২ রাজাবলী 17:23 - Chakma Bible

²³ যেরেন্দি লগেপ্রভু তার্‌ বেক্‌ চাগরুনোরে, অত্তাৎ ভাববাদীগুনোর্‌ মাধ্যমে দিয়্যে উজিয়ারর্‌ কধা মজিম তার্‌ মুজুঙোত্তুন্‌ তারারে দূর্‌ গুরি দিলো। ইয়েনত্তেই ইস্রায়েলর মানুচ্চুনোরে তারার্‌ নিজোর্‌ দেজত্তুন্‌ বন্দী গুরিনে আসিরিয়া দেজত্‌ নেযা অলঅ, আর এজঅ তারা সিদু আগন্‌।

২ রাজাবলী 17:23 ပူးပေါင်းရင်းမြစ်များ

১ রাজাবলী 13:2

তে লগেপ্রভুর কধামজিম্‌ ডালিপূজোবোর্‌ বিরুদ্ধে ফগদাং গুরিলো, “ও ডালিপূজো, ও ডালিপূজো, লগেপ্রভু এ কধাগান কত্তে, ‘দায়ূদোর্‌ বংশত্‌ যোশিয় নাঙে ইক্কো পূঅর্‌ জর্ম অবঅ। পূজোর্‌ অজল্‌ জাগানিত্‌ যে ধর্মগুরুগুনে ইক্কিনে তঅ উগুরে এ্যমান্‌ উৎসর্ব গত্তন্‌ সে ধর্মগুরুগুনোরে তে তঅ উগুরে উৎসর্ব গুরিবো আর মান্‌জ্যর্‌ আড়ুন্‌অ পুড়িবো।’”

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

১ রাজাবলী 9:7

মাত্তর্‌ ইস্রায়েলীয়গুনোরে যে দেজ্‌ছান মুই দুয়োং সিয়োত্তুন্‌ মুই তারারে ধাবেই দিম্‌। যে তবনা-ঘরান মুই মর্‌ থেবারঘর্‌ ইজেবে যুদো গোজ্যং সিয়েন্অ মঅ চোগো মুজুঙেত্তুন্‌ দূর্‌ গুরি দিম। সেক্কে ইস্রায়েলানে অন্য বেক্‌ জাত্তুনোর্‌ ইদু ঈচ্‌গোজ্যা আর চোগোছাল্ অবঅ।

২ রাজাবলী 13:23

মাত্তর্‌ লগেপ্রভু অব্রাহাম, ইস্‌হাক আর যাকোবত্তে যে সুদোমান্‌ থিদেবর্ গোজ্যে সেনত্তেই তে ইস্রায়েলীয়গুনো উগুরে দোয়্যে বা মেয়্যে গুরিলো আর তারান্দি মন্‌ দিলো। এজঅ সং তারারে ভস্ত গুরি ফেলাদে বা নিজো মুজুঙেত্তুন্‌ দূর্‌ গুরি দিবাত্তে তে নঅ-চায়।

২ রাজাবলী 17:13

লগেপ্রভু তা বেক্‌ ভাববাদীগুনোরে আর চেইয়্যেগুনোর্‌ মাধ্যমে ইস্রায়েল আর যিহূদারে ইয়েন্‌ কোইনে উজিয়ার্‌ গুরি দিলো, “তুমি তমার্‌ ভান্ন্যেই পধত্তুন্‌ ফিরো আর বেক্‌ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্‌ চাগরুনোরে, অত্তাৎ ভাববাদীগুনোর্‌ মাধ্যমে তমারে জানেয়োঙ্‌ তুমি সে ইজেবে মর্‌ বেক্‌ উগুমানি আর সুদোমানি পালঅ।”

২ রাজাবলী 17:18

সেনত্তে ইস্রায়েলর মানুচ্চুনো উগুরে লগেপ্রভু অমকদ বেজার্‌ ওইনে তা মুজুঙোত্তুন্‌ তারারে ধাবেই দিলো। বাদবাগি এলাক্কে বানা যিহূদা-গুট্টিগুন,

