২ রাজাবলী 16:9 - Chakma Bible

⁹ আসিরিয়ার রাজা রাজী ওইনে দামেস্কগান্ আক্রমণ গুরিনে সিয়েন্‌ গজক গুরি নেযেল। তে সিদুগোর্‌ মানুচ্চুনোরে বন্দী গুরিনে কীরোত্‌ নেযেল আর রৎসীনরে মারে ফেলেল।

২ রাজাবলী 16:9 ပူးပေါင်းရင်းမြစ်များ

২ বংশধর 16:4

রাজা আসার কধালোই রাজী ওইনে বিন্‌হদদে ইস্রায়েলর আদাম আর শঅরানি বিরুদ্ধে তার্‌ সেনাপতিগুনোরে পাধেই দিলো। তারা ইয়োন, দান, আবেল-ময়িম আর নপ্তালির বেক্‌ ভান্ডাল-শঅরানি গজক্‌ গুরি নেযেলাক্‌।

২ বংশধর 28:21

সেক্কে আহসে লগেপ্রভুর ঘরান্‌ আর রাজঘরত্তুন্‌ আর নেতাগুনোত্তুন্‌ কিজু মংগা পযাপিরা লোইনে আসিরিয়া রাজারে বক্‌শিজ্ দিলো, মাত্তর্‌ কিচ্ছু ন-অলঅ।

২ বংশধর 28:5

সেনত্তে তার্‌ গোজেন লগেপ্রভু তারে অরামর রাজা আঢত্‌ তুলি দিলো। অরামীয়গুনে তারে ওদেই দিলাক্‌ আর তার্‌ ভালোক্কুন্‌ মান্‌জ্যরে বন্দী গুরিনে দামেস্কত্‌ নেযেল। তারেয়ো ইস্রায়েলর রাজা পেকহের আঢত্‌ তুলি দিয়্যে অলঅ। ইস্রায়েলর রাজা তার্‌ বোউত্‌ মান্‌জ্যরে মারে ফেলেল।

যিশাইয় 10:9

কল্‌নোর অবস্থা কি কর্কমীশ ধোক্ক্যেন্ নয়? হমাৎ কি অর্পদ ধোক্ক্যেন্ নয়? আর শমরিয়া কি দামেস্ক ধোক্ক্যেন্ নয়?

যিশাইয় 17:1

দামেস্ক পৌইদ্যেনে আগাম্ কধা ইয়েনি: লগেপ্রভু কোইয়্যেদে, “চঅ, দামেস্কগান্ আর শঅর ইজেবে ন-থেবঅ, সিয়েন অবদে এক্কান ভস্ত ওইয়্যে কুর্।

যিশাইয় 22:6

এলমর মানুচ্চুনে সেল্ থবার্ কাল্লোঙো তুলি নেযেয়োন; তারা সমারে রথ আর ঘড়া চালেয়্যেগুনোর দল্লো আঘে। কীরোর মানুচ্চুনে ঢাল্লোই যুক্কোল্ ওইয়োন।

যিশাইয় 37:18

ও লগেপ্রভু, এ কধাগান সত্য যে, আসিরিয়ার রাজাগুনে তারার্ নিজো দেজ্‌চান ভস্ত গোজ্যন আর সেই জাদ্‌‌‌তুনোরে ভস্ত গুরিনে তারার্ দেবেদাগুনোরে তারা আগুনোত্ ফেলেইনে বর্‌‌বাত গুরি দুয়োন্। সিগুন দঅ গোজেন নয়, মান্‌‌‌জ্যর আঢে বানেয়্যে বানা গাজ্ আর পাত্তর; সেনত্তে তারা তারারে ভস্ত গুরি পাজ্যন্।

যিশাইয় 9:10

“ইট্‌তুন পড়ি যেইয়োন, মাত্তর্ আমি সিগুন আরঅ দোল্ গুরি কাপ্যে সিল্লোই তুলিবোং; বেক্ ডোমোর্ গাজ্‌চুন্ কাবি ফেলা ওইয়্যে, মাত্তর্ আমি সিগুনোর্ বদলে লাগেবং এরস গাজ‌।”

যিশাইয় 9:11

মাত্তর্ লগেপ্রভু দঅ রৎসীনোর্ বিরুদ্ধে তা শত্রুগুনোরে দরমর গোজ্যে আর তা বিরুদ্ধে তারারে উত্তেজিত গোজ্যে।

আমোষ 9:7

লগেপ্রভু কত্তে, “ও ইস্রায়েলর মানুচ্চুন, তুমি কি মইদু কূশীয়গুনো ধোক্ক্যেন নয়? মুই কি মিসরত্তুন্ ইস্রায়েলীয়গুনোরে, ক্রীটত্তুন্ পলেষ্টীয়গুনোরে আর কীরত্তুন্ অরামীয়গুনোরে ন-আনং?