২ রাজাবলী 17:14 - Chakma Bible

¹⁴ মাত্তর্‌ তারা সে কধানিলোই কান্‌ ন-পাদন্‌। তারার্‌ পূরোণিমানুচ্চুনে যিগুনে তারার্‌ গোজেন্‌ লগেপ্রভুর উগুরে বিশ্বেজ্ নঅ-গুরিদাক্‌, তারা ধোক্ক্যেন তারা একগেয়েমি গুরিদাক্‌।

২ রাজাবলী 17:14 ပူးပေါင်းရင်းမြစ်များ

২ বংশধর 24:19

যুনিয়ো লগেপ্রভু মানুচ্চুনোরে তাইদু ফিরেই আনিবাত্তে ভাববাদীগুনোরে পাদেল আর তারা মানুচ্চুনোরে উজিয়ার্‌ গুরিলাক্‌ তো তারা ন-শুনিলাক্‌।

২ বংশধর 36:13

ইয়েনিবাদে রাজা নবূখদ্‌নিৎসর, যিবে গোজেনর নাঙে তারে শমক্‌ খাবেয়্যে, তার্‌ বিরুদ্ধে তে উল্লোমি গুরিলো। তে একগেয়েমি গুরিনে আর নিজো মনান্‌ দর গুরিনে ইস্রায়েলর গোজেন লগেপ্রভুর ইন্দি ন-ফিরিলো।

নহিমিয় 9:29

তর্‌ রীদি-সুদোম ইন্দি ফিরি এবাত্তে তুই তারারে উজিয়ার্‌ গোজ্যস্‌ মাত্তর্‌ তারার্‌ বেবহারান্‌ এলদে বার্‌বোলোই ভরা; তারা তর্‌ বেক্‌ উগুমানি ন-পালান্‌। তর্‌ যেদক্কানি উগুম্‌ পালন্‌ গুরিলে মানুচ্‌ বাজন্‌ সেনত্তেই সিয়েনর্‌ বিরুদ্ধে তারা পাপ গোজ্যন্‌। তারা একগেয়েমি গুরিনে আর গত্তনাগুন্‌ দরমর গুরিনে তর্‌ কধানি শুনিবাত্তে ন-চান্‌।

গীতসংহিতা 106:24

পরেন্দি তারা সেই দোল্ দেজ‌্‌ছানরে ঈচ্ গুরিলাক্; তারা লগেপ্রভুর কধা বিশ্বেজ্ ন-গুরিলাক্।

গীতসংহিতা 78:22

কিত্তেই গোজেন উগুরে তারা বিশ্বেজ্ ন-গরন; তে যে তারারে উদ্ধোর্ গুরিবো সে কধানি তারা নির্ভর ন-গরন্।

গীতসংহিতা 78:32

তো তারা পাপ গরা ধুরিলাক্, তার আমক্ অবার কামানি দেগিনেয়ো তারে বিশ্বেজ্ ন-গুরিলাক্।

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

যাত্রা 16:28

সেক্কে লগেপ্রভু মোশিরে কলঅ‌, “আর কয়দিন তুমি মর্‌ উগুম্‌ আর হুকুম্‌ ন-মানিনেই চুলিবা?

যাত্রা 32:9

লগেপ্রভু মোশিরে আরঅ‌ কলঅ‌, “এই বেক্‌ মানুচ্চুনোরে মুই চিনোং। ইগুনে এক বাবোত্যে উল্ল্য জাত্‌।”

যাত্রা 33:3

সিদু দুধ, মধু আর কনঅ‌ কিজুর্‌ চিদে চজ্জা নেই। মাত্তর্‌ তুমি এক্কো একবুচ্চ্যে জাদ্ বিলিনে মুই তমা লগে ন-যেম্‌, গেলে পদথ্‌ মুই তমারে শেজ্ গুরি দিম্‌।”

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

যিশাইয় 48:4

কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

যিরমিয় 3:7

মুই মনে গোজ্যংগে ইয়েনি গুরিবার পরেদি তে মইধু ফিরি এবঅ, মাত্তর্ তে ন-এজে আর তার অবিশ্বেজি বোন যিহূদা সিয়েন দেখ্যে।