২ রাজাবলী 17:20

সেনত্তে লগেপ্রভু বেক্‌ ইস্রায়েলীয়গুনোরে বাদ দি দিলো। তে তারারে দুগোত্‌ ফেলেল আর লুটগুরিয়্যেগুনোর্‌ আঢত্‌ তুলি দিলো, আর যেরেন্দি নিজোর্‌ মুজুঙোত্তুন্‌ তারারে ধাবেই দিলো।

২ রাজাবলী 17:22

ইস্রায়েলর মানুচ্চুনে যারবিয়ামর বেক্‌ পাপর্‌ পধেন্দি যেইয়োন্‌, সিয়েনিত্তুন্‌ ফিরি ন-এজন্‌।

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

২ রাজাবলী 21:14

মঅ মানুচ্চুনোর্‌ বাদবাগি কয়েক্কোরে মুই ইরি দিম্‌ আর শত্রুগুনো আঢত্‌ তারারে তুলি দিম্‌। তারার্‌ বেক্‌ শত্রুগুনে তারারে লুদেবাক্‌ আর বেক্কানি জোর্‌ গুরি নেযেবাক্‌,

২ রাজাবলী 23:27

সেনত্তে লগেপ্রভু কলঅ, “মঅ মুজুঙেত্তুন্‌ যেধোক্ক্যেন গুরি মুই ইস্রায়েলরে দূর্‌ গোজ্যং সেধোক্ক্যেন গুরি যিহূদারেয়ো দূর্‌ গুরিম্‌, আর যে শঅরানরে মুই বেঈ লোইয়োং সে যিরূশালেমানরে আর যিবে পৌইদ্যেনে মুই কোইয়োং, ‘ইয়েন্‌ মর্‌ থেবার্‌ জাগা অবঅ’ সে তবনা- ঘরানরে মুই অগ্রাজ্য গুরিম।”

২ রাজাবলী 24:3

লগেপ্রভুর উগুম মজিম যিহূদা উগুরে ইয়েনি ঘুদি যেইয়্যে যেনে তে নিজো মুজুঙোত্তুন্‌ তারারে ধাবেই দি পারে। ইয়েনি ঘুদি যেইয়্যে মনঃশির বেক্‌ পাপ্পানির কারনে আর নিদ্দুজি মানুচ্চুনোর লো ঝরানার্‌ কারণে। তে তারা লোগানিলোই যিরূশালেমান্‌ পূরোণ গোজ্যে, আর লগেপ্রভু সিয়েনি ক্ষেমা গুরিবাত্তে রাজী ন-অলঅ।

২ রাজাবলী 25:21

রাজা হমাৎ দেজর রিব্‌লাতদ্‌ এই মানুচ্চুনোরে মারে ফেলেল। এধোক্ক্যেন গুরিনে যিহূদার মানুচ্চুনোরে বানিনে নিজোর দেজত্তুন্‌ দূরোত্‌ নেযা অলঅ।

২ রাজাবলী 3:3

মাত্তর্‌ নবাটর পুয়ো যারবিয়াম ইস্রায়েলরে দিইনে যেদক্কানি পাপ গোজ্যে যোরামেয়ো সিয়েনি গরা ধুরিলো। তে সিয়েনিত্তুন্‌ ন-ফিরিলো।

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

গীতসংহিতা 51:13

সালে মুই তর্ পথ্‌তান পৌইদ্যেনে উল্লোমিগুনোরে শিক্ষ্যে দি পারিম, আর পাপিগুনে ঘুরিনে তন্দি ফিরিবাক্।

যিশাইয় 7:8

কিত্তে অরামর মাঢাবো দামেস্ক বা কি আর দামেস্কর মাঢা রাজা রৎসীনই বা কন্না? পাচষট্টি বজর ভিদিরে ইফ্রয়িম এবাবোত্যেগুরি ভস্ত অবঅ, জাদ্ ইজেবে তে আর্ ন-থেবঅ।

