২ রাজাবলী 17:22 - Chakma Bible

²² ইস্রায়েলর মানুচ্চুনে যারবিয়ামর বেক্‌ পাপর্‌ পধেন্দি যেইয়োন্‌, সিয়েনিত্তুন্‌ ফিরি ন-এজন্‌।

২ রাজাবলী 17:22 ပူးပေါင်းရင်းမြစ်များ

২ রাজাবলী 10:29

মাত্তর্‌ নবাটর পুয়ো যারবিয়ামে ইস্রায়েলরে দিইনে যেদক্কানি পাপ গোরেয়্যে সিয়েনিত্তুন্‌ তে সুরি ন-এজে। সিয়েনি অলঅ বৈথেল আর দানত্‌ সোনার্‌ গোরু ছগুনোরে পূজো গরানা।

২ রাজাবলী 10:31

তো যেহূ পুরো মনান্‌ দিইনে ইস্রায়েলর গোজেন লগেপ্রভুর রীদি-সুদোমানি মানি চলানার পৌইদ্যেনে উজিয়ার্‌ ন-অলঅ। যারবিয়ামে ইস্রায়েলরে দিইনে যেদক্কানি পাপ গোরেয়্যে সিয়োত্তুন্‌ তে সুরি ন-এলঅ।

২ রাজাবলী 13:11

লগেপ্রভুর চোগোত্‌ যিয়েনি গম্ নয় তে সিয়েনি গুরিদো আর নবাটর পুয়ো‌ যারবিয়ামে ইস্রায়েলরে দিইনে যেদক্কানি পাপ গোরেয়্যে যিহোয়াশে সিয়েনি গরা ধুরিলো, সিয়েনিত্তুন্‌ নঅ-ফিরিলো।

২ রাজাবলী 13:2

লগেপ্রভুর চোগেন্দি যিয়েনি ভান্ন্যেই তে সিয়েনি গুরিদো আর নবাটর পুয়ো যারবিয়ামে ইস্রায়েলরে দিইনে যেদক্কানি পাপ গোরেয়্যে তেয়ো সিয়েনি গুরিদো; সিয়েনিত্তুন্‌ তে নঅ-ফিরিলো।

২ রাজাবলী 13:6

মাত্তর্‌ যারবিয়ামে ইস্রায়েলরে দিইনে যেদক্কানি পাপ গোরেয়্যে তারা তা বংশত্তুন্ সে পাপ্পানিত্তুন্‌ সুরি নঅ-এলাক্, সিয়েনি গরা ধুরিলাক্‌। ইয়েনিবাদে আশেরা-খুদোবো সেক্কেয়ো শমরিয়াত্‌ রলঅ।

২ রাজাবলী 15:9

তে তা পূরোণি মানুচ্চুনো ধোক্ক্যেন লগেপ্রভুর চোগোত্‌ যিয়েনি বজং সিয়েনি গুরিদো। নবাটর পুয়ো যারবিয়ামে ইস্রায়েলরে দিইনে যেদক্কানি পাপ গোরেয়্যে সখরিয় সে পাপ্পানি গরা ধুরিলো।

২ রাজাবলী 17:21

লগেপ্রভু দায়ূদো বংশত্তুন্‌ যেক্কে ইস্রায়েলরে ছিনি নেযেইনে যুদো গুরি ফেলেল সেক্কে তারা নবাটর পুয়ো যারবিয়ামরে তারা রাজা বানেয়োন। যারবিয়াম ইস্রায়েলরে লগেপ্রভুর পধেন্দি আদানাত্তুন্‌ সোরেই নেযেইনে তারারে দিইনে দাঙর্‌ পাপ গোরেয়্যে।

২ রাজাবলী 17:23

যেরেন্দি লগেপ্রভু তার্‌ বেক্‌ চাগরুনোরে, অত্তাৎ ভাববাদীগুনোর্‌ মাধ্যমে দিয়্যে উজিয়ারর্‌ কধা মজিম তার্‌ মুজুঙোত্তুন্‌ তারারে দূর্‌ গুরি দিলো। ইয়েনত্তেই ইস্রায়েলর মানুচ্চুনোরে তারার্‌ নিজোর্‌ দেজত্তুন্‌ বন্দী গুরিনে আসিরিয়া দেজত্‌ নেযা অলঅ, আর এজঅ তারা সিদু আগন্‌।

২ রাজাবলী 3:3

মাত্তর্‌ নবাটর পুয়ো যারবিয়াম ইস্রায়েলরে দিইনে যেদক্কানি পাপ গোজ্যে যোরামেয়ো সিয়েনি গরা ধুরিলো। তে সিয়েনিত্তুন্‌ ন-ফিরিলো।

বিচের গুরিয়্যেগুন 18:30

দান-গুট্টির মানুচ্চুনে সিয়েনত্‌ নিজোত্তে সে সীল্‌মাজ্যে মূত্তিবো বানেলাক্‌। দেজঅ মানুচ্চুনে বন্দী দজাত্‌ ন-যানা সং দান-গুট্টির মানুচ্চুনোত্তে যোনাথন আর তার বংশধরুনে ধর্মগুরুগুনোর কামানি গুরিদাক্‌। যোনাথনে অলদে গের্শোম বংশর আর গের্শোমে অলঅ মোশির পূঅ।