২ রাজাবলী 17:12 - Chakma Bible

¹² তারা মূত্তি পূজো গুরিদাক্‌, যুনিয়ো লগেপ্রভু তারারে সিয়েনি গুরিবাত্তে মানা গোজ্যে।

২ রাজাবলী 17:12 ပူးပေါင်းရင်းမြစ်များ

১ রাজাবলী 21:26

ইস্রায়েলীয়গুনো মুজুঙোত্তুন্‌ লগেপ্রভু যে ইমোরীয়গুনোরে ধাবেই দিয়্যে তারা ধোক্ক্যেন্ মূত্তি পূজো গুরিনে তে জঘন্য কাম্‌ গুরিদো।

২ রাজাবলী 17:11

যিদুক্কুন্‌ জাদরে লগেপ্রভু তারা মুজুঙেত্তুন্‌ ধাবেই দিয়্যে তারা ধোক্ক্যেন গুরি তারায়ো পত্তি পূজো অজল্‌ জাগায়ানিত্‌ আগর্‌বাট্টি জ্বালেদাক্‌। ইয়েনিবাদে তারা আরঅ ভান্ন্যেই কাম্‌ গুরিনে লগেপ্রভুরে অখুজি গুরি তুল্যন্‌।

২ রাজাবলী 17:40

মাত্তর্‌ সে জাদ্‌তুনে সে কধানিলোই কান্‌ ন-পাদিনে তারার্‌ আগঅ অভ্যেস ধোক্ক্যেন চলা ধুরিলাক্‌।

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 34:14

তুমি কনঅ‌ দেবেদার্‌ উবোসনা ন-গুরিবা, কিত্তে লগেপ্রভুর্‌ নাঙান্‌ অলঅ পাইদে ভোক্তি পেবার্‌ আওজি গোজেন; তে তার্‌ পাইদে ভোক্তিগানি চায়্‌।

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

লেবীয় 26:1

কনঅ বাবোত্যে দেবেদা মূত্তি তুমি ন-বানেয়ো। নিজোত্তে তক্তালোই কাবিনে বানেয়্যে মূত্তি বা কনঅ পূজোর পাত্তর্‌ তুমি ন-বোজেবা। পূজো গুরিবাত্তে তুমি পাত্তর্ কাবিনে বানেয়্যে কনঅ মূত্তি তমা দেজত্‌ ন-রাগেবা। মুই লগেপ্রভু তমার গোজেন।

দ্বি’লম্বর বিররণ 12:4

তুমি তমার গোজেন লগেপ্রভুর উবোসনা তারার্‌ পূজোগুনো ধোক্ক্যেন গুরি ন-গুরিবা।

যিহোশূয় 23:7

যে জাদ্‌তুন্‌ তমা ভিদিরে রোইয়োন্‌ তারা সমারে ন-মিজেয়ো; তারার্‌ দেব-দেবেদাগুনোর্‌ নাঙানি মুয়োত্‌ ন-আন্য বা তারার্‌ নাঙে শমক্‌ ন-গোজ্য। সিগুনোর পূজো ন-গোজ্য বা তারার্‌ মুজুঙোত্ মাদা ন-নিগিজ্য।