যিরমিয় 52:3

যিরূশালেম আর যিহূদার মানুচ্চুনোত্যে লগেপ্রভু রাগে ফুলি উঠ্যে আর যেরেদি তে তা মুজুঙোত্তুন্ তারারে দূর্ গুরি দিয়্যে। পরেদি সিদিকিয় বাবিল রাজার বিরুদ্ধে উল্লোমি গুরিলো।

যিরমিয় 7:15

মুই তমা ভেইয়ুনো উগুরে, অত্তাৎ ইফ্রয়িমর মানুচ্চুনো উগুরে যেবাবোত্যে গোজ্যং সেবাবোত্যে মঅ মুজুঙোত্তুন তমারে ঠিলিনে ফেলেই দিম।”

হোশেয় 12:3

পেদট্ থাগদে যাকোবে তার্ ভেইয়োর্ টেঙ পাদাগান ধোজ্যে; বয়সকালত্ তে গোজেন লগে যুদ্ধো গোজ্যে।

আমোষ 5:27

সেনত্তে মুই দামেস্কর উই পারত্ বন্দী ইজেবে তমারে পাধেই দিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।”

মীখা 1:5

যাকোব পাপত্তে, ইস্রায়েল বংশর অন্যেয়ত্তে ইয়েনি অবঅ। যাকোবর পাপত্তে দায়ী কন্না? শমরিয়া কি নয়? যিহূদার পূজোর্ অজল্ জাগানিত্তে দায়ী কন্না? যিরূশালেমানে কি নয়?

মীখা 1:6

সেনত্তে লগেপ্রভু কত্তে, “শমরিয়াগানরে মুই খুলো মাদর্ ভস্তর্ খুর্ বানেম, আর সিয়েন অবঅ আংগুর গাজ লাগেবার জাগা। মুই তা পাত্তরুন কলগত্ ফেলেই দিম আর তা গোড়াগান খুলো রাগেম।

মীখা 2:5

সেনত্তে তমা ভিদিরেত্তুন্ কনজনে লগেপ্রভুর মানুচ্চুনো সমারে ভূইয়ো ভাগ ন-পেবাক্।

দ্বি’লম্বর বিররণ 32:20

তে কলঅ, মুই তারাত্তুন্ মুয়োন ফিরেই নেযেম, যেরেন্দি তারার দজা কি অয় দেগিবোং; কিত্যে ইগুন উগুদো পদেন্দি যেইয়্যে জাদ্, অবিশ্বেজী পুঅ।

যিহোশূয় 23:13

সালে তুমি এ কধাগান গমেডালে জানি লঅ‌, তমা গোজেন লগেপ্রভু এ বেক্‌ জাদ্‌তুনোরে তমা মুজুঙোত্তুন্‌ আর ধাবেই ন-দিবো। সিয়েনর্‌ বদলে তারা এন্‌ জাল্‌ আর ফাল্‌ ওইনে উদিবাক্‌ যিয়েন ভিদিরে তুমি যেইনে ধরা পড়িবা আর তারা অবাক্‌ তমার পিঠ্‌তানির্‌ চাবুক্‌ আর চোগোর্‌ কাদা। যে দোল্‌ দেজ্‌চান তমার্‌ গোজেন লগেপ্রভু তমারে দিয়্যে যেরেন্দি সিয়েনত্তুন্‌ তুমি ভস্ত ওই যেবা।

বিচের গুরিয়্যেগুন 18:30

দান-গুট্টির মানুচ্চুনে সিয়েনত্‌ নিজোত্তে সে সীল্‌মাজ্যে মূত্তিবো বানেলাক্‌। দেজঅ মানুচ্চুনে বন্দী দজাত্‌ ন-যানা সং দান-গুট্টির মানুচ্চুনোত্তে যোনাথন আর তার বংশধরুনে ধর্মগুরুগুনোর কামানি গুরিদাক্‌। যোনাথনে অলদে গের্শোম বংশর আর গের্শোমে অলঅ মোশির পূঅ।