যিরমিয় 34:14

যুনি কনঅ ইব্রীয় ভেই নিজোরে তমা ইধু বিজি দুয়োন্ সালেন্ সাত্ বজরত্ তুমি তারে উদ্ধোর্ গুরিবা। ছঅ বজর্ তে তমার্ চাগর্ কাদিলে পরেদি তমাত্তুন্ তারে ইরি দিয়্যে পড়িবো। মাত্তর্ তমা পুরোণি মানুচ্চুনে মঅ কধানি ন-শুনোন্, মঅ কধানি মনযোগ ন-দুয়োন্।

যিরমিয় 7:26

মাত্তর্ তুমি মঅ কধানি ন-শুনো বা মনযোগ্‌অ ন-দুয়ো। তুমি গত্তনাবো দর গুরিনে তমা পুরোণি মানুচ্চুনোত্তুন্‌অ আরঅ বেশ্ ভান্ন্যেই কাম গোজ্য।

যিহিষ্কেল 12:2

ও মান্‌‌জ্যর পুয়োবো, তুই এক্কো উল্লোমী জাদ ভিদিরে বজত্তি গরর্। তারার্ চোগ আঘে মাত্তর্ তারা ন-দেগন্, কান আঘে ন-শুনোন্, কিত্যে তারা এক্কো উল্লোমী জাদ্।

যিহিষ্কেল 2:3

তে কলঅ, “ও মান্‌‌‌জ্যর্ পুয়োবো, মুই তরে ইস্রায়েলীয়গুনো ইধু, অত্তাৎ যিগুনে মঅ বিরুদ্ধে উল্লোমী গোজ্যন্ সেই উল্লোমী জাদ ইধু পাদাঙর্; তারা আর তারার্ পুরোণি মানুচ্চুনে এজঅ সং মঅ বিরুদ্ধে উল্লোমী গুরি এত্তন্।

যিহিষ্কেল 3:19

মাত্তর্ সে পাজি মানুচ্চোরে তুই উজিয়ার গুরিবার পরেদিয়ো যুনি তে তার্ পাজিগানত্তুন্ বা তার্ ভান্ন্যেই পধত্তুন্ ন-ফিরোন, সালে তার পাপত্তে তে মুরিবো; মাত্তর্ তুই নিজে রোক্ষ্যে পেবে।

দানিয়েল 5:20

মাত্তর্ যেক্কে তা মনান্ বাড়্‌বো আর অহংকারে দরমর ওই উদিলো সেক্কে তারে তা সিংহাসনত্তুন্ লামেই দিয়্যে অলঅ আর তা সর্মানান নেযা অলঅ।

হোশেয় 11:2

মাত্তর্ মুই ইস্রায়েলরে যেদক্ ডাগিলুং সেদক্ তে মত্তুন্ দূরোত্ সুরি গেলঅ। তা মানুচ্চুনে বাল দেবেদা ইধু য়েমান-উৎসর্ব গরা ধুরিলাক্ আর মূত্তিগুনো ইধু আগর্‌বাট্টি জ্বালা ধুরিলাক্।

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

দ্বি’লম্বর বিররণ 1:32

তো তুমি তমা গোজেন লগেপ্রভু উগুরে বিশ্বেজ্ ন গরঅ।

দ্বি’লম্বর বিররণ 31:27

তুমি যে কেধোক্ক্যেন একবুস্যে আর উল্লোমি সিয়েন মর্‌ জানা আঘে। মুই তমা সমারে বাঁজি থাগদে যেক্কে তুমি লগেপ্রভুর বিরুদ্ধে উল্লোমি গোজ্য সেক্কে মুই মুরি যানার পরেন্দি আরঅ কত্তমান্‌ সিয়েন গুরিবা।

দ্বি’লম্বর বিররণ 9:13

লগেপ্রভু মরে আরঅ কোইয়্যেদে, মুই এ মানুচ্চুনোরে দেখ্যং; ইগুনে এক্কো একবুস্যে জাদ্।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।