২ রাজাবলী 16:7 - Chakma Bible

⁷ যেরেন্দি আহসে আসিরিয়ার রাজা তিগ্লৎ-পিলেষরর ইদু এ কধাগান্‌ কবাত্তে মানুচ্‌ পাধেই দিলো, “মুই তর্‌ চাগর্‌ আর তর্‌ পুয়ো। তুই এইনে অরামর রাজা আর ইস্রায়েলর রাজার আঢত্তুন্‌ মরে রোক্ষ্যে গত্তি। তারা মরে আক্রমণ গোজ্যন্‌।”

২ রাজাবলী 16:7 ပူးပေါင်းရင်းမြစ်များ

১ রাজাবলী 20:4

জোবত্‌ ইস্রায়েলর রাজা কলঅ, “মুই কঙর্‌, মর্‌ গিরোজ্‌ মহারাজ, তুই যিয়েন্‌ কোইয়োচ্‌ সিয়েন্‌ ঠিগ্‌। মুই আর মর্‌ বেক্কানি তর্‌।”

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 18:7

লগেপ্রভু তা সমারে থেদঅ। তে যে কনঅ কাম্‌ গুরিলে ফোলেদ। আসিরিয়ার রাজা বিরুদ্ধে উল্লোমি গুরিনে তে তার তলেন্দি অস্বীগের্‌ গুরিলো।

১ বংশধর 5:26

সেক্কে ইস্রায়েল গোজেন আসিরিয়ার রাজা পূলর, অত্তাৎ তিগ্লৎ-পিলেষর মনত্ রাগ উদিলো। তে রূবেণীয়, গাদীয় আর মনঃশি-গুট্টির অদ্দেক্‌ মান্‌জ্যরে বন্দী গুরিনে হেলহ, হাবোর আর হারা চাগালাত্‌ আর গোষণ গাঙর্‌ পারত্‌ নেযেল; এজঅ সং তারা সিদু আগন্‌।

২ বংশধর 28:16

সে অক্তত্‌ রাজা আহসে সাহায্য চেবাত্তে আসিরিয়ার রাজা ইদু মানুচ্‌ পাদেল।

২ বংশধর 28:20

আসিরিয়ার রাজা তিগ্লৎ-পিলেষরে তাইদু এচ্ছ্যে মাত্তর্‌ তে সাহায্যর্‌ বদলে আহসরে দুঘ্ দিলো।

যিশাইয় 2:6

তুই দঅ তঅ মানুচ্চুনোর্, অত্তাৎ যাকোব বংশধরুনোরে ছাড়ি যেইয়োচ্। তারা পুগেদি দেজ্‌ছানির কুসংস্কারলোই পেলেপেলে ওইয়োন; তারা পলেষ্টীয়গুনো ধোক্ক্যেন যাদুবিদ্যের্ অভ্যেস গোজ্যন আর নানান্ জাদ সমারে আঢ্ মিলেয়োন।

যিরমিয় 13:21

যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিরমিয় 17:5

লগেপ্রভু কোইয়্যেদে, যে মানুচ্চো মান্‌‍‌জ্য উগুরে বিশ্বেজ্ গুরিনে আর বলত্তে নিজো কিয়্যে উগুরে বিশ্বেজ্ গরে আর যিবের্ মনান মত্তুন্ সুরি যেইয়্যে তে অভিশাব্ পেইয়্যে।

আবিলেচ্ 4:17

তো সাহায্যত্তে মিজে গুরি রিনি চেই চেই আমা চোগ্‌কুন চিবে চিবে ওইয়োন্; আমি আমিঝে এমন এক্কো জাদ ইন্দি চেই এলং যে জাদ্‌তো আমারে রোক্ষ্যে গুরি ন-পারিদো।

যিহিষ্কেল 16:28

আসিরিয়গুনো সমারেয়ো তুই ব্যভিচের্ গোজ্যস্, কিত্তে তুই ঈল্ ন-ফুত্যে এলে; মাত্তর্ সে পরেদিয়ো তর্ ঈল্ ন-অয়।

যিহিষ্কেল 23:12

তার্‌‌অ আসিরিয়গুনো উগুরে কামনা অলঅ; তারা এলাক্ শাজন্‌গুরিয়্যে আর সেনাপতি; তারা দোল্ কাবড় উজ্যে যোদ্ধা আর ঘোড়াচালেয়্যে; তারা বেক্কুনে দোল্ গাবুজ্যে।

যিহিষ্কেল 23:5

অহলা মর্ থাগদে সিনেলী গুরিলো। তা লাঙেগুনো উগুরে, অত্তাৎ আসিরিয়গুনো উগুরে তে জুড়্‌‌বোত্যে। ইগুনে এলাক্ য়েল্ কাবড় উজ্যে যোদ্ধা, শাজন্‌গুরিয়্যে আর সেনাপতি; বেক্কুনে দোল্ গাবুজ্যে আর ঘোড়াচালেয়্যে।

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

হোশেয় 7:11

ইফ্রয়িমে যেন এক্কো অঘা কোদোর্; তে এক্কুবারে বুদ্ধি নেইয়্যে। একবার তে মিসররে ডাগে আর একবার যায় আসিরিয়া ইধু।