামগুরিয়্যেগুন, দাঙর্ পোজিশনবলাগুন্, পরিচালগ্‌‌‌‌কুনে আর এরকীয়, বাবিলীয় আর শূশার এলমীয় মানুচ্চুন আর অন্য মানুচ্চুুনে যিগুনে দাঙর্ আর সর্মানিত অশূরবানিপাল শমরিয়ার আদাম আর শঅরত্ আহ্ ইউফ্রেটিস গাঙর্ পশ্চিম পারর অন্য চাগালাত্ বজত্তি গুরিবাত্তে দিয়্যে।)

যিরমিয় 2:28

ও যিহূদা, তুই নিজোত্তে যে দেবদাগুন বানেয়োচ্ তারা সেক্কে কুদু থান্? যেক্কে তুই দজাত্ পড়চ্ সেক্কে যুনি তারা তরে উদ্ধোর গুরি পারন্ সালে তারা এত্তোক্, কিত্তে তর্ যেদক্কানি শঅর্ আঘে সিদুক্কুন দেবেদায়ো আগন্।”

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

দ্বি’লম্বর বিররণ 12:28

তমার আর তমার পরেদি তমার ঝি-পূঅগুনোরে যেনে আমিঝে ভালেদি অয় সেনত্যে মর্‌ দিয়্যে এ বেক্‌ উগুমানি তুমি যত্তন্‌ গুরিনে পালন গুরিবা, কিত্যে সিয়েনি গুরিলে তমার গোজেন লগেপ্রভুর চোগোত্‌ যিয়েনি ন্যায় আর গম্‌ সিয়েনোই গরা অবঅ।

দ্বি’লম্বর বিররণ 12:31

তুমি তমার গোজেন লগেপ্রভুর উবোসনা তারার্‌ পূজো ধোক্কেন্‌ গুরিনে ন-গুরিবা, কিত্যে তারার্‌ দেব-দেবেদা পূজোলোই তারা এধোক্ক্যেন জঘন্য কাম্‌ গোজ্যন্‌ যিয়েনি লগেপ্রভু ঘিনেই। এন্‌ কি, তারা তারার দেব-দেবেদাগুনো ইদু তারার ঝি-পূঅগুনোরে আগুনোত্‌ পুরিনে উৎসর্ব গোজ্যন্‌।