Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




২ রাজাবলী 17:18 - Chakma Bible

18 সেনত্তে ইস্রায়েলর মানুচ্চুনো উগুরে লগেপ্রভু অমকদ বেজার্‌ ওইনে তা মুজুঙোত্তুন্‌ তারারে ধাবেই দিলো। বাদবাগি এলাক্কে বানা যিহূদা-গুট্টিগুন,

အခန်းကိုကြည့်ပါ။ ကော်ပီ




২ রাজাবলী 17:18
23 ပူးပေါင်းရင်းမြစ်များ  

মাত্তর্ রেজ্যর্‌ বেক্কান মুই তাত্তুন কারি ন-নেযেম, মাত্তর্‌ মঅ চাগর্‌ দায়ূদো কধা আর মর্‌ বেঈ নেযেয়্যে যিরূশালেমর কধা মনত্‌ গুরিনে ইক্কো গুট্টি মুই তঅ পূঅবোরে দিম্‌।”


মাত্তর্‌ মঅ চাগর্‌বো দায়ূদোত্তে আর ইস্রায়েলর বেক্‌ গুট্টিগুনোর চাগালাত্তুন্‌ মর্‌ বেই লোইয়্যে যিরূশালেমত্তে বানা ইক্কো গুট্টি শলোমনর্ আঢত্‌ থেবঅ।


মর্‌ থেবারঘর্‌ ইজেবে বেঈ লোইয়্যে যিরূশালেম শঅরত্‌ যেইনে মর্‌ মুজুঙোত্‌ মঅ চাগর্‌ দায়ূদোর ইক্কো বংশ থায় সেনত্তে মুই তা পূঅবোরে ইক্কো গুট্টির্‌ ভারান্‌ দিম্‌।


যারবিয়ামে ফিরি এজানার হবরান্‌ শুনিনে ইস্রায়েলীয়গুনে মানুচ্‌ পাদেইনে তারে তারার্‌ মিটিঙোত্‌ ডাগি আনিলাক্‌ আর বেক্‌ ইস্রায়েলীয়গুনো উগুরে তারা তারে রাজা বানেলাক্‌। বানা যিহূদা-গুট্টির মানুচ্চুনে দায়ূদো বংশর উগুরে বিশ্বেজি এলাক্‌।


তারা যেক্কে তঅ বিরুদ্ধে পাপ গুরিবাক্‌-অয় পাপ ন-গোজ্যে এধোক্কেন মানুচ্‌ নেই-আর তুই তারা উগুরে বেজার্‌ ওইনে শত্রুর্‌ আঢত্‌ তারারে তুলি দিবে আহ্‌ শত্রুগুনে তারারে বন্দী গুরিনে কায়-কুরে বা দূরোত্‌ তারার্‌ নিজোর্‌ দেজত্‌ নেযেবাক্‌,


মাত্তর্‌ লগেপ্রভু অব্রাহাম, ইস্‌হাক আর যাকোবত্তে যে সুদোমান্‌ থিদেবর্ গোজ্যে সেনত্তেই তে ইস্রায়েলীয়গুনো উগুরে দোয়্যে বা মেয়্যে গুরিলো আর তারান্দি মন্‌ দিলো। এজঅ সং তারারে ভস্ত গুরি ফেলাদে বা নিজো মুজুঙেত্তুন্‌ দূর্‌ গুরি দিবাত্তে তে নঅ-চায়।


হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।


মঅ মানুচ্চুনোর্‌ বাদবাগি কয়েক্কোরে মুই ইরি দিম্‌ আর শত্রুগুনো আঢত্‌ তারারে তুলি দিম্‌। তারার্‌ বেক্‌ শত্রুগুনে তারারে লুদেবাক্‌ আর বেক্কানি জোর্‌ গুরি নেযেবাক্‌,


সেনত্তে লগেপ্রভু কলঅ, “মঅ মুজুঙেত্তুন্‌ যেধোক্ক্যেন গুরি মুই ইস্রায়েলরে দূর্‌ গোজ্যং সেধোক্ক্যেন গুরি যিহূদারেয়ো দূর্‌ গুরিম্‌, আর যে শঅরানরে মুই বেঈ লোইয়োং সে যিরূশালেমানরে আর যিবে পৌইদ্যেনে মুই কোইয়োং, ‘ইয়েন্‌ মর্‌ থেবার্‌ জাগা অবঅ’ সে তবনা- ঘরানরে মুই অগ্রাজ্য গুরিম।”


লগেপ্রভুর উগুম মজিম যিহূদা উগুরে ইয়েনি ঘুদি যেইয়্যে যেনে তে নিজো মুজুঙোত্তুন্‌ তারারে ধাবেই দি পারে। ইয়েনি ঘুদি যেইয়্যে মনঃশির বেক্‌ পাপ্পানির কারনে আর নিদ্দুজি মানুচ্চুনোর লো ঝরানার্‌ কারণে। তে তারা লোগানিলোই যিরূশালেমান্‌ পূরোণ গোজ্যে, আর লগেপ্রভু সিয়েনি ক্ষেমা গুরিবাত্তে রাজী ন-অলঅ।


সালে মুই তর্ পথ্‌তান পৌইদ্যেনে উল্লোমিগুনোরে শিক্ষ্যে দি পারিম, আর পাপিগুনে ঘুরিনে তন্দি ফিরিবাক্।


সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।


যিরূশালেম আর যিহূদার মানুচ্চুনোত্যে লগেপ্রভু রাগে ফুলি উঠ্যে আর যেরেদি তে তা মুজুঙোত্তুন্ তারারে দূর্ গুরি দিয়্যে। পরেদি সিদিকিয় বাবিল রাজার বিরুদ্ধে উল্লোমি গুরিলো।


মুই তমা ভেইয়ুনো উগুরে, অত্তাৎ ইফ্রয়িমর মানুচ্চুনো উগুরে যেবাবোত্যে গোজ্যং সেবাবোত্যে মঅ মুজুঙোত্তুন তমারে ঠিলিনে ফেলেই দিম।”


লগেপ্রভু কত্তে, “ইফ্রয়িমর মিজে কধা, ইস্রায়েলর ছলনা মঅ চেরোকিত্তে রোইয়্যে। যিহূদা গোজেনর্, অত্তাৎ সেই বিশ্বেজি সুদ্ধো-সাংগ মানুচ্চোর্ অবাধ্য ওইয়্যে।


পেদট্ থাগদে যাকোবে তার্ ভেইয়োর্ টেঙ পাদাগান ধোজ্যে; বয়সকালত্ তে গোজেন লগে যুদ্ধো গোজ্যে।


তারা লগেপ্রভুর দেজত্ ন-থেবাক্; ইফ্রয়িমে মিসরত্ ফিরি যেবঅ আর আসিরিয়ার অসিজি হানা হেবঅ।


তে কলঅ, মুই তারাত্তুন্ মুয়োন ফিরেই নেযেম, যেরেন্দি তারার দজা কি অয় দেগিবোং; কিত্যে ইগুন উগুদো পদেন্দি যেইয়্যে জাদ্, অবিশ্বেজী পুঅ।


সালে তুমি এ কধাগান গমেডালে জানি লঅ‌, তমা গোজেন লগেপ্রভু এ বেক্‌ জাদ্‌তুনোরে তমা মুজুঙোত্তুন্‌ আর ধাবেই ন-দিবো। সিয়েনর্‌ বদলে তারা এন্‌ জাল্‌ আর ফাল্‌ ওইনে উদিবাক্‌ যিয়েন ভিদিরে তুমি যেইনে ধরা পড়িবা আর তারা অবাক্‌ তমার পিঠ্‌তানির্‌ চাবুক্‌ আর চোগোর্‌ কাদা। যে দোল্‌ দেজ্‌চান তমার্‌ গোজেন লগেপ্রভু তমারে দিয়্যে যেরেন্দি সিয়েনত্তুন্‌ তুমি ভস্ত ওই যেবা।


মাত্তর্‌ যুনি তুমি তমার গোজেন লগেপ্রভুর দিয়্যে সুদোমানি তে পালেবাত্তে কোইয়্যে সিয়েনি ন-পালঅ‌, আর যুনি তুমি যেইনে দেব-দেবেদাগুনোরে পূজো গরঅ‌ আর তারার্‌ মুজুঙোত্‌ মাদাবো নিগিরো, সালে তমার গোজেন লগেপ্রভু ভালেদি গুরিবাত্তে যেদক্কানি এগেম্ গোজ্যে সিয়েনির বেক্কানি যেধোক্ক্যেন্‌ পূরণ ওইয়্যে সেধোক্ক্যেন্‌ লগেপ্রভু যেদক্কানি অমংগলর দর্‌ দেগেয়্যে সিয়েনি বেক্কানি তে তমা উগুরে ঘোদেব আর যে দোল্‌ দেজ্‌চান তে তমারে দিয়্যে যেরেন্দি সিয়োত্তুন্‌ তমারে ভস্ত গুরি ফেলেব। লগেপ্রভুর রাগ্‌কান্‌ তমার বিরুদ্ধে জুলিবো, আর যে দোল্‌ দেজ্‌চান তে তমারে দিয়্যে সিয়েনত্তুন যাদিমাদি তুমি ভস্ত ওই যেবা।”


দান-গুট্টির মানুচ্চুনে সিয়েনত্‌ নিজোত্তে সে সীল্‌মাজ্যে মূত্তিবো বানেলাক্‌। দেজঅ মানুচ্চুনে বন্দী দজাত্‌ ন-যানা সং দান-গুট্টির মানুচ্চুনোত্তে যোনাথন আর তার বংশধরুনে ধর্মগুরুগুনোর কামানি গুরিদাক্‌। যোনাথনে অলদে গের্শোম বংশর আর গের্শোমে অলঅ মোশির পূঅ।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