২ রাজাবলী 17:10 - Chakma Bible

¹⁰ তারা পত্তি অজল্‌ মুড়োগুনো উগুরে আর ডেলা ছিদি পোজ্যে পত্তি য়েল্‌ গাজ তলে পূজো পাত্তর্‌ আর আশেরা-খুদোগুন্‌ বোজেয়োন্‌।

২ রাজাবলী 17:10 ပူးပေါင်းရင်းမြစ်များ

১ রাজাবলী 14:23

ইয়েন্‌বাদে তারা নিজোত্তে পত্তি অজল্‌ মুড়োগুনোর্‌ উগুরে আর পত্তি ঢেলাবলা য়েল্‌ গাজ তলে পূজোর্‌ অজল্‌ জাগায়ান্‌ ঠিগ গোজ্যন্‌ আর পবিত্র পাত্তর্‌ আর আশেরা-খুদোগুন্‌ থিদেবর গোজ্যন্‌।

২ রাজাবলী 16:4

তে পূজো অজল্‌ জাগায়ানিত্‌, মুড়ো উগুরে আর পত্তি ডেলা ছিদিপোজ্যে য়েল্‌ গাজ তলে য়েমান্‌ উৎসর্ব গুরিদো আর আগর্‌বাট্টি জ্বালেদ।

২ রাজাবলী 17:11

যিদুক্কুন্‌ জাদরে লগেপ্রভু তারা মুজুঙেত্তুন্‌ ধাবেই দিয়্যে তারা ধোক্ক্যেন গুরি তারায়ো পত্তি পূজো অজল্‌ জাগায়ানিত্‌ আগর্‌বাট্টি জ্বালেদাক্‌। ইয়েনিবাদে তারা আরঅ ভান্ন্যেই কাম্‌ গুরিনে লগেপ্রভুরে অখুজি গুরি তুল্যন্‌।

যাত্রা 34:12

উজিয়ার্‌! যে দেজত্‌ তুমি যর্‌ সেই দেজর্‌ মানুচ্চুনো লগে তুমি কনঅ‌ চুক্তি ন-গুরিবা; সিয়েন্‌ গুরিলে তারা তমা ভিদিরে এক্কো ফাল্‌ ওইনে থেবাক্‌।

যাত্রা 34:13

তুমি তারার্‌ ডালিপূজোগুন্‌ ভাঙি ফেলেবা, তারার্‌ পূজোর্‌ পাত্তরুন্‌ কট্টা কট্টা গুরি ফেলেবা আর তারার্‌ পূজোর্‌ আশেরা-খুদোগুন্‌ কাবি ফেলেবা।

যিশাইয় 2:8

ইয়েনি বাদেয়ো তারা দেজ্‌ছান মুত্তিলোই ভরা। তারা আঢ্‌তোই বানেয়্যে জিনিজো ইদু তারা জু জু গরন্, তারা যিয়েনি আঙুল্লোই বানেয়োন সিয়েনি ইদু মাঢাবো নিগিরোন্।

যিশাইয় 57:5

তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিরমিয় 3:6

রাজা যোশিয়োর রাজাগিরির সময়োত্ লগেপ্রভু মরে কোইয়্যেদে, “ভান্ন্যেই পধেদি যেইয়্যে ইস্রায়েলে যিয়েন গোজ্যে সিয়েন কি তুই দেখ্যচ্? তে বেক্ অজল্ মুড়োগুনো উগুরে আর ডেলাপাদা ছিদি যেইয়্যে য়েল্ গাজর্ তলে যেইনে বেশ্যেমি গোজ্য।

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

লেবীয় 26:1

কনঅ বাবোত্যে দেবেদা মূত্তি তুমি ন-বানেয়ো। নিজোত্তে তক্তালোই কাবিনে বানেয়্যে মূত্তি বা কনঅ পূজোর পাত্তর্‌ তুমি ন-বোজেবা। পূজো গুরিবাত্তে তুমি পাত্তর্ কাবিনে বানেয়্যে কনঅ মূত্তি তমা দেজত্‌ ন-রাগেবা। মুই লগেপ্রভু তমার গোজেন।

মীখা 5:14

মুই তঅ ভিদিরেত্তুন্ বেক্ আশেরা-খুদোগুন উগুরে ফেলেম আর তর্ শঅরানি ভাঙি ফেলেম।

দ্বি’লম্বর বিররণ 16:21

তমা গোজেন লগেপ্রভুর নাঙে তুমি যে পূজো বানেবা তা ইদু পূজো গুরিবাত্তে তক্তার আশেরা-খুঁদো ন গারেবা বা কনঅ পাত্তর্‌অ ন গারেবা, কিত্যে তমার গোজেন লগেপ্রভু ইয়েনি ঘিনাই।