২ রাজাবলী 17:25 - Chakma Bible

²⁵ সিদু বজত্তি গুরিবার্‌ পোল্যেন্দি তারা লগেপ্রভুর উবোসনা ন-গুরিদাক্‌, সেনত্তে তে তারা ভিদিরে সিংহ পাধেই দিলো। সিগুনে তারাত্তুন কয়েক্কো মান্‌জ্যরে মারে ফেলেল।

২ রাজাবলী 17:25 ပူးပေါင်းရင်းမြစ်များ

২ রাজাবলী 17:41

তারা লগেপ্রভুর তবনায়ো গুরিদাক্‌ আরঅ তারা দেব-দেবেদা পূজোয়ো গুরিদাক্‌। এজঅ তারার ঝি-পুয়োগুনে আর নাদিন্‌-পুদিনুনে তারা পূরোণি মানুচ্চুনো ধোক্ক্যেন চলদন্‌।

২ রাজাবলী 17:34

এচ্ছে সং তারা সে সুদোমানি মানি চলদন্‌। তারা আজলে লগেপ্রভুরে তবনা ন-গরন্‌, কিত্তে লগেপ্রভু যে যাকোব নাঙান্‌ ইস্রায়েল রাগেয়্যে সে যাকোব পুয়োগুনো ইদু লগেপ্রভুর দিয়্যে সুদোম, হুকুম, আইন আর উগুমানি তারা মানি ন-চলন্‌।

২ রাজাবলী 17:32

তারা লগেপ্রভুরে তবনা গুরিদাক্‌ আর পূজো অজল্‌ জাগার্‌ মন্দিরুনোত্‌ ধর্মগুরু কাম্‌ গুরিবাত্তে নিজো ভিদিরেত্তুন্‌ মানুচ্‌ নেযেলাক্‌।

যোনা 1:9

জোবত্ যোনা কলঅ, “মুই এক্কো ইব্রীয়। মুই স্বর্গর্ গোজেন লগেপ্রভুর উবোসনা গরং। তেয়ই সাগর আর মাদি বানেয়্যে।”

দানিয়েল 6:26

মুই উগুম দুয়োঙর্, মঅ রেজ্যর্ বেক মানুচ্চুন যেন দানিয়েলর গোজেনরে দরান্ আর ভক্তি গরন, কিত্যে তেয়ই জেদা গোজেন আর উমরত্যে থিদেবর্। তার রেজ্যগান ভস্ত ন-অবঅ, তার রাজাগিরি কনদিন্‌অ থুম্ ন-অবঅ।

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

যিহিষ্কেল 14:15

ধর, মুই সেই দেজত্ ঝার্‌বো য়েমান পাধেই দিলুং আর তারা দেজচানরে মানুচ্ নেইয়্যে গুরিলাক্। সেক্কে সিয়েন এমন দর্‍গরেপারা অলদে যে, য়েমান দরে সিয়েন ভিদিরেদি কনজনে যানা-এযানা গুরি ন-পারিলাক্।

যিরমিয় 15:3

লগেপ্রভু কোইয়্যেদে, মুই তারা বিরুদ্ধে চের্ বাবোত্যে ভস্তগুরিয়্যেরে পাধেই দিম। সিয়েনি অলঅ, মারে ফেলেবাত্তে তলোয়ার, টানি লোই যেবাত্তে কুগুর, হেই ফেলেবাত্তে আর ভস্ত গুরিবাত্তে আগাজর্ পেগ আর ঝার য়েমান।

যিরমিয় 10:7

ও জাদ্‌তুনোর রাজাবো, তরে কন্না ভোক্তি গুরিনে ন-দোরেব? ইয়েন দঅ তর্ পাওনা। জাদ্‌তুনোর বেক্ জ্ঞানী মানুচ্চুনো ভিদিরে আর তারার বেক্ রেজ্যগানি ভিদিরে কনজনে তঅ ধোক্ক্যেন নয়।‌‍‌‍‍‌‍‌‍‍

যিরমিয় 5:6

সেনত্তে ঝারত্তুন্ এক্কো সিংহ এইনে তারারে মারে ফেলেব। ধূল্যেচর-চাগালার এক্কো হোক্ক্যে বাঘে তারারে ভস্ত গুরিবো আর তারার্ শঅরানি ইধু এক্কো হোক্ক্যে বাঘে উঠ্ পাদি থেবঅ। যুনি কনজনে সিয়োনত্তুন নিগিলি এজন্ সালে তে কট্টা কট্টা ওই যেবঅ, কিত্তে তারার পাপ্ অমকদ বেশ্ আর তারার ভান্ন্যেই পধেদি যেবার ঘটনাগান বেশ্।

২ রাজাবলী 17:28

সেক্কে শমরিয়াত্তুন্‌ নেযেয়্যে ধর্মগুরুগুনোত্তুন্‌ একজনে যেইনে বৈথেলত্‌ বজত্তি গরা ধুরিলো আর তেয়ই তারারে শিগেই দিলো কেধোক্ক্যেনগুরি লগেপ্রভুরে তবনা গরা পড়ে।

২ রাজাবলী 2:24

ইলীশায় ঘুরিনে তারার্‌ ইন্দি চেলঅ আর লগেপ্রভুর নাঙে তারারে অভিশাব্‌ দিলো। সেক্কে ঝারত্তুন্‌ দ্বিবে ভালুক্‌ নিগিলি এইনে তারাত্তুন্‌ বিয়াল্লিশজন পুয়োরে কট্টা কট্টা গুরি ফেলেল।

১ রাজাবলী 20:36

সেক্কে সে ভাববাদীবো কলঅ, “তুই লগেপ্রভুর কধালোই বাধ্য ন-অলে সেনত্তে মরে ছাড়ি যানার্‌ লগে লগে ইক্কো সিংহ তরে মারে ফেলেব।” মানুচ্চো যানার্‌ পরেন্দি ইক্কো সিংহ তারে দেগিনে মারে ফেলেল।

১ রাজাবলী 13:24

গোজেন মানুচ্চো লট্ দিবার্‌ পরেন্দি পদথ্‌ ইক্কো সিংহ তারে পেইনে মারে ফেলেল। তা কিয়্যেগান পধঅ উগুরে পড়ি থেলঅ আর সে কিয়্যেগান কায়-কুরে থিয়্যেই রলাক্‌ সে গাধা আর সিংহবো।

যিহোশূয় 22:25

রূবেণীয় আর গাদীয়োগুনে, লগেপ্রভু তমার্‌ আর আমার সংমোধ্যে যর্দন গাঙানরে দুযি ইজেবে রাগেয়্যে। লগেপ্রভু উগুরে তমার কনঅ দাবি নেই। এবাবোত্যেগুরি অয়ত তমা বংশধরুনে লগেপ্রভুর উগুরে আমার বংশধরুনোর ভোক্তির্‌ মনভাব্‌পান্‌ বর্‌বাদ্ গুরি দিবাক্‌।

লেবীয় 26:22

মুই তমা ইধু চিৎ নপুজ্যে য়েমান পাধেই দিম। সিগুনে তমার ঝি-পূঅগুনোরে হেই ফেলেবাক্, তমারে য়েমানপালুনে শেজ্ গুরিবাক আর তমার মান্‌জ্যর সোংখ্যে কোমেই দিবাক। সেক্কে তমার পথ্‌তানি খালি পড়ি থেবঅ।

২ রাজাবলী 17:26

সেক্কে আসিরিয়ার রাজা ইদু এ হবরান্‌ দিয়্যে অলঅ, “যিদুক্কুন্‌ মান্‌জ্যরে তুই বন্দী গুরিনে শমরিয়াত্‌ বজত্তি গুরিবাত্তে পাধেই দুয়োচ্ তারা হবর্‌ ন-পান্‌ সে দেজ গোজেনরে কেধোক্ক্যেনগুরি হুজি গরন্‌। সেনত্তে গোজেনে তারা ভিদিরে সিংহ পাধেই দিলো আর সিগুনে তারারে মারে ফেলেয়োন্‌।”

যিশাইয় 15:9

দীমোনর পানিগান লো-লোই ভরা, তো মুই তা উগুরে আরঅ দুঘ্ আনিম্; মোয়াবর্ ধেই যেইয়্যে মানুচ্চুনো উগুরে, আর যিগুনে দেজত্ বাঁজি থেবাক্ তারা উগুরে মুই সিংহ আনিম